ISAI 31:3 - PATHIEN LEKHABU THIENGTHO (BSI)

³ Aigupta mite chuh Pathien ahi puou a, mihing mai ahiu hi; a sakawlteu chuh thagau ahi puoh a, phehlevo mai ahi ngâl a; tichun Lalpa’n a khut a thâk tieng leh, namte chuh puksieu un tin, a panpihte chule puk untin; a bawn u chun beimang khawm un au!

ISAI 31:3 ပူးပေါင်းရင်းမြစ်များ

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

EZEKIEL 28:9

A hun thatpa ma achun, ‘Pathien ka hi’, na ti nalai dem? A hun thatpa khut achun Pathien na hi puoh a, mihing na hi zawi.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

ISAI 30:7

Aigupta te chun la bangmah panpih theihna a nei puou a. Zieziekchun, Aigupta min ding chuh, ‘Mi suna lo Gulpi,’ ka sa ta a,” ti’n.

SAM LEHKHABU THE PSALMS 33:17

Kidona sakawl hi kihumbitna dingin bangmah ahi puoh a: A hât mah mah ziek in kuo mah humbit diek puo’n a.

SAM LEHKHABU THE PSALMS 9:20

Aw Lalpa, amau haw chuh sulau inla; Namtin in mihing mai ahiu hi tih kiheu hen. Selah

ISAI 36:9

Aigupta te kangtalai leh a sakawlteu kisuonpih maimai in, ka pu siehmangte laka a neupen suokte hile nawhkit zo dinga kigingcha na him?

ISAI 36:6

Ngaitie! zie luongkung kihek bawng Aigupta haw hi, na ginchak ahi hi, zie chuh mi’n luongkung kingaihna a a mat a, a khut a sût sak bang chauh ahi; Aigupta Leng Pharaoh chuh amah gingchate chung achun khutibang chuh ahi sek hi!”

ISAI 30:5

Mipite chuh nam kingakna tâk lo leh, panpih thei lote chunga a kingak ziek u chun muolpho un au.”

MATTHAI 15:14

Amau haw chuh limsak kiu in, mitdûk lamkai ahiu hi. Zieziekchun, mitdûk in mitdûk mah a puih chun kawkhûk ah kie khawm un au.” ti’n a dâwng a.

SAM LEHKHABU THE PSALMS 118:8

Mihing ginchak sangin, Lalpa a ginna ngak hi a phazaw a.

ISAI 10:3

Gawtna ni achun bang na hih in gamla tak apat a huihpi a hung nun tieng kuo bel ding na hi? Panpihna mu dingin khawilam ah na tai ta die? Na hauhsaknate chuh khawitak ah na selgu ta die?

ISAI 20:6

Tichun, zie ni chun Philistia tuisuohgiet panga chêngte chun, ‘Ngaitie, ka kinep pên uh, Asuria leng apat a ei hukbit ding leh ei panpih dinga I zawt pên uh chuh hiti hi ahi ta ngâl a; eihaw hi bangti’n I suokcha thei ta ding u?’ hun ti’n au,” a ti a.

ISAI 30:16

“Nang u chun la, hilo e, sakawl chunga chu’n taimang ung kau,” na ti zaw ngâl u a, zieziekchun, zie chun taimang ngêi un na tin; chun, “Thil hattak chungah chu’ng kau,” na tiu a; zieziekchun, a hun delh dingte chu, nang haw sanga hât zaw hi’nau.

JEREMIA 17:5

Lalpa chun hiti hin a tii: “Mihing a kinga a, mihingte bân thahatna suong a; Lalpa kiheimangsanna lunggil nei chuh hansie dawl in um hen.

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

AMOS 2:15

Thalpi mang pa le ding thei diek puo’n tin, hât taka tai le kihukdam thei diek puo’n a: sakawl chung chuong mite le kihukdam thei diek puo’n au.

2 KHANGTHUBU 32:8

Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.

ISAI 20:4

Asuria leng chun Aigupta mite chuh sal in a mana, a lien a neu in, sangawn leh kengtawbek butlo leh; tawdawk in Aigupta mite zahchâkna dingin pui mang ina.