ISAI 40:3 - PATHIEN LEKHABU THIENGTHO (BSI)

³ Aw khat hung gi chun, “Lalpa lamlien lai unla, gamgaw achun I Pathien uh lamlien chuh hei zang un.

ISAI 40:3 ပူးပေါင်းရင်းမြစ်များ

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

JOHAN 1:23

Johan chun, “Lalpa lampi hih tuok un, ti a gamthip a kikopa aw chuh ka hii, thiemgau Isai gen guol khan,” a ti a.

ISAI 57:14

Lalpa chun, “Ka mite chuh ka kawmah hung vaikit tau hen. Lampi a a nangte cheng chuh ladawk unla! lampi siemphau un la, hih zang un.

ISAI 43:19

Ngaitiem u, thil thak hih ding ka hi; tu apat hin a dâwn dawk ngâl ta a, zie chuh mu thei lo na hiu em? Gamthip a le lampi siem ing ka ting; gamgaw achun luipi te hun luon sak ding ka hi.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

ISAI 49:11

“Tichun, tâng lien takte kantan in lam tuongpi siem ing ka ting, ka mite zin vielna dingin lamliente siem ing ka.

SAM LEHKHABU THE PSALMS 68:4

Pathien chawiân in lasau inla, a min pakcha’n lasau in: Kangtalai a gamgaw a chiehpaite ding chun lamlien sung pawng unla, A min chu JAH ahi; a masanga chun lawp un.

ISAI 40:4

Guom tin chuh sun dim hi’n tin, tâng tin muol tin le sukniem hi’n a; lam kawite chuh sukzang in um intin, lam kiguol lohna haw chuh sukguol hi’n a.