ISAI 4:5 - PATHIEN LEKHABU THIENGTHO (BSI)

⁵ Tichun, Lalpa’n, Zion tâng leh a kikhawmte chung achun, sun in meikhu, zan leh meikuong vak sawl sak ina, Pathien lopina chun khawpi sung chengcheng chuh khuh in vengbit ding ahi ngâl a.

ISAI 4:5 ပူးပေါင်းရင်းမြစ်များ

NEHEMIA 9:12

Tichun, sun leh meipi’n na pui a, zan leh a chieh na dinguh lampi salhvak dingin meikuong in na pui sek a.

SAM LEHKHABU THE PSALMS 78:14

Sun leh meipi’n a pui a, Chun, zan cheng leh meipi vak in a pui sek a.

ISAI 60:1

Tho inla, salh vak in; na vak chuh a hungtung ta a, Lalpa lopina chun a hun salhvak ta ngâla.

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

ISAI 33:20

Ka guolvaknau khawpi Zion chuh entie! Na mit haw chun Jerusalem chuh en un! Chenna dinga bitna mun pên hi ta’n tin. Puon-In, a kilhna bawhdawk khâk loh leh, a kaihmalhna khau tan ngeilo tawbang hi ta’n a.

SAM LEHKHABU THE PSALMS 85:9

A hukdamna chuh amah kihchate kawmah achun a um ngêi ngêi sek hi; Zie lopina chuh ka gam u ahin a um theih na dingin.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

SAM LEHKHABU THE PSALMS 89:7

Mi thiengtho haw kikhawp khawmna a Pathien lauh um tak, A kiengvêl u a mi cheng cheng sanga lopi leh tizat-um chuh kuo a um ta dem?

PAWTDAWKNA 14:24

Khuo a hung vak ding kuon chun, Lalpa’n Aigupta mite chuh meikuong ding leh mei ding achun a vak en a, tichun, Aigupta mite chuh a sulungzing ta a.

ISAI 37:35

Keimah ziek leh ka suok David ziekin, zie khawpi hi hukbit in, hum ding ka hi,’ ti’n” a ti a.

ISAI 32:18

Ka mipite ding chun lungkhamna um ta puo’n tin, a mite chuh bit tak leh muong takin um ta’n au.

SAM LEHKHABU THE PSALMS 111:1

Lalpa chuh pakchau in! Mi diktatte kihokhawmna leh kikhawp khâwmna achun Ka lungthim chengcheng in Lalpa kieng ah kipahthu gen ing ka.

PAWTDAWKNA 26:7

“Chun, Hobuk chung khuhna dingin kelmul puonzak haw na siem ding ahi; puonzak sawm leh khat na siem ding ahi.

PAWTDAWKNA 26:1

“Ziehaw bân achun, Hobuk chuh puonzak sawm nei a na siem ding ahi; patngat puonkawp a dumte, a sandupte, a sandângte, mang in cherub lim khutthiem tak a siem chuon sak ding ahi.

MATTHAI 18:20

Mi nih ahim, thum ahim ka min a a kikhawpna tak u achun a laku ah ka tel sek hi.” a ti a.

PAWTDAWKNA 24:16

Chun, Lalpa lopina chuh Sinai tâng achun a um zing ta a, meipi chun ni gup sung a khuh a: chun a ni sagih ni chun meipi apat chun Mosi chuh a vak sama.

SAM LEHKHABU THE PSALMS 105:39

Amah chun a lieh dingin meipi a zam sak a, Zan a amau haw salhvak dingin mei a pie a.

ISAI 60:2

Ngaitie, lei chung hi thim in khuh intin; thim sah tak chun mipite chuh khuh ding ahi a; himahleh, Lalpa chuh na chungah vak intin; A lopina vak chun hun salh ding ahi.