ISAI 32:2 - PATHIEN LEKHABU THIENGTHO (BSI)

² Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

ISAI 32:2 ပူးပေါင်းရင်းမြစ်များ

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

ISAI 43:20

Ka mi, ka telte ei pahchaknau sulang dinga kei dinga ka mi siemte chuh tui dâwn ding ka piek theih na dingin thaleka tuite ka um saka.

ISAI 41:18

Tang gawchakte a chun tui luon sak ing ka ting, phaicham achun luichate chuh luong intin; Gamgaw chuh dîl luitui suoh sak ing ka ting, gamgaw achun tuisam put sak ing ka.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

SAM LEHKHABU THE PSALMS 143:9

Aw Lalpa, ei dote apat hin ei humbit inla; Nei sel dingin na kieng ah ka hung tai hi.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

JOHAN 7:37

Chun, Kut kichaihna ding ni lopi pên achun Isu a ding a, aw ngeih tak in a kiko a, “Kuole, a dang a châk chun, ka kawmah hung hen la, dâwn heh.

ISAI 28:17

Chun, diktatna chuh a tehna khau in mang ing ka ting, ginumna chuh a etzawnna’n mang ing ka,” ti’n. Lepchieh thu kihumbitna a neite chuh giel in sep mang kêi intin, a kisêlna mun hawu chuh tui haw chun chup mang vek ina.

SAM LEHKHABU THE PSALMS 63:1

Aw Pathien, nang chuh ka Pathien na hi a, zingpi tak in hun hawl ing ka: Gamgaw leh chau, tui umloh na guol in; Ka hinna hi nang mah utcha’n a dangchâk a, ka sa hin a hun ngai hi.

SAM LEHKHABU THE PSALMS 32:7

Nang chuh ka kisêlna mun na hi a, nang chun lungkham na lak ah nei humbit a; suohchakna la hawn nei ûmkimvel sak a.

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 16:3

Lem ei guot sak in la, diktakin vai ei hawm sak in, nisat laia thinglîm vawt tak guolin ei veng inla, na lîm a chun châwl ung kau. Gâltai ka hiu a, kuomah ei muh loh dingin ei selin.

ISAI 43:19

Ngaitiem u, thil thak hih ding ka hi; tu apat hin a dâwn dawk ngâl ta a, zie chuh mu thei lo na hiu em? Gamthip a le lampi siem ing ka ting; gamgaw achun luipi te hun luon sak ding ka hi.

JEREMIA 33:14

Ngaitie, a ni a hung tung hi, Lalpa’n a tii; “Israel inkuonte chung châng leh Juda inkuonte chungchâng a thilpha bawl dinga ka tiem sa chuh tunsak ing ka.

SUNNA LA 4:20

I nak u a hinna hu, Lalpa sathau nuh chu kawkhuka mat in a um ta a, A thalim nuoi ah namte lak achun hing hitiu, I na tiu a.