ISAI 32:18 - PATHIEN LEKHABU THIENGTHO (BSI)

¹⁸ Ka mipite ding chun lungkhamna um ta puo’n tin, a mite chuh bit tak leh muong takin um ta’n au.

ISAI 32:18 ပူးပေါင်းရင်းမြစ်များ

ZEKARIA 2:5

Tichun, Kei hi a kimvel ah mei kulh hi’ng ka ting, a sung achun lopi taka cheng ding ka hi ngâl a,” Lalpa’n a tii.

JEREMIA 33:16

Zie ni haw achun Juda chuh hukbit in um intin, Jerusalem chuh bit takin um in a. Chun, a min dingin, ‘Lalpa CHU I DIKTATNAU AHI,’ tih hi hi’n a.

HEBRAI 4:9

Khutichun, Pathien mite ding chun, ni sagih ni a Pathien a chawlh bang khan, chawlhni chawlhni ana um zing hi.

1 JOHAN 4:16

Pathien in hehpihna eihaw a dinga a neih chuh I heu a, gin le I ginchak uh ahi. Pathien chuh hehpihna ahi a, hehpihna a um zing chuh, Pathien ah a um zing a, Pathien le amah a um zing ahi.

ZEKARIA 2:8

Nanguh hun khawihkhate chuh, Ka mit naucha khawihkha ahi ngâl u a,” ti’n. Khutichun, Bangkim hihthei Lalpa chun, a mite delh zak haw namte kawma ding chun, zie thu haw hi tawh ei sawl ahi.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

ISAI 14:3

Chun, na lungkhamna haw apat leh na buoina haw apatte, nasep haksa tak ahun sepsak nau haw apat chuh Lalpa’n a hun chawlhsak ni chuleh hiti hi hi’n tin;

ISAI 26:3

Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

ISAI 26:12

Aw Lalpa, nangin chamna ei guotsak in na tin, ka nasep dawk chengcheng le, nangmah ziek ahi ngâl a.

ISAI 28:12

“Zie tak hi chawlhdamna mun ahi, thachawlte chuh chawlhdam sak un; zie tak hi kisukhalhna mun” ti’n a kawm u ah gen mahleh, a ngaihsak nuom puou hi.

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.

ISAI 65:9

Chun, Jakob apat chikhat siem dawk ing ka ting; Juda achun a goluoh ding siem sak ing ka ting; ka suokte chuh zie chun cheng un au.

ISAI 65:21

Chun, amau chun In sau un tin, a sung ah cheng un tin, grep huonte siem untin; a gah te chuh ne’n au.

ZEKARIA 3:10

Zie ni a hungtun tieng chuleh, na lak u a mitin in, na invengteu chiet, ‘Ka grep huonteu leh, theipi ûmkimvel sunga muonna leh bitna hung matpih dingin hung un,’ ti’n chiel chiet ta’n lau,” Lalpa’n a tii.

PAWTDAWKNA 9:26

Gosen gam, Israel chate umna gam mai achun giel a kie puoi.

SAM LEHKHABU THE PSALMS 107:7

Mihing chênna khuo tun macheng un, Lamzang tak ah a pui ta a.

THUCHINGTE 24:15

Mi nunsiete’n mi ginumte suom ding leh inteu lâksak ding a ngaihtuoh guol un ngaihtuoh ki’n.

ISAI 33:6

Amah chuh na hun leh phat kingakna, hukdamna buting, chitna leh hetna haw um kihkeih ina. Tichun, Lalpa limbawl chuh a gochan hi ta’n a.

EZEKIEL 34:28

Nam dangte nawh viel dingin um ta puon tin un, gamsate nêk zawh mai le hita puo’n au; bit takin cheng zaw ta’n tin un, kuoma’n sulau ngei ta puo’n au.