ISAI 39:3 - PATHIEN LEKHABU THIENGTHO (BSI)

³ Zielai chun thiemgau Isai chuh Hezekia kawmah a chieh a, a kawmah, “Na kawma hungte kha khawitak apat a hung ahiu hi? Banga a hung gen uh?” a ti a. Hezekia chun, “Gam gamla tak, Babulon apat a ka kawma hung ahiu hi,” a ti a.

ISAI 39:3 ပူးပေါင်းရင်းမြစ်များ

DAN NIHNA 28:49

Gamla tak apat, kâwlmawng apat in, mupi kisukkhawh guola chan-gang, a pau le na hetloh uh nam chuh nang u hun do dingin Lalpa’n hun pui intin;

JEREMIA 5:15

Ngaitiem u, gamla tak apat in nam khat hun pui ing ka ting, Aw Israel inkuonte haw Lalpa’n a tii. Nam hattak leh lui tak, a pau uh na hettheih loh uh leh a thugen uh na het theih loh uh hiding ahi.

2 KHANGTHUBU 16:7

Zie lai chun, thiemgau Hanani chu Juda lengpa Asa kawmah a chieh a, a kawmah, “Lalpa na Pathien muong lo in Suria lengpa na muong a, Suria lengpa sepaih hawn te chu na pawtsak ta a.

2 SAMUEL 12:1

Chun, Lalpa chun David kawmah Nathan a sawl a. Nathan chu a kawm achun a chieh a, “Khuo khat a hin mi nih a um u a; khat chu mi hausa a hi a, khatzaw chu mi chagah ahi a.

ISAI 38:5

“Chieh inla, Hezekia kawmah gen ah, Na pu David Pathien, Lalpa chun hitihin a tii, Na pauchamna kha ka na za a; na mittuite le ka mu a; ngaitie, na damsung hi kum sawm leh kum nga behlap ing ka.

ISAI 38:1

Zielai chun Hezekia chuh thih ngam in a na a. Tichun, Amoz chapa, thiemgau Isai chuh a kawmah a hung a, a kawmah, “Lalpa chun hiti hin a tii, ‘Na insung hih tup in, thi ding na hi ta a, dam dawk talo ding na hi,’ a tii ti’n ava hilh a” a ti a.

2 KHANGTHUBU 25:15

Zieziekchun Amaziah chungah Lalpa a lungna ta a, a kawmah thiemgau a sawl a, zie pa chun a kawmah, “Na khut apat a mite le hukdawk theilo nam pathien te chu bang dinga ho na hi?” a ti a.

JOSHUA 9:9

Chun, amau chun a kawmah, “Lalpa na Pathien min ziekin na suok te hi gamla tak apat a hung ka hiu a; na minthan ziete, Aigupta gama na thilbawl chengcheng te,

JOSHUA 9:6

Tichun, Joshua kawmah Gilgal a a giehmun uh achun ava chieh u a, amah leh Israel mipite kawm achun “Kei uh hi gamla tak apat a hung ka hiu a: khutichun ka kawm u a hin kichamna thugawlh ei siem sak un,” a tiu a.

2 KHANGTHUBU 19:2

Thiemgau Hanani chapa Jehu’n a na muok a, leng Jehoshaphat kawmah, “Migilo chu panpih a, Lalpa hawte chu hehpih ding na hi maw? Zieziek hin Lalpa lungnatna na chunga hung um a hi tai.

ISAI 39:4

Tichun, amah chun, “Na In a khan banga muu hi?” a ti a. Hezekia chun, “Ka In sunga um chengcheng hi a mu suok vek u a; ka go kawih khawmna thil ka etsak loh bangmah a um puoi.” ti’n a dâwng a.

JEREMIA 4:16

Namte chuh hilh unla, Jerusalem ah phuong un, ngaitie, gam gamla tak apat in melma a hung tung u a, Juda khawpi haw chungah aw suoh in a kiko ui.

JEREMIA 8:19

Gamsung dung leh vaia ka chanu ka mite kah thawm chuh ngaitiem u! Zion achun Lalpa a um puoh ahim? A sunga chun a Leng umlo ahim? Bang zieka a milim siem kawm teu leh a gamdang pathien teu a ei sulungna ahiu em?