ISAI 40:31 - PATHIEN LEKHABU THIENGTHO (BSI)

³¹ Himahleh, Lalpa ngakte chun vang, a hâtnau chuh la thak kit untin; mupi bangin tha’n leng to untin; tai un tin, mahleh, châwl puou untin; chau lo in keng in chieh un au, ti’n.

ISAI 40:31 ပူးပေါင်းရင်းမြစ်များ

2 KORINTH 4:16

Zieziek tak hin ka lungkie puou hi. Ka phehlevo sapum u hi sie tiltil mahleh, ka thagau lam hinnau vang, ni chengin siemthak in a um zel ahi.

SAM LEHKHABU THE PSALMS 103:5

Na damsung chengin na kam chu thilpha’n a hih tai sek a; Khutichun na tanglakna chuh mupi banga siemphat in a um kit sek.

HEBRAI 12:1

Khutichun, eihaw vang, hetpih meipi nasa takte um kimvela um I hih ziek u hin, ei sukawlawk ta cheng leh, gitloh eimau a bek chak hi mu’n paih thai tingun, I masang uh a kitaihsiekna um ahin, thuokhat takin tai hitiu.

GALATI 6:9

Zieziekchun, thilpha hih chim puoi tiu; I kithahdah loh u chun chuh, a hun taka ât ding I hi ngâl u a.

ROME 8:25

I muh loh chuh I kinep le vang chuh I ngak tuntun sek ui.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.

SAM LEHKHABU THE PSALMS 84:7

Hatna a kipatin hât zawk diek na ah a chieh sek u a, Zion Pathien âng a chun a kimuhsak chiet sek ui.

SAM LEHKHABU THE PSALMS 37:34

Lalpa chuh ngak inla, a lampi chuh hawh in, Khutichun gam hi luoh dingin hun limbawl ina: Mi nunsiete sukmangthai a a um pet u chuh hun mu’n la.

LUKE 18:1

Chun, Isu’n a sinsakte chuh, lungthuoi lo in a paucham zing dinguh ahi tih hilhna dingin a kawm u ah tehkal thu a gen a:

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

SAM LEHKHABU THE PSALMS 138:3

Ka hun uou ni’n nang in nei dâwng a, Ka hinna hihhat in nei tîlkhoh a.

SAM LEHKHABU THE PSALMS 25:5

Na thutak a chun ei pui inla, ei sinsak in; Nang chuh ka hukdampa Pathien na hi ngâl a; Sun ni tum in ka hun ngak zing hi.

SAM LEHKHABU THE PSALMS 25:3

Ahi, nang hun ngakte chuh muolpho in um sak ki’n la: Aziek umlo a gukhah taka hihte vang chuh muolpho in um u hen.

PAWTDAWKNA 19:4

Aigupta te chunga ka thilhih danhaw leh, mupi’n a note a tha chunga a puok banga ka hun puok a, ka kawma ka hun puihtung dân hi na muu a.

HEBRAI 12:3

Khutichun, na thagau lam uh a na hung lungkiek uh a, na hung chawlh zieng lohna dingun, a chunga thiltung leh, mi gilote apat a muhdahna a thuokna haw chuh ngaihtuoh tiem u khai!

JOB LEHKHABU THE BOOK OF JOB 17:9

Hilele, mi kitûp chun a lampi ngei a tu zing sek a, Kuole khut thiengtho nei chuh hât deuh deuh in a.

SAM LEHKHABU THE PSALMS 40:1

Lalpa chuh ka ngak tuntun a, Tichun amân ei ngeingaih a, ka kiko chuh a ngaitha tai.

THUPHUON 2:3

Thuokhatna le na nei a, ka min ziekin na thuok ta a, na chau puoh ngâl a.

SAM LEHKHABU THE PSALMS 25:21

Ka lungthim phatna leh ka dikna’n ei humbit a, Nang ka hun ngak zing sek ngâl a.

SAM LEHKHABU THE PSALMS 123:2

Ngaitie, sawntawlawi haw’n a puu mitmei a ven bang leh, Sawntawlawinu mit in a pi mitmei a ven bang in; Ei uh haw mit inle I Pathien uh lam chu a en zing hi, Ama’n ei uh ei lungsiet masang sieh in.

ZEKARIA 10:12

Chun, amau haw chuh suhat ing ka ting, amah min in asuk ato in chieh un au,” Lalpa’n a tii.

2 KORINTH 4:1

Pathien in a hehpihna zieka zie na hi ka sep dinguh a ei piek ahi a, zieziekchun, ka lungkie puou hi.

ISAI 8:17

Lalpa chuh a mite lak apat in a kisel a, mahleh, ka ginna chuh amah ah ka nga a, amah achun kinem zing ing ka.

SAM LEHKHABU THE PSALMS 92:13

Lalpa In a phuh haw chuh, I Pathien uh Ho-In huongsung inmai achun duoh hut hut un au.

1 THESSALONIKA 1:10

A Chapa, mithi lak apat a kaih thawh. Pathien lungnat hungtung ding apat a ei hukdawk pên, a Chapa Isu, van apat a a hung ding na ngak uh a gen sausau uh ahi.

VAIHAWMTE 16:28

Chun, Samson chun Lalpa a sama, “Aw Lalpa Pathien, lungsiet takin ei hun hezing inla, lungsiet takin khatvei mai ei hun hihhat kit in, ti’n ka hun ngên hi. Aw Pathien, Philistia te chung ahin ka mitchangte nih phuba hih ka lak theih na dingin,” a ti a.

SAM LEHKHABU THE PSALMS 92:1

Lalpa kawma kipahthu gen leh, Aw Chungnung pên, na min pahchak a lasak hi thilpha tak ahi.

SOLOMON LA 8:5

Kuo ahi gamthip a pata hung to a, a deihtak chunga kinel hih? Theipi bul nuoi ah ka hun chawktho a, zie tak achun na nu’n nauhanat in a hun vei a, Zie tak chuh ahi na nu’n nauhanat a a hun hinna chuh.

THUPHUON 4:7

Ganhing khatna chuh keipi bakkai tawbang a hi a. Ganhing nihna chuh bâwngno tawbang a hi a, ganhing thumna chun mihiem mel tawbang a pua, ganhing lina chuh, mupi leng lai tawbang ahi.

THUPHUON 12:14

Tichun, thalek muna a umna a chuh a lên lut theihna dingin, numei chuh mupi lien tak tha lang nih hi a pieu a, zie tak a chuh kum thum leh a kim chuh, dragon in a dona apat a chuh bit taka etkawl a a um theihna dingin.

DAN NIHNA 32:11

Mupi’n a bu a a note chuh a chawktho a, tichun, a la a a lenpih a, A note chunga a tha a zap a, a tha a zak palh a, a lak toh a, A tha chunga a puok sek guolin,

ISAI 41:1

Aw, tuikuol gamte haw, ka masangah thipkêi in um un! mitin in a hâtnau la thak u hen la, hun naih u henla, thu gen sak un; vaihawm dingin kinaih tuoh dii tiu.

ISAI 64:4

Masang apat in mite’n nang chauh lo chuh, amah ngakte nasep sak sek nang tih loh Pathien a hekha puou a; a bil un a za kha puou a, a mit un le a mu kha diek puou hi.

JEREMIA 48:15

Moab chuh sukmangthai in a um a, a khawpi chuh meikhu’n a leng mang zo tai; a tangval pha hawu chuh a puk zo tau, ti’n, Lal, a min Sepaihte Lalpa chun a tii.

DAN NIHNA 33:25

Na kawtkamna chuh kahpathik leh dakguo hi’n tin, Na damsung ni chengin thahat takin um zingin,” a ti a.

JOSHUA 14:11

Himahleh, tuni tieng hinle Mosi’n ei sawl lai bang khan ka hât zing a, zielai a kido dinga pawtdawkna leh hungkitna dinga tha ka neih mah bang khan tuhin le ka nei zing a puo!

SAM LEHKHABU THE PSALMS 20:9

Lalpa, hukdam in: I sap tak u leh Lalpen in ei dâwng ta hen.

SAM LEHKHABU THE PSALMS 84:8

Aw Lalpa sepaihte Pathien, ka pauchamna hi ei ngaihthak sak inla; Aw Jakob Pathien, nakhang a na dawh in. Selah

THUCHINGTE 30:19

Vanlaizawl a mupi len na lampi, suongpi chunga gûl vakna, tuisuohgiet a kuong chiehna, pasal leh numei kilungsiet na lampi te hih.

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.