ISAI 31:2 - PATHIEN LEKHABU THIENGTHO (BSI)

² Amah chuh a pil a, sietna a tun sak sek a; a thugen chuh a zukkik ngei puoh a, mahleh, thil phalo hihte chuh hun do ngêi ngêi intin; thil phalo lama mi ana panpihte chuh gawt ngêi ngêi ding ahi.

ISAI 31:2 ပူးပေါင်းရင်းမြစ်များ

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

ISAI 45:7

Vak ka na siem a, thimna hi ka um sak ahi a, Vangsakna leh vangsietna le ka hun tun gêl gêl a hi ngâl a. Kei Lalpa hin zie thilte chuh ka hih ngêi ahi.

JUDA 1:25

I Hukdampau, Pathien takpa mai kawm achun, I Lalpau Isu Krista vangin, lopina, chungnunna, vaihawmna, leh thuneihna chengcheng, phat himhim um ma’n le, tu’n le, chuleh, kumkhawtuong in um zing ta hen. Amen.

ROME 16:27

Isu Krista min in, chitna bukim nei, Pathien kawma chun, lopina kumkhuotuong in um ta hen. Amen.

MATTHAI 24:35

Lei leh van bei in tin, ka thu vang chuh bei puo’n a.

ZEPHANIA 3:8

“Khawngai inla, namte mawh ka chansakna ni tieng chuh ngak hâm hâm in. Namte leh lenggamte chuh sam khawm a, ka lungnatna thilhih theihna hetsak dingin ka lungthim ka supuk ta a. Ka lungnatna mei chun khawvel pumpi hi katum vek ding ahi ngâl a.

AMOS 3:6

Khawpi a mite sulau lo hielin pengkun a gi ngei em? Lalpa’n a sawl loh chun khawpi ah sietna a tung dinga ahim?

JEREMIA 10:12

A thilhih theih na’n lei hi a siem a, a chitna’n khawvel a din dawka; a lemhetna’n van a zak palh hi.

ZEKARIA 1:6

Himahleh, ka thute leh ka thuguot te ka suok thiemgaute kawma ka piek kha, nanguh hun suonte chun a ngaihsak puou a, a thih lawh tau a. Tichun, a kisik u a, Bangkim hihthei Lalpa chun I chungchâng u a hih a guot sek bangin, I umdan bang zel u leh, I thilhih teu bang zelin, I chungu ah a hih a hita hi, a tiu kha,’ ” ti’n.

EZEKIEL 29:6

Israel inkuon dinga luong kung tawbang phet a hih ziekun, Aigupta gama chêngte chengcheng chun Lalpa ka hi tih hun he’n au.

JEREMIA 36:32

Tichun, Jeremia chun lehkhabuziel dang khat a la a, Neria chapa Baruk, lehkhazikpa chuh a pie a; amah chun zie sung achun Jeremia thugen lehkhabuziel a kizik sa cheng, Juda lengpa Jehoiakim in mei a a hâlvam sa a thu haw chuh a zik a, zie lak achun, a kibatpih thumal tampi le a behlap hi.

JEREMIA 10:7

Aw namte leng, kuo a nang hun kihchalo ding? Zie chuh nangin na phu him a. Namte miching haw lak leh lalgam haw laka le, nang tawbang kuomah a um puoi.

ISAI 32:6

Mingawl chun ngawl takin thu gen dawk intin, thil phalo hih ding chu guonggalh khawl ina. Lalpa sukmuolpho na ding lam ngen gen in, gilkielte chuh an a pie ngei puou a, dangchâkte kawm ale dâwn ding a pie diek puou hi.

ISAI 31:3

Aigupta mite chuh Pathien ahi puou a, mihing mai ahiu hi; a sakawlteu chuh thagau ahi puoh a, phehlevo mai ahi ngâl a; tichun Lalpa’n a khut a thâk tieng leh, namte chuh puksieu un tin, a panpihte chule puk untin; a bawn u chun beimang khawm un au!

ISAI 30:3

Aigupta leng chun amau haw panpih dingin hatna nei puo’n tin, Aigupta te lim na belh u chuh na zahhuoi nau hung hi’n a.

ISAI 28:21

A nasep, nasep lamdang chuh a sep theihna dingin leh, a thilhih, a thilhih makte chuh a muolsuoh theihna dingin, Lalpa chuh Perazim tânga a dindawk bang khan ding dawk intin, Gibeon guoma a lungnat bang khan lungna ding ahi ngâl a.

ISAI 22:14

Tichun, Sepaihte Lalpa chun ka kawmah thu a hun gen a, “Zie gitlohna na hihteu hi, na thih macheng un ngaihdam hita puo’n lau. Sepaih te Lalpa chun a tii,” ti’n.

1 SAMUEL 2:3

Khuti lâwm lâwm a chapo in thu gen takiu inla; Na kawm u a pat in hâmdâwkna himhim pawt kihen; Lalpa chu chitna Pathien ahi ngâla, Ama’n thilhih haw a bûk tuok sek hi.

JOSHUA 23:15

Chun, hiti hi hung hi’n tin, Lalpa na Pathien un thilpha na kawm u a a gen chengcheng khah na chunguh a a hung tun suok mah bangin, Lalpa na Pathien un zie gam phatak a hun piek uh apat a hih a hun sukmangthai macheng, Lalpa’n thil phalote na chungu ah hun tun sak in a.

KISIMNA 10:35

Chun, hiti hi ahi a, Thuthun bawm chuh pat dawk ahih cheng leh, Mosi chun, “Lalpa, kipan inla, na melmate chuh delhzak inla, Nang hun hawte chuh do in!” a ti zel sek a.

JOB LEHKHABU THE BOOK OF JOB 5:13

Miching te chuh amau haw chitgukhahna’n a âwk u a, Mi gukhah lemguotna chuh paih thak kêi in a um hi.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

ISAI 14:20

Na gam na hihsiet a, na khuoletuite na thah ziekin, leng dangte vuih guola vuih in um puo’n la na suonte chuh kumlekhuo’n hing puo’n au.

ISAI 28:29

Zie tawbanga chitna cheng chuh sepaihte Lalpa apat ahi ngâl a. A lemguot chuh a mak a, a chitna le a chungchuong hi.

JOB LEHKHABU THE BOOK OF JOB 12:13

A kawmah chitna leh hatna a um a, Lemhetna leh hetthiemna a nei a.

JOB LEHKHABU THE BOOK OF JOB 12:16

Pathien kawmah hatna leh chitna a um a, Thepa um leh mi thempa chule amah khuta um ahi.

ISAI 21:17

Kedar mi hangsan, thalkap thiem umsunte chule tawmcha hung hi’n au, Lalpa Israel Pathien chun zie chuh a gen ta ngâl a,” ti’n.

ISAI 30:7

Aigupta te chun la bangmah panpih theihna a nei puou a. Zieziekchun, Aigupta min ding chuh, ‘Mi suna lo Gulpi,’ ka sa ta a,” ti’n.