ISAI 40:9 - PATHIEN LEKHABU THIENGTHO (BSI)

⁹ “Aw Zion, tâng sangte achun va kalto inla, Chanchin Pha hi va gen in! Aw Jerusalem, Chanchin Pha chuh phuong in ngeih tak in kiko in la! Lau ki’n. Juda khawpite kawm achun, Na Pathien chuh zie hin a um hi,” ti’n hilh in.

ISAI 40:9 ပူးပေါင်းရင်းမြစ်များ

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

EPHESI 6:19

Chun, keile, thugen dinga ka kiguot zawh phat leh, Pathien in ka thugen ding ei piek theihna dingin ei paucham pih zing un, ti a chuh hangsan taka Chanchin Pha thuguk chuh ka hetsak theihna dingin.

ISAI 61:1

Liengvaite kawma Chanchin Pha gen dinga Lalpa’n thau ei nuh ziekin, Lalpa Pathien thagau chuh ka chungah a um. Amah chun lunggil thasie te sudam ding leh, saltâng te kawma pawt na thu leh, suongkul tângte pawtna thu phuong ding leh,

1 PETER 3:14

Himahlele, diktatna zieka na thuoksa bang na hih tak uh chun, kipâk unlau! Kuomah lau kiu inla, lung le lungkham diek kiu un.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”

NASEPTE 4:29

Khutichun, Lalpa, ngaitie! tu a ei hun vau zieu haw hi; na suokte hi hangsan takin na thu gensak in la.

NASEPTE 4:13

Chun, Peter leh Johan hansan zie chuh a muh un, lehkha thiemlo leh, mi mawl mai ahiu hi tih a heu a, mak a sa mah mah tau a. Ziephet chun, Isu kawmah a um kha tau hi tih a he tau a.

NASEPTE 2:14

Himahlele, Peter chuh sawmlekhatte tawh a ding khawm u a, amah chun ngeih tak in a kawm u ah a gen a, “Nanguh, Judea gama umte, nanguh Jerusalem khuo a um cheng chengte haw, ziehaw hi heu inla, ka thu le ngaiun.

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

JEREMIA 22:20

Lebanon achun chieh to inla, kap un. Bashan achun na aw suoh inla, Abarim achun kiko in. Nang hun ngaizawngte chengcheng chuh suksiet in a um ta ngâl u a.

ISAI 58:4

Kinakna leh kinielna ding leh, nunsietna khuttuma kichûm dingin an na ngawl sek u a; na awu hi chunglama zak theih ding khawp in an na ngawl kha puou hi.

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

ISAI 41:27

Keimah ngêi in Zion kawmah, ‘Entie, amau khu entie,’ ti masa’ng ka ting; Jerusalem kawm achun Chanchin Pha hun puo ding khat ka sawl a, (Ka mite chuh a hung tau a, In lam zuon in a hung ui!)

2 KHANGTHUBU 13:4

Chun, leng Abijah chu Zeremian tâng achun a dinga, zie chu Ephraim tâng ahi a, Nang Jeroam leh Israel mi cheng cheng in ei na ngaitha tiem u, a ti a.

VAIHAWMTE 9:7

Chun, zie thu chuh Jotham a hilh u a, tichun Jotham chuh a chiehto a, Gerizim tângsip ah a va dinga, aw ngeih tak in a kiko a, a kawm u ah, “Nang haw Sekem mite haw, ka thugen hih ngaitha tiem u, khutileh Pathien in na thuu a na ngaitha ding ahi,

ISAI 1:1

Amoz chapa Isai in Juda leng Uzziah, Jotham, Ahaz leh Hezekia te vaihawm laia, Judate leh Jerusalem chungchâng thu a kilâkna a muh chuh:

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

ISAI 44:26

Himahleh, ka suokte chun thu a genlawk uh a, ka thil guonggalh genlawk dinga mi ka sawl chun, ka thil guonggalh leh a genlawkteu chuh ka hih guitung sek hi. Jerusalem chuh mite hun luoh kit ding leh, Juda khawpite tun dawk kit ding ka gen a, zie khawpite chuh a sietna apat a tundawk kit dingin.

JEREMIA 29:11

Nanguh dinga ka thil guot chuh ka kihet ngâl a, tunung a ding a kinepna hun pie dingin, thil phalo hilo in, phatna ka ngaihtuoh a hi zawi! Lalpa’n a tii.’

NAHUM 1:15

Tang haw a Chanchin pha tun a, chamna thu tângsappih te kengte chuh entie! Aw Juda na guolvak nate kipahpih in la, na thutiem te chuh muolsuoh in. Migilo chun la hun palzut kit ding ahi ta puoh ngâl u a, kichien taka sukmang ahi tau hi.

ISAI 52:6

Zieziekchun, ka mite chun ka min he tau intin, zie ni ngêi chun a kawm u ah, ‘Zie hin ka um hi,’ tipa hi hechien ta’n au.”