ISAI 32:6 - PATHIEN LEKHABU THIENGTHO (BSI)

⁶ Mingawl chun ngawl takin thu gen dawk intin, thil phalo hih ding chu guonggalh khawl ina. Lalpa sukmuolpho na ding lam ngen gen in, gilkielte chuh an a pie ngei puou a, dangchâkte kawm ale dâwn ding a pie diek puou hi.

ISAI 32:6 ပူးပေါင်းရင်းမြစ်များ

MATTHAI 15:19

Lunggil a hin ngaihtuoh na gilo haw, tuolthahna haw, zawlsaihna haw, kideihchakna haw, gukchakna haw, kiheksietna haw, kigensietnahaw a hung pawt sek ngâl a.

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

ISAI 3:15

Ka mipite tuola tawh den a, mi chagahte maichang na gawih nêl u hi bang na tihnau ahi? Sepaihte Lalpa chun a tii.”

1 SAMUEL 24:13

Malai thuching in, ‘Minunsie apat in nunsietna a hung pawt sek a,’ a ti a; himahlele na chungah ka khut tha puo’ng ka.

JAKOB 1:27

I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

AMOS 8:6

dangkaguo a mi gimtheite chaw a, mi tasamte chuh kengtawbek tuok khata chaw a, phuol nên a buhsi ka zawk theihna dingun tite haw!”

JEREMIA 13:23

Ethiopia mi vawm in a vun a theng thei em? Gielbem inle a zie a theng thei em? Khutichu ahih theih chun nanguh thil gilo hih sek te hin le thilpha hih thei ven na tiu!

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

THUCHINGTE 19:3

Mi, a ngawlna chun a lampi a suksiet sak sek a, a lungthim chuh Lalpa chungah a lungna sek hi.

SAM LEHKHABU THE PSALMS 141:4

Minunsie te thilhih haw achu kisubuoi lo dingin, Ka lunggil hi thil phalo lam a chun hêi sak ki’n la: A nek lim tak tak hawu chuh ei nek sak ki’n.

THUCHINGTE 24:7

Mingawl a ding chun pilna chuh a sang taluo a, kulh kawtkhak achun a kam a ka sek puoi.

ISAI 10:2

Mi chagahte hung phatna ding chuh na nang chak u a, meithaite leh pa neilote thil neih na lâksak u a.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 26:10

Minunsie chuh deihsak in um mahleh, thil dik sin diek puo’n a: dikna gam achun diklo takin hih intin, Lalpa lopina chuh mu diek puo’n a.

ISAI 31:2

Amah chuh a pil a, sietna a tun sak sek a; a thugen chuh a zukkik ngei puoh a, mahleh, thil phalo hihte chuh hun do ngêi ngêi intin; thil phalo lama mi ana panpihte chuh gawt ngêi ngêi ding ahi.

ISAI 59:7

A kengteu chuh thil phalo lam zuonin a suon u a; kin takin gitlohna neilote thisan a suoh sek ui. A ngaihtuohnau chuh manlohna lungthim ahi seka; a lampiu achun chigapna leh sietna aum hi.

ISAI 59:13

Lalpa chuh kihetloh sak in I na sukhiel tau a, amah I zuihnau apat chun I kiheimang u a. Mi sukgimtheih na thu leh kiphinna thu mai gen in. Ka thil ngaihtuoh teu a dik ta puo a, lunggil takin lepchieh thu ngen ka gen tau hi.

DANIEL 12:10

Mi tamtak chuh sukthientho in um un tin, himahleh, mi nunsiete chun hetthiemna nei puou untin, mi nunsie kuoma’n a ngaihna he puou un tin; miching te chun vang hetthiemna nei un au.

EZEKIEL 34:18

Ham hing dip dep mun a tat leh tui chîm tak dâwn hi nanguh a ding huntawk lo ahi? Na hampa nêk mawk uh na pal siet maimai u a, na tui dâwn mâwk uh na pal niek maimai u hih?