ISAI 39:2 - PATHIEN LEKHABU THIENGTHO (BSI)

² Tichun, Hezekia chuh a chungah a kipâk a. A kawm u ah thil mantam tak kawihna inte, dangka te, sana te, thil gimlim te, sathau mantam takte, a gâlvan kawihna In sung chengcheng te, a go pha laka um chengcheng te chuh a na etsak ta a. A insung a thil leh a gamsung a thil chengcheng chuh, Hezekia chun a etsak loh thil mawngmawng a um puoi.

ISAI 39:2 ပူးပေါင်းရင်းမြစ်များ

2 KHANGTHUBU 32:31

Babulon gam apat a palai a gama thilmak umte dawng dinga a hung un le, Pathien in a nungchang patepna dingin amah thu thun a thah tha zaw ta ahi.

2 KHANGTHUBU 32:25

Himahleh Hezekia chu, Lalpa’n amah dinga a thilhih chung a a kipahna sulang ding chun a chapo ta mah mah a, zieziekchun Juda leh Jerusalem a mipite chu a hung kingainiem tau a,

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

JOB LEHKHABU THE BOOK OF JOB 31:25

Ka hauhsak ziek ahim leh Ka khut in a lamdawk tam ziek ahim a ka kipah a;

2 KORINTH 12:7

Chun, thilmak ka muh haw zieka chuh, ka kisuon takluot lohna ding leh zie chuh Setan sawlchak in matchâk a ei mat a, ka chapo loh na dingin ka taksa ahin ling ei kipie ahi.

THUGENPA 7:20

Khawvela hin kuomah thil sukkhelh nei kha lo a, thilhih dik zing a um puoi.

THUCHINGTE 4:23

Thil dang cheng sangin na lunggil vengpha’n, zie chuh hinna tuinak kipat na ahi ngâla.

2 KHANGTHUBU 32:27

Leng Hezekia chu a hung neizo mah mah ta a, mitin in a zah tau a; a dangkaguo te, sana te, suong mantam te, gimlim te, phaw te, a thil neih man tam dangte kawihna ding In a sa a.

2 KHANGTHUBU 9:9

Khutichun leng chu sana talent za leh sawmnih leh thil gimlim tamtak mai leh suongmantamte a pie a, Seba lengnu’n leng Solomon thil gimlim a piek tawbang himhim hi a um puoi.

2 KHANGTHUBU 9:1

Chun, Seba lengnu’n Solomon minthan dân a na het in Solomon chuh thu hak tak taka patep guon, nungzui tamtak pui in sangawngsau haw a thil gimlim leh sana tamtak leh suongmantamte puo’n Jerusalem ah a va chieh a, Solomon kawm a va tun chun, a lunggil a um chengcheng chu suoh dawkin a hopih a.

2 LENGTE 20:13

Tichun, Hezekia chun amau haw chu a na lawp a, a thil mantam kawihna In chengcheng te, dangka te, sana te, thil gimlim te, sathau mantamte, a gâlvan kawihna insung te, a go um chengcheng te chu a etsak a. A In leh a gamsung a thil, Hezekia’n a etsak loh himhim a um puoi.

1 LENGTE 10:25

Chun a hung te chengcheng chun kipahman, kum cheng leh piek hun nei in dangkaguo umlebelte, sana umlebelte, puonte, gâlvante, gimlimte, sakawlte, sabiltungte, a hun pie sek u a.

1 LENGTE 10:15

Zie ban achun sumkawlvei mite, gimlima sumkawlveite leh Arabia gama leng haw chengcheng leh gam vaihawm tute a nei hi.

1 LENGTE 10:10

Chun, leng chuh sana talent za leh sawmnih leh gimlim tam deuh leh suongmantam te a pie a. Sheba lengnu’n leng Solomon gimlim a piek banga tam hi a lut kha puoi.

1 LENGTE 10:2

Chun, nungzui tamtak tawh, thil gimlimhaw leh sana tamtak leh suongmantam haw puo sangawngsaute pui in Jerusalem khuo ah a chieh ta a. Chun, Solomon kawm a tun chun, a lunggil a a thu dawt nawp chengcheng chu suohdawk suok in a hopih ta a.

1 JOHAN 1:8

“Gitloh ka nei puoi,” I tih uh chun, eimau leh eimau kithem I hiu a, thutak chuh eimau ah a um lo ahi.