ISAI 40:10 - PATHIEN LEKHABU THIENGTHO (BSI)

¹⁰ “Entie, Lalpa Pathien chuh thilhih theihna a vaihawm dingin a hung a, a bân chun a sik in vaihawm intin, entiem u, a kipahman chuh a kawmah a um hi; a ditna chule a masangah um ina.

ISAI 40:10 ပူးပေါင်းရင်းမြစ်များ

THUPHUON 22:12

“Ngaitie! hung vak zieng ding ka hi ie! mitin, a thilhih dungzui chiet uh a piek dingin, ka kipahman ka kawmah a um hi.

ISAI 62:11

Ngaitiem u, Lalpa chun kâwlmawng tiengin a phuong ta a; “Zion chanu kawm achun gen inla, Ngaitie, na hukdamna chuh ahung tung ta a, a kipahman chuh na kawmah a um a; na sepman ahun piek ding chuh a masang ah a um hi” ti’n.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

ISAI 49:4

Kei chun la, “Hahpi’n ka semgim a, himahleh, bangmahlo a hi tai! Ka hatna cheng ka mang zo ta a; himahleh, bangmah ka hih dawk diek puoi,” ka ti a. Khutisa chun le Lalpa chuh ei panpih dingin ka muong a, ka nasep man chuh ei pie ngêi ina.

ISAI 59:15

Ahi, thutak atawm ta a, thil gilo haihsan taphawt chuh thah in a um zaw ta a. Thudik a um ta puoi tih chuh Lalpa’n a mu a, a lung-awi ta puoh a.” Lalpa’n zie chuh a mu a, diktat lohna achun kipahna a nei puoi.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

JOHAN 12:15

“Lau kih, Zion chanu; Entie, na Leng chuh! Sabiltung no chunga chu’n, Hung ding a hii,” ti a Pathien lehkhabu a zik guol khan.

SAM LEHKHABU THE PSALMS 110:6

Amah chun namte chungah vaihawm intin, Mun haw chuh mithi luong in dim intin, Gam tamtak luchangte chuh sat phel lem lum in a.

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

JOHAN 12:13

Khutichun, tûmbâk haw chuh chawiin, a muok dingin a chieh u a, “Hosanna, Lalpa min a Israel Leng hung chuh a hamphai,” ti’n a kiko u a.

ISAI 53:12

Zieziekchun, amah chuh miliente chanvo bang hawm ing ka ting, amah chun mihatte tawh gâllâk sumte chuh hawm ina; a hinna chuh thi khawp hiela a sunbuok a, migilote laka simtel a a um ziekin; ahi, mi tamtak te gitlohna chuh puo a, migilote chuh ngaihdam a a um theih na dingun a paucham sak hi.

SAM LEHKHABU THE PSALMS 66:3

Pathien kawmah “Na thilhih haw chu a huoisie na maizen e! Na thilhih theihna nasat ziekin nangmah hun dote chun na kawmah nuoilut chuh un au.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

MALAKI 3:1

“Ngaitiem u! ka sawlchak hun sawl ding ka hi a, Ka masangah lampi hun guonggalh ina. Tichun, na hawl uh, Lalpa chuh a Ho-In ah thakhat in hung phut ina. Thuthun Sawlchak na kipahpih u chuh hung in tin, ka thu chuh hung phuong dawk ina,” Bangkim hihthei Lalpa chun a tii.

ISAI 28:2

Ngaitie, Lalpa chun mihat, thilhih thei tak a nei a; amah chuh giel nasatak kie zungzung, huihpi thil susie gei gui bang leh, tuilien nasatak, let zuoh zuoh bang mai in, lei ah paih tha’na.

ISAI 33:2

Lalpa, ka chungu ah zahngai in, nang ka hun ngak zing ngâl u a; zingkal chenga ka bit nau hi’n la, buoina apat in ei hukdawk in.

ISAI 51:5

Ka hukdawkna chuh kin takin hung nai intin; ka hukdamna chuh ka sawldawk ta a, amau haw chuh hukdam ing ka. Ka guolzawhna ni chuh a nai ta ngâl a. Keimah ngêi hin namte chungah vaihawm ing ka ting; Tuisuohgiet panga chêngte chun ka hung ding ngak in, ka vaihawmna chuh kinem takin a ngak ngâl u a.

ISAI 59:16

Sukgimtheih a umte panpihtu ding um loh chuh mak a sa mah mah a. Zieziekchun, a thilhih theihna chuh hun suoh in tin; amau haw chuh hun hukdawk in a.

ISAI 59:18

Amah dodalte chunga a lungnatna, a melmate chunga phulakna, leh tuikuol gamsung a chêngte chule a thilhih dungzui chiet un hun din ina.

ISAI 63:5

Tichun, ka vak en viel a, himahlele, kuomah ei panpih ding a um puoh a. Ka mit ka thawlh viel a, himahleh, ei hukdawk ding kuomah a um puoh a. Khutichun, ka lungnatna chun ei suhat a, tichun, keimah khut ngêi chun zawhna ei pie ta a.

THILSIEMBUL 15:1

Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n

JEREMIA 31:16

Na kahlai hai inla, na mitthitui thiek hul in, na chate dinga na thilhih hi kipahman piek loh in um puo’n a; melmate gam apat in hung vaikit ding a hi ngâl uh a, tih hi Lalpa kamsuok ahi.