ISAI 4:4 - PATHIEN LEKHABU THIENGTHO (BSI)

⁴ Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

ISAI 4:4 ပူးပေါင်းရင်းမြစ်များ

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

MATTHAI 23:37

“Aw Jerusalem, Jerusalem, thiemgau haw that, na kawma Pathien in thupuo a hun sawlte that a, suong a sep lum! Akpi’n a note a tha nuoia a awp khawm guolin, na chate bang zat vei a awp khawm ka guot khah! Himahlele, na ut ngâl puou a.

EZEKIEL 36:29

Na buoknau chengcheng apat in hun hukdawk ing ka ting, buh chuh thu pie’ng ka ting, supung ing ka ting, na chung u ah kiel kie ta puo’n a.

ISAI 28:6

Vaihawm a pang te dingin, vaihawmna dik hetna, kulh kawtkhak hun dote na lehnawh kitna dingin hatna hi’n a.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

JOEL 3:21

Chun, a thisan phubau chuh la’ng ka ting, gitlohna neite chuh hinghawih lo ding ka hi. Lalpa chuh Zion achun a cheng zing ngâla,” ti’n.

EZEKIEL 22:15

Namte lak a chun hun thehzak ing ka ting, gam tin ah hun nawhzak ding ka hi; chun, na buokna chengcheng chuh nanga pat in subei vek ing ka.

SUNNA LA 1:9

A kihdak-umna chu a puonmawng ah a bek a; himahleh a tawpna ding chu a ngaihtuoh puoi. Nasa takin a puksie ta a; thamuontu ding himhim a nei puoi. A melmate’n a zo tau a, zahngaihna ngenin Lalpa, ngaitie, ka melma ten ei sukgimtheih zieu hi.

ISAI 9:5

Sepaih galdote gâllâk leh, a puon uh thisan bek cheng chuh, meia hâlmang hita’n a.

ISAI 1:31

Chun, mihat tak chule buhpawl bang hita’n tin, a nasep chuh meisi tawbang hi’n a; tichun kâng khawm un tin, a phelh mit ding kuomah um puo’n au.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

ZEPHANIA 3:1

Kipawngnekna leh kiphin hat khawpi, mipite diklo taka bawl sek, khawpi chuh a chung a gik hi!

SAM LEHKHABU THE PSALMS 51:2

Ka thulimlohna ei silthien sak tin ten inla, Ka gitlohna ei silngim sak in.

SOLOMON LA 3:11

Chiehdawk unla, aw Zion chanute, leng Solomon chuh en un; a khuksak kha, a nu’n lenglukhuk, a zi neih ni a, a lunggil kipahna ni chun.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 1:25

Chun, na chungah ka khut nga kit ing ka ting, na tui-êk na haw chuh thieng takin thiek ngim ing ka ting, nang hun tuom thik chengcheng chuh la mang ing ka.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.