ISAI 32:14 - PATHIEN LEKHABU THIENGTHO (BSI)

¹⁴ Leng In chuh taihsan a um in, mipi a dim sek khawpi ngêi chu nutsieh ahi ta a, In lopi tak tak leh a gâlven bûkte chu gamsate chênna mun hung hi’n tin; gam sabiltung leh belam hawnte chuh muong takin ta ta’n au.

ISAI 32:14 ပူးပေါင်းရင်းမြစ်များ

ISAI 27:10

Khawpi kulh neite chuh a chim tha zo ta a. Gamgaw guola nutsieh leh thawmhau in a um a. Ganchate dinga kuolna mun leh hampa pehna mun chauh ahi tai.

ISAI 25:2

Khawpite chuh leisai kawih vum maimai na suoh saka; kulhpi nei khuo le khuo sie nung na suok sak veka; gamdang mite leng In le bangmah lo na suok saka, bangmah tika sakkit hita puo’n a.

ISAI 24:12

Khawpi chuh a hawma nutsieh in a um a, chun, kulh kawtkhak chuh khet siet in a um tai.

ISAI 24:10

Khawpi chuh buoina’n a dim ta a; kuomah a lut leh pawt a um lohna dingun in cheng chuh khak in a um tai.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

LUKE 21:20

“Amahvang chuh, sepaihte’n Jerusalem a hun ûmkimvel tieng u leh, mangthai ei tai, tih heu in.

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

ISAI 5:9

Sepaihte haw Lalpa chun ka zak ah hiti hin a ti: “In tamtak lien tak takte, hawihtak takte chuh a luoh ding um lo a hung sie ngêi ngêi ding ahi.

SAM LEHKHABU THE PSALMS 104:11

Ziehaw chuh gamsa te kieng achun dâwn ding in a pie a; Gam sabiltung haw chun a dangchâk uh a hihhai sek ui.

2 LENGTE 25:9

Ho-In leh leng In te leh, Jerusalem a miliente chênna In chengcheng chu a hâl tum vek ta a;

ISAI 7:23

“Zie ni chuleh hiti hi hi’n tin, muntin ah, grep gui sangkhat, dangka sangkhat man ding umna taphawt chuh, ling leh hamlingnei mun mai hung hi ta’n a.

ISAI 22:2

Khawpi sung chuh puok vengvung in husa leh lînglauhna’n a dim a. Na mi, gâla thite chuh, kidona a thah a hi puou a, chemzâm a thah le ahi puou hi.

JEREMIA 6:5

Tho unla, zan lai in do hiting un! A leng In hawu chuh suksiet sak hitiu, a tiu a.

JEREMIA 14:6

Gam sabiltungte chuh tâng gawchak achun a ding u a, si-âl guolin huih a hîp u a, hampa hing nek ding a umloh ziek in a mit uh a thim zo tai.

JEREMIA 33:4

Israel Pathien Lalpa chun zie khawpi a In te leh Juda leng In te, chemzâm a kidona dinga dawhkhâng siemna dinga kiphie haw chung châng thu achun hiti hin a tii.

JEREMIA 52:27

Chun, Babulon leng pa chun Hamata gama Riblah achun amau haw chuh a sawi a; a that ta a. Khutichun, Juda nam chuh amau gam apat in sala puihmang ahi tau hi.

HOSEA 2:3

A khutih loh a ahih chun a pienni a sangawn a a um bang khan umsak ing ka ting, a silhlechente lipthâk sak ding ka hi. Gamgaw leh bangmah keh lohna bangin siem ing ka ting, tichun dangchâk a thi ding ahi.

ZEPHANIA 2:7

Tichun, Tuipi pang gam chuh Juda inkuon umna lai sunte’n luoh un tin, zie tak achun a belam hawnteu chuh tau un tin, nitâk lam leh Ashkelon khuo hawa chun giek un au. Lalpa a Pathien u chun amau haw chuh hun tawhtha kit intin, a saltannau apat chun tungdawk kit ina.

ZEPHANIA 2:15

Ziehi a thilhih theihna kisuonpih a, a lungthim un, Kei ka hi, chun kei tih loh midang a um puoi, a ti a. Himahleh, khawpi taihsan leh, a sunga gamsate chênna mun a hung hi zaw tai! A kawm hawh taphawtte chun hipsa kawma chekkhum in, a luchang uh thinkhum un au!

2 KHANGTHUBU 33:14

Zie nung chun Manasseh chun David khawpi suohlam pang a kulh bâng pawnung zaw chu, Gihon luiguom apat in, mâllam pang a Nga kawt khâk chan in a sânlam chu a siem beh a, a biel khawpi chu Ophel a kitii. Juda gam kulh nei khawpi cheng achun, sepaih hawn te enkawl dingin sepaih miliente le a kawih vek a.

NEHEMIA 3:26

Chun, Nethinim te chuh Ophel ah a cheng u a, suohlam panga Tui kawtpi tawh kimaingat leh In sang hung dawk chuom tiengin a um u a.

ISAI 3:26

A kulh kawtkhakteu achun a âwm uh kichup in kap untin; khawpi chuh hawmngawn a um in, leituol ah chu’n a.

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.