ISAI 32:16 - PATHIEN LEKHABU THIENGTHO (BSI)

¹⁶ Zie ni chuleh, gam thip achun thudika vaihawmna chuh um ta’n tin, muntin ah diktatna um zing ta’n a.

ISAI 32:16 ပူးပေါင်းရင်းမြစ်များ

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 42:4

Leichung a thutanna dik phuhdet a a um masang sieh chuh chau puo’n tin, a lung le kie diek puo’n a; tuikuol gamte chun a dân thu chuh ngaklah takin a um ngâl u a,” ti’n.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

ISAI 28:6

Vaihawm a pang te dingin, vaihawmna dik hetna, kulh kawtkhak hun dote na lehnawh kitna dingin hatna hi’n a.

ISAI 33:5

Lalpa chuh a lopi na e! Thil bangkim chungah thu a nei a. Zion chuh thudik leh dikna’n a hih dim ta a,

ISAI 42:11

Gamgaw leh a khawpiteu chun Pathien pakchau he’n; Kedar te umna khuote chun leh, Sela khuo a umte chun, kipâk takin la sau henla, tâng sip apat haw chun kiko u hen.

ISAI 48:18

“Ka thupiek a na ngaitha hita leu chin, luicha tui kangtheilo guolin vangsakna chuh hungtung ding hita a!

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.

ISAI 11:9

Ka tâng thiengtho achun kisuknatna himhim um ta puo’n tin; kisuksiet le um ta puo’n a; tui haw hin tuisuohgiet a khuh zing bang hin, leichung hi Lalpa hetna chun dim suok vek ding ahi.

JEREMIA 31:23

Israel Pathien, sepaihte Lalpa chun hiti hin a tii: “A saltannau apat a ka puihkit tieng leh Juda gam leh a khawpi teu achun zie tawbang paukam hi mang kit un au, ‘Aw dikna umna mun, aw tâng thiengtho, Lalpa’n hun vangsak hen,’ tih hi.”