ISAI 32:3 - PATHIEN LEKHABU THIENGTHO (BSI)

³ Zie tieng chuleh, muh theih na mit neite chuh sukthim hi puo’n tin, chun, zakna dinga bil neite chun le ngaitha ta’n au.

ISAI 32:3 ပူးပေါင်းရင်းမြစ်များ

ISAI 29:18

Zie ni chuleh, bengngawngte chun lehkhabu kisim chuh a bil un za tau intin, mitdûk mit chun le thimnuoi leh thim lak apat chun mu ta’n au.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

MARK 7:37

A za taphawtte chun gen theih loh khawpa maksa’n, “Ama’n thil bang cheng phatak in a hih a; bengngawngte khuo a zak theih sak a, pautheilo te a pau theih sak hi,” a tiu a.

ISAI 54:13

Na chate cheng chuh Lalpa’n sinsak intin, na chate hauhsakna chuh lopi tak hung hi’n a.

ISAI 29:24

Thagau a hihkhielte chun le hun hethiem tau untin, chun, mi phunchiekte chun le sinsakna chuh pawm ta’n au,” ti’n.

MATTHAI 13:11

Isu’n kawm u ah, “Van gam thuguk chuh nang haw het vang phal a hi a, himahleh, amau haw het vang chuh phal ahi puoi.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

ISAI 30:26

Zielo chun le, Lalpa’n a mite liemna a tuom sak ni, a liemmateu a sukdam ni chun, tha chuh nisa guolin vak ta’ntin, nisa chuh a leh sagih in, ni sagih a kigawm bang hielin vak ta’n a.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.