ISAI 40:26 - PATHIEN LEKHABU THIENGTHO (BSI)

²⁶ Chunglam a khun na mitteu hak to unla en un! Aksite khu kuo siem ahim! Amah chun sepaihte chuh kizawm zelin a puidawk sek a a min un a sam chiet sek a; A hatna nasat ziekin leh, thilhih theihna lama a hât ziekin, khatchale kimlo a um ngei puoi.

ISAI 40:26 ပူးပေါင်းရင်းမြစ်များ

ISAI 51:6

Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

ISAI 48:13

Ka khut hin leisiet kingaknate hi ka siem a; ka khut changlam in vante khu ka zak palh a; amau chuh ka sap tieng leh, a ngaitha sek ui!

ISAI 44:24

Lalpa, nanguh hun Tandawkpa; sûl apat nanguh hun siempa chun “Kei hi Lalpa, thil chengcheng siempa ka hi, kei chauh a van zak palh a, kuomah panpih loh a leisiet siempa chuh ka hi!

ISAI 45:7

Vak ka na siem a, thimna hi ka um sak ahi a, Vangsakna leh vangsietna le ka hun tun gêl gêl a hi ngâl a. Kei Lalpa hin zie thilte chuh ka hih ngêi ahi.

ISAI 42:5

Lalpa, Pathien vante siem a, a zak palh a; lei hi kaimalh a, a sunga um chengcheng te hinna piepa; a sunga vakvielte thagau pie pa chun hiti hin a gen hi.

ISAI 34:16

Lalpa lehkhabu ah hawl unla, sim unla, ziehaw lak achun khatchale kimlo um puo’n tin, khatchale kawppih neilo um puo’n a. Lalpa ngêi chun khuti ding chun thu a pie a, a thagau chun a puikhawm ahi.

SAM LEHKHABU THE PSALMS 19:1

Vante’n Pathien lopi zie a hetsak u a; Vanthamzawl za tak khun a khut suok chuh a lat sak sek a.

DAN NIHNA 4:19

Ahihloh leh, na mit u a van lam a dâk to in, nisa ahim, thapi ahim, aksi haw leh vanthamzawl a thilsiem chuom chuom te, Lalpa na Pathien un van nuoia nam chuom chuom te dinga a guotsak haw ahim chuh na muh tieng u leh hun hîp mang in, hun ho in, a nau hun sem kha’n lau.

SAM LEHKHABU THE PSALMS 102:25

Lei kingakna chu malai pek a na vuih ahi ta a, Van haw khule na khutsuok ahi a.

THILSIEMBUL 1:16

Tichun Pathien in vak lopitak nih a siem ta a; vak lopizaw chuh sun a vaihawm ding leh, vak lopi lo zaw chuh zan a vaihawm dingin a siem a, aksihaw le a siem hi.

SAM LEHKHABU THE PSALMS 121:1

Tang lam haw akhun ka mit ka hak to a; Khawilam a kipan in ahim ei panpih ding a hung tun ding?

ISAI 48:12

Aw Jakob leh, ka tel chuom Israel, ana ngaitiem u! Kei hi Amah chuh ka hi a, amasapen leh a Nunung pên chuh ka hi.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

THILSIEMBUL 1:14

Chun, Pathien in, “Sun leh zan khenna dingin vanthamzawl akhun vak haw um u hen la, ziehaw chuh melchikna haw, hunbi haw, nihaw, kum haw hetna ding hiu henla,

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

SAM LEHKHABU THE PSALMS 119:91

Ziehaw chuh tuni hin na vaihawmte bangin a um zing u a; Thil chengcheng chu lah na sawntawlawi te ahi chiet u a.

ISAI 45:12

Kei hi leisiet siema, a sung a mihing cheng te siempa chuh ka hi. Ka thilhih theihna’n vante khu ka zak palh a; a sunga umte cheng cheng hile kei thupiek a um ahiu hi.