ISAI 40:2 - PATHIEN LEKHABU THIENGTHO (BSI)

² Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

ISAI 40:2 ပူးပေါင်းရင်းမြစ်များ

ZEKARIA 9:12

Nanguh, tu a kinepna nei saltângte haw, vaikit un, na kulhpiu lam achun vaikit un! Tuhin, ka hun hilh na hiu ui, a lehnih in hun pie kit ding ka hi tih ka phuong hi.

ISAI 61:7

Na zahchâknau leh na muolphonau thasang in a lehnih in muu un na tin, na zahchâkna gûn u khan na chantawk u ah lâwpin lasa’n lau; zieziekchun, na gam u chuh a lehnih in luoh un na tin; kumsawt kipahna chuh nanguh a hi ta’n a.

HOSEA 2:14

Zieziekchun tuhin thalek gam ah puikit ing ka ting; zie tak achun lungsietna aw nem takin thêm ing ka.

THUPHUON 18:6

Ama’n a hun bawl guol khan, bawl thuk unla; A thilhih dungzui zelin, a lehnih in dinthuk un! Dâwn ding hat taka chawhhelna khawn achun, amah dingin a lehnih in hel sak un.

JEREMIA 16:18

Tichun, a luong uh kihdak-um thil haw chun ka gam a subuok u a ka gochan chuh manlohna a a sukdim tâk ziekun, a gitlohnau chuh a lehnih in dinthuk ing ka, tih hi Lalpa kamsuok ahi.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

JEREMIA 29:11

Nanguh dinga ka thil guot chuh ka kihet ngâl a, tunung a ding a kinepna hun pie dingin, thil phalo hilo in, phatna ka ngaihtuoh a hi zawi! Lalpa’n a tii.’

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

NASEPTE 1:7

Isu’n a kawm u ah, “Pa’n a hun leh a ni chuh amah thu thu a a guot a hi a, nanguh het ding ei puoi.

DANIEL 11:35

Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

ISAI 12:1

Zie ni chuleh, mipite chun la sau un tin, “Aw Lalpa ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

GALATI 4:4

Himahlele, a hunbi a hungtun khan, cha hihna I muh theih na dingun.

ISAI 49:25

Lalpa chun a dâwng a, “Zie thil ngêi chuh ahi a hungtung ding chuh, Sepaihte’n suongkul a a khumteu chuh puihdawk in um un tin, migilo gâllâkte chuh mat in um ina. Nang hun dote chuh do ing ka ting, na chate chu hukdawk ing ka.

ISAI 33:24

Zie khuo a um chun “Ka dam puoi” ti um ta puo’n tin, a sunga mi umte chuh a gitloh uh ngaihdam hi ta’n au.

SAM LEHKHABU THE PSALMS 32:1

A sukkhelhna ngaihdam a uma, a gitlohna lieh khuh a um chuh a hamphai.

ZEKARIA 1:15

Nam nawp lên mai maite chung achun ka lungna mah mah a; chawmkhat sung ka lungnatna ka zukkit sung chun, zie namte chun, ka mite thuokna chuh a khawk zaw deuh in a bawl u a.

DANIEL 12:9

Amah chun, “Daniel chieh mai ah, hun tâwp a hungtun macheng chuh zie thu haw chuh khak chak leh châldet ahi ngâla,” a ti a.

DANIEL 12:4

“Himahleh, nang Daniel, lehkhabu chuh khâk chak kêi inla, tawpna a tun masang chengin châl den in, a tawpna hun chan in, mi tamtak asuk atung in taiviel un tin, hetnate pung ding ahi” a ti a.

DANIEL 9:12

Chun, a thu ka chung u a a gen leh ka vaihawm teu, vai ei hawmsakte chunga a gen kha ka chung u a thil phalo nasa tak tunsak in a hih kim ta a: Jerusalem chunga kihih bang chuh vannuoi pumpi ale hih in a um ngei puoi.

DANIEL 9:2

A vaihawm kum khatna achun, lehkhabu thiengtho chuh ka sim a, Lalpa’n thiemgau Jeremia kawma Jerusalem sietna ding tiem hunsung kum zah chuh ka na hethiem ta a, kum sawmsagih chuh!

JEREMIA 17:18

Ei sugimtheite chung achun zahchâkna tun sak inla, himahleh aw Lalpa, kei vang ei suzakcha ki’n. Amau haw chungah sietna tunsak in la; sietna thuohnih in amau sumangthai in.

2 KHANGTHUBU 30:22

Hezekia chun Levi te chu Lalpa hona ma a puihthiem ziek u chun a pakcha a. Chun, amau chun Kut ni sagih sung chun, kithawihna te lân in, a pileputeu Lalpa Pathien kawma suol thuphachawihna nei in ante a neu hi.

THILSIEMBUL 34:3

Chun, a lungthim chuh Jakob chanu Dinah chung achun a um zing ta, a zie nungak chuh melhawih tak ahi tih a mu a, a lungsiet a, amah chuh paukam pha tak in a hopih a.

ISAI 6:7

Chun, Seraf chun zie mei-âm chun ka mûk a hun dep a, ka kawmah “Ngaitie, zie hin na mûk a sukha tai, tichun na manlohna lâkmang ahi ta a, na gitlohna le ngaihdam ahi tai,” a hun ti a.

ISAI 14:3

Chun, na lungkhamna haw apat leh na buoina haw apatte, nasep haksa tak ahun sepsak nau haw apat chuh Lalpa’n a hun chawlhsak ni chuleh hiti hi hi’n tin;

ISAI 53:5

Himahleh, amah chuh I bawhsietna teu zieka sukliem a um in; I mantheihlohna teu ziekin zêp thidup in a um a. I thamuonna ding un zêpna mawlh chuh a chungah a chu a; a liemna pawn haw a chuh sukdam a um I hi tau hi.

ISAI 53:6

I bawn un belam guolin I vakmang u a; mitin eimau lampi chiet ah I kihei tau a; himahleh, I gitlohnau chuh Lalpa’n amah chungah a nga a, I thuok sik un a thuok ta a.

ISAI 54:15

Ngaitie, nang hun do dinga kipan a um chun, zie chuh keia kipan hi puo’n tin; kuole, nang hun do dinga kikhawm taphawt chuh nangmah ziekin kipuk un au!

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

ISAI 66:13

Nu’n a cha a lungmuon bangin hun lungmuon ing ka ting; Jerusalem achun lungmuong takin um ta’n lau.

JEREMIA 51:10

Lalpa chun I diknau a phuong tai; hung un, Zion ah Lalpa I Pathien nasep u chuh phuong hitiu.

SUNNA LA 4:22

Aw Zion chanu, na gitloh zieka gawtna chu a bukim ta a: Lalpa’n salin hun kawih zawm ta puo’n a. Himahlele Aw Edom chanu, Lalpa’n hun gawt intin: na gitlohna chu phuong chil in a.

EZEKIEL 16:42

Khutichun na chungah ka lungdam deuh ta’n tin, na chunga ka thikthusietna chuh bei ta’n tin, thip tang ka ting, lungna khata puo’ng ka.

ZEKARIA 1:13

Chun, Lalpa chun ei hopih vânsâwlchâk chuh lungmuon um takin a dâwng ta a.

PAWTDAWKNA 22:3

“Himahleh, nisuok nung ahih le chuh vang amah a dingin thisan phuba chuh um intin, a thil gûk cheng kim kêi a a piekkit vek ding ahi. Piek ding a neih loh le vang chuh a gukchak mana chuh amah chuh zuok ding ahi.

SAM LEHKHABU THE PSALMS 85:3

Na lungnatna chengcheng na lamang ta a: Na lungnatna lauh-um na zûk kik a.

THUGENPA 3:4

Kah hun a um a, nuih hun a um, lusûn hun a um a, lam hun a um hi,

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

ISAI 51:17

Aw Jerusalem, tho dawkin! Nangmah kipan inla; ding dawk in! Lalpa’n a lungnatna khawn dâwn ding a hun piek chuh na dâwn zo ta a, Na dâwn zo a, a hun sulawn duoi duoi a.

HOSEA 2:16

Lalpa chun hiti hin a tii: Zie ni chu leh hiti hi hi’n tin, “Ishi” ei ti’n na tin, “Baal” ei ti ta puon la.

ZEPHANIA 3:15

Lalpa’n na chungchâng vaihawmna chuh a lamang ta a; na melmate a paih dawk vek ta ngâl a. Lalpa, Israel te Leng chuh na kawmah a um a, lauh ding himhim a um ta puoi!