ISAI 37:2 - PATHIEN LEKHABU THIENGTHO (BSI)

² A insung a lawiupa Eliakim leh lehkhazikpa Shebnah leh, thiempute upahaw chuh kawlladip puon kikhuh in, Amoz chapa thiemgau Isai kawmah a sawl ta a.

ISAI 37:2 ပူးပေါင်းရင်းမြစ်များ

ISAI 1:1

Amoz chapa Isai in Juda leng Uzziah, Jotham, Ahaz leh Hezekia te vaihawm laia, Judate leh Jerusalem chungchâng thu a kilâkna a muh chuh:

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

ISAI 37:14

Tichun, Hezekia chun palaite khut apat chun lehkha chuh a la a, a vak sim a; tichun, Hezekia chuh Lalpa Ho-In achun a va chieh to a, Lalpa masang achun a phah ta a.

ISAI 36:3

Khutichun, leng inkawte chunga lawiupa Hilkiah chapa Eliakim te, lehkhazikpa Shabnah te, chanchin zikpa Asaph chapa Joah te chuh a kawmah a hung suk u a.

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

2 LENGTE 19:2

Chun, insung lam lawiupa, Eliakim leh, lehkhazikpa Shebna leh, thiempu upate chu saidippuon kisilh in, Amoz chapa, thiemgau Isai kawm achun a sawl a.

2 LENGTE 18:18

Chun, lengpa chu a vak sam u a, tichun, a miliente, Hilkiah chapa Eliakim te, lehkhazikpa Shebna te, chanchin zikpa Asaph chapa Joah te chu a kawm u ah a va chieh u a.

ISAI 20:2

Zie masang kum thum chun, Lalpa’n Amoz chapa Isai kawm achun, “Chieh inla, na kâwng a kawlladip puon kha phel tha’n la, na kenga kengtawbek kha sut ah,” ti’n a gen a. Tichun, khutibang chun a hih ta a, sangawn leh, kengtawbek butlo chun a chieh a chieh mai ta a.

ISAI 22:15

Lalpa, Sepaihte Lalpa chun hiti hin a tii; Chieh inla, leng insung a sum enkawlpa Shebna kawm achun va chieh inla,

ISAI 22:20

Lalpa’n Shebna kawm achun, “Zie ni chuleh hiti hi hi’n tin, ka suok Eliakim, Hilkiah chapa chuh sam ing ka ting;

ISAI 37:21

Zielai chun, Amoz chapa Isai chun Hezekia kawmah mi a sawl a, “Lalpa Israel Pathien chun hiti hin a tii: Asuria Leng Senacherib chungthu a ka kawma na paucham tâk ziekin,

ISAI 38:1

Zielai chun Hezekia chuh thih ngam in a na a. Tichun, Amoz chapa, thiemgau Isai chuh a kawmah a hung a, a kawmah, “Lalpa chun hiti hin a tii, ‘Na insung hih tup in, thi ding na hi ta a, dam dawk talo ding na hi,’ a tii ti’n ava hilh a” a ti a.

ESTHER 4:1

Chun, Mordekai in zie a thilhih chengcheng u chuh a het in lungkham in a puon a bawtthêk a, saidippuon silh in leivui a kibuokkhum a, khawlai dung achun a vak viel a, ngeihtak leh thasie takin a kap ta a,

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.