ISAI 37:3 - PATHIEN LEKHABU THIENGTHO (BSI)

³ Chun, Hezekia chun hiti hin a thuthak a, “Tuni hi, gimtheih thawkna ni ahi a, gawt leh sukzahchak in ka um u a. Numei nau neih phat hita a, himahleh, nau nei dinga hatna neilo tawbang ka hiu.

ISAI 37:3 ပူးပေါင်းရင်းမြစ်များ

HOSEA 13:13

Israel chun hinna ding hunlemchang tak a nei a, himahleh nausen, a nu sûl apat a hung pawt ding ut lo a um guolin a ngawl a, a pawm nuom lo ahi.

ISAI 66:9

Pien hun tunsak ngâl in pieng dawk lo in a um ding a ahim? Lalpa’n a tii. Nau pien sak ding kei hin sûl chuh ka khâk dinga ahim? Lalpa Pathien in a tii.

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

2 LENGTE 19:3

Chun, amau chun a kawmah, “Hezekia’n hiti hin a tii: ‘Tuni hi thuokgimna ni a hi a, gawt in ka um tau a, muhsit in ka um tau ahi! Numei nau nei dinga kisa a, himahleh, nau hinna dinga hatna neilo tawbang ka hi tau ui!

ISAI 33:2

Lalpa, ka chungu ah zahngai in, nang ka hun ngak zing ngâl u a; zingkal chenga ka bit nau hi’n la, buoina apat in ei hukdawk in.

SAM LEHKHABU THE PSALMS 95:8

“Gamthip a Massah nihaw guol leh Meribah a ahih guol u khan, na lunggil uh hih khauh kiu in,

SAM LEHKHABU THE PSALMS 91:15

Amah chun ei sam intin, tichun dâwng ing ka; A lungkham pet in kei a kawmah um ing ka ting; Amah chauh humbit ing ka ting, tichun limbawl ing ka.

2 KHANGTHUBU 15:4

Himahleh, a lungzîn u a Lalpa Israel te Pathien lam a ngat u a, a hawl tieng u leh a muu hi.

THUPHUON 3:19

Ka hehpih tak cheng chuh ka hilhgaih a, ka thunun sek hi. Khutichun. gunchuh inla, lunghei ah.

ISAI 22:5

Kilâkna guom achun, Lalpa sepaihte Lalpa apat chun, buoina leh tawhden a umna ni leh, lungkhamna ni ahi ngâl a, kulhpi bang hihsietna leh, tâng te kawma panpih ngetna ni tunsak ding ahi.

HOSEA 5:15

“Ka mite chun a gitlohna ziek u a a thuok khawp kei u a, kei lam a hun hawl kit macheng un, limsak lo in um ing ka. A thuok gimnau ziekin ei hun hawl kit vak ding ahiu hi,” ti’n.

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

ISAI 25:8

Tichun, thihna chuh a valh den ta a, Lalpa Pathien chun mi cheng cheng chuh a mitthiu thiekhul sak ta’n tin; mite zahchâkna chuh leichung pumpi apat in lâkmang sak ta’n a. Lalpa ngêi chun a gen ta ngâl a.

ISAI 26:16

Aw Lalpa, a lungdawn lai un a hun hawl u a, na mite chuh na thunun tieng leh na masang ah a paucham sek ui;

ISAI 66:7

Nauvei a a nat masang in nau a nei a, a nauhanat masang in chapa a nei tai.

HOSEA 5:9

Ephraim chuh gawtna ni achun suk hawm hi’n tin, Israel chuh suksiet in um ina. Israel mipite haw, ziehi hung tung ngêi ding a hi!

ISAI 29:2

Ahih ziekin, Ariel chuh subuoi ding ka hi; Zie tak achun kahna leh mauna um intin, Jerusalem chuh keia dingin Ariel tawbang hung hi’n a.