ISAI 40:20 - PATHIEN LEKHABU THIENGTHO (BSI)

²⁰ Sana leh dangkathîk nei zo lote chun, thing muot theilo chi chuh a tel sek ui. Milim pathien kichawn lo ding, amah a dinga siem sak dingin mi khutthiem a hawl sek ui.

ISAI 40:20 ပူးပေါင်းရင်းမြစ်များ

ISAI 46:7

A liengko u a kawih dawkin a puu a, mun khat ah a kawih uh a; zie chun a ding a, himahleh, a umna mun apat chun a kichawn thei puoi. Mite’n amah chuh sam mahleu, a dâwng thei puoh a, a buoinau apat in le a hukdawk thei diek puoi.

ISAI 41:7

Mi khutthiem te chun sana sekte kawmah, ‘Na hih phai,’ ti’n. Milim pathien seka khen zawl thiem te chun a châlmat te chuh a thamuon u a, ‘Apha khawp mai hi,’ tichun, milimte chuh tawilawk thei talo dingin thingkilhna’n a kilhden tau hi.

DANIEL 5:23

Van Lalpa chung achun na kikawihsang zaw ta a; a Ho-In a umlebelte chuh na masangah a hun chawi u a, zie chuh nang leh na miliente leh na ziteu leh na meiteu tawh uain dawnna’n na mang u a, dangkaguote, sanate, sumeng te, thikte, thingte, leh suonghaw a siem pathien, mu theilo, za theilo leh ngaitha thei lote chuh na limbawl zaw tau a. Pathien, na hin leh thih ding hun guonggalh sakpa leh na thilhih chengchenga hun enkawlpa chuh na zah ta puoh a.

ISAI 44:12

Thik sêk pa chun a cheimawi sek a, meihawl lak achun a gawlh lut a, a bân tha hattak chun sek in a susek a, thil lim khat a hun sek dawk sek hi. A nasep lai chun a gil a hung kiel a, a hung chau seka, tui a dâwn loh ziekin a sawlsam sek hi.

DANIEL 5:4

Uain chuh a dâwn u a, sana te, dangkaguote, sum-engte, thik te, thing leh suongte a siem pathiente chuh a pakcha ta dul dul mai u a.