ISAI 4:6 - PATHIEN LEKHABU THIENGTHO (BSI)

⁶ Sun a nisa lum in a kâk loh na ding leh, guohpi-huihpi laka kihumbitna ding leh kisêlna dingin a lopina chuh bukcha guolin um ta’n a.

ISAI 4:6 ပူးပေါင်းရင်းမြစ်များ

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

SAM LEHKHABU THE PSALMS 27:5

Lungkham ni leh a bukcha a ei kawih gu ding a hih ziek in, A humbitna puon-In a chun ei sel gu’n tin, Suongpi chung sang tak ah ei dawm kai ina.

ISAI 32:2

Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

ISAI 8:14

Chun, amah chuh mun thiengtho hi’n tin, mite ding chun pukna suongpi, Juda leh Israel lalgam leh Jerusalem a mipite ding chun thâng leh piel hi’n a.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

THUPHUON 7:16

Gilkiel kit ta puou un tin uh, a dang uh le châk kit diek ta puo’n a; nisa’n le kâng ta puo’n tin, lum himhim inle sugimthei diek ta puo’n a.

HEBRAI 11:7

Taksanna ziekin Noa’n muh nailoh thil hungtung ding thu ah, Pathien hilh a a na um in, Pathien a gingcha a, a inkawte hukdamna dingin, kuong In nei khat a tu a; zie chun khawvel chuh mawh a chan sak a, chun, Noah chun Pathien apat a diktatna chuh taksanna vangin a mu tai.

HEBRAI 6:18

Zie chun then kit theih loh thil nih a um ta a, zie thu achun le Pathien chuh a lepchieh ngeilo ahi. Khutichun, eihaw, amah a kihumbitna mute hin, I masang uh a kinepna um chuh tuchak dingin, nasa taka sukhat in I um tau hi.

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

EZEKIEL 11:16

“Zieziekchun Lalpa Pathien chun hiti hin a tii: Gamla taka Jentel te lak ah chawnmang in; gam haw achun ana thehdalh mahleng, chawmkhat sung a va umna gam u a chun amau dingin ‘Mun Thiengtho’ hi’ng ka, a ti a.

SAM LEHKHABU THE PSALMS 55:8

Huihpi leh guohpi hattak hi kisel mang san ding hi veng,” ka ti a.

ISAI 14:32

Philistia nam palaite chuh, bangti’n I dâwng ta ding u? “Lalpa’n Zion chuh a dindawk a, a mite laka gimtheite chun, amah achun bitna mu’n au,” ti’n hilh hitiu.

ISAI 32:1

Ngaitie, leng khat chuh diktat takin vaihawm in chu’n tin, a miliente chun vaihawmna diktak in vaihawm un au.

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.