ISAI 30:9 - PATHIEN LEKHABU THIENGTHO (BSI)

⁹ Ziehaw chuh mi kiphin chîngte, cha lepchiehte, Lalpa dân ngaitha nuom lote ahi ngâl u a.

ISAI 30:9 ပူးပေါင်းရင်းမြစ်များ

ISAI 30:1

Lalpa chun, “Cha, helchîngte chung chuh a gik hi! Ziete chun mi thu a dawng u a, kei chu vang ei dawng puou a; a gitlohna chung u a gitlohna behlapna dingin khuhna’n a khuh u a, ka thagau thu’n vang a khuh puoh ngâl u a.

THUPHUON 21:8

Himahlele, mi dawilawkte, gingchalote, kihdakumte, tuolthat te, mideihchak nuomte dawithiem te, milim hote, leh lepchieh chengcheng te chan ding chuh, mei leh kât a kâng dîl achun um ina; zie chuh thih nihna chuh ahi,” a ti a.

NASEPTE 7:51

“Mi genhak, lunggil leh bil tan lohte haw! kumkhuo’n Thagau Thiengtho chuh na dodal zing u a; nanguh hun suonte hih guol zel khan na hih sek uh ahi.

ZEPHANIA 3:2

Lalpa thu a ngaitha nuom puoh a, a thamuonna a deih diek puou a. Lalpa chuh a taksang puou a, a Pathien lam a naih puou hi.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

THUCHINGTE 28:9

Kuole dân he dinga a bil dawh nuom lo chuh; a pauchamna chule kihdak-um ahi.

THUPHUON 22:15

Himahlele, khawpi pawlam achun, uichate, dawithiemte, kideihchak nuomte, tuolthatte, milim hote leh, a thu leh a thilhih uh a lepchiehte um un au.

HOSEA 4:2

Thu a tiem u a, a bawhsie zel u a, lepchieh a gen u a; tuol a that u a, a guchau a, zawl a sai tau ahi. Gitlohna a pung a, thisan suoh a kiphamat zing ahi.

JEREMIA 9:3

A lei u chuh thalchang bangin lepchieh in, lepchieh leh thu diklo chun a mang u a, gam ah a khanglien u a, thutak a khang lo in. Gitloh apat gitlohna lam ah a khang zel u a, kei ei helo in, tih hi Lalpa kamsuok ahi.

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

ISAI 63:8

Lalpa chun, “Ka mite ahiu a, ei thêm ngei puo’n au,” ti’n. Khutichun, amau haw chuh a gimtheih thuoknau apat chun a hukdam ta a.

ISAI 28:15

“Thihna kawmah thu na gawlh tau a, thihna khawvel tawh thu na tiem tau hi! Manthaina tui lien let chuh a luon pai tâk lele, keihaw tiengin hung luong puo’n a; lepchieh thute ka kihumbitna dingun ka mang u a, lepchieh nuoi ah ka kisel ta ngâl u a,” na tih ziekun.

ISAI 1:10

Sodom vaihawmte haw, Lalpa thu ngaithau inla; Gomorra mite haw I Pathien uh dân thu ahin bil dawh un.

2 KHANGTHUBU 33:10

Chun, Lalpa’n Manasseh leh a mite kawmah thu a gen sek a; himahlele, a ngaihsak puou hi.

DAN NIHNA 32:20

‘Kiselmangsan ing ka, Bang a hung suok um, en ka,’ a tii. Khang ngaihnabei, ginumlo chate ahiu.

SAM LEHKHABU THE PSALMS 78:8

A suonteu banga, Suon genhak leh kiphin hât; Suon lunggil detlo, Pathien kawma lunggil muon umlo pu a a um loh na dingun.

ISAI 1:2

“Aw vante, ngaithau un la, aw leichung na bil dawh in! Lalpa chun thu a gen hi. Chate chuh ka vaka, ka seilet saka, himahleh ka chungah a kiphin tau ui.

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

ISAI 24:5

Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.

JEREMIA 35:14

Rekab chapa Jonadab in a chapate thu a piek uain dâwn loh ding thu chuh tuni tieng hin a zawp u a. amau haw laka khat cha’n le uain a dâwn puou hi. Amau chun a pau thupiek chuh a zuih zing ziekun; kei vang in na kieng u ah zingpi a tho in ka gen zinga, ahih ziekin ka thugen na ngaihsak puou hi.

EZEKIEL 24:3

Chun, helchîng inkuon kawm achun tehkal thu gen inla, a kawm u ah, Lalpa Pathien chun hiti hin a tii: Bel suong inla, suong zing inla, a sung achun tui sung inla,

SAM LEHKHABU THE PSALMS 81:12

Khutichun a lunggil uh genhak dân bang zel a um ding in ka thahthawt ahi. Amau haw lemguot banga a um na dingun.

ISAI 10:5

Nang Asuria lengpa, ka lungnatna khetbuk, ka lunghihlohna mawlh chawipa.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 48:4

Mi genhak na hiu a, na ngâwng u chuh kahpathik banga khauh leh na chalpâng u chuh sumeng banga tâk ahi tih ka het ziekin.

JEREMIA 7:28

Chun, a kawm u ah, ‘Zie nam hi Lalpa a Pathien uh aw ngaitha lo leh thununna dâwnglo nam ahiu hi,’ ti’n na tin. Thudik a mangthai ta a, a kam u apat paihmang ahi tai.