ISAI 30:2 - PATHIEN LEKHABU THIENGTHO (BSI)

² Aigupta leng Pharaoh lim bel dingin, Aigupta leng dawng dingin, Kei ei dawng lo in, Aigupta ah a chieh suk u a,

ISAI 30:2 ပူးပေါင်းရင်းမြစ်များ

ISAI 36:6

Ngaitie! zie luongkung kihek bawng Aigupta haw hi, na ginchak ahi hi, zie chuh mi’n luongkung kingaihna a a mat a, a khut a sût sak bang chauh ahi; Aigupta Leng Pharaoh chuh amah gingchate chung achun khutibang chuh ahi sek hi!”

JEREMIA 43:7

Tichun, Aigupta gam chuh a tung tau a; Lalpa aw chuh a zui puoh ngâl u a, chun, Tahpanhes khuo ngêi chuh a tung tau a.

KISIMNA 27:21

Tichun, amah chuh thiempu Eleazar masangah ding intin, ama’n Lalpa masangah Urim leh Thumim mang in vaihawm sak intin: a thu’n pawt untin, a thu’n lut un au. Amah leh Israel suon chengcheng te, kikhawm khawm haw chengcheng tawh,” a ti a.

SUNNA LA 4:20

I nak u a hinna hu, Lalpa sathau nuh chu kawkhuka mat in a um ta a, A thalim nuoi ah namte lak achun hing hitiu, I na tiu a.

JEREMIA 42:20

Na hinnau chan lawh ding chauh a kitiem na hiu hi. Lalpa na Pathien kieng u achun nei sawl u a, ‘Lalpa ka Pathien kieng u achun ei paucham sak inla; Lalpa ka Pathien un a gen taphawt chuh ei hilh unla, hih zel ung kau,’ ti’n na gen ngâl u a.

JEREMIA 42:2

Thiemgau Jeremia kawmah, “Na masanga ka nget nau hi pawm hi henla, kei uh zie a nutsieh a umte a ding hin, Lalpa na Pathien kienga ei paucham sak dingin ka hun ngên ui. Nei muh bang in mi tamtak laka pat in tawmchah mai nutsieh a um ka hi ngâl u a.

JEREMIA 37:5

Chun, Pharaoh sepaih hawn chuh Aigupta apat in a hung kuon dawk tau a; Kaldai te Jerusalem huol te chun a chanchin u chuh a het phet un Jerusalem chuh a kinungzuk san tau a.

JEREMIA 21:2

“Babulon leng Nebuknezar chun ei do ta ngâl a, Lalpa chun thilmak ahih sek bang khan, a kinungzuk sak mai mawh dem tih Lalpa ei na dawt sak hen,” ti’n.

ISAI 36:9

Aigupta te kangtalai leh a sakawlteu kisuonpih maimai in, ka pu siehmangte laka a neupen suokte hile nawhkit zo dinga kigingcha na him?

ISAI 18:1

Ethiopia luipi gâl lam achun, tha kizap gi dup dup kizakna gam khat a um a.

ISAI 16:3

Lem ei guot sak in la, diktakin vai ei hawm sak in, nisat laia thinglîm vawt tak guolin ei veng inla, na lîm a chun châwl ung kau. Gâltai ka hiu a, kuomah ei muh loh dingin ei selin.

2 LENGTE 17:4

Chun, Asuria lengpa chun Hosea’n a phielguk thu ana hedawk ta a; Aigupta lengpa So kawmah mi a sawl a, kum chenga a piek sek bang khan Asuria lengpa chu sieh la a pie ta puoh ngâla. Zieziekchun, Suria lengpa chun kânsa’n suongkul ah a khum ta a.

1 LENGTE 22:7

Himahlele Jehoshaphat chun, “Zie tak ahin Lalpa thiemgau dang I vak dawt dinguh a um puou em?” a ti a.

VAIHAWMTE 9:15

Chun, ling chun thing haw kawm achun, ‘Na leng ding uh a sathau nei nuh takzet u chun ka lîm a hin hung châwl tau u leh; khutichuh ahih loh chun ling bawk a chun mei hung pawt in Lebanon tânga sidar thing haw chuh katum vek hen,’ a ti a.

JOSHUA 9:14

Khutichun, mite chun a nek ding hun kenteu chuh a la tau a, Lalpa kama thuhilhna a ngên puou hi.

DAN NIHNA 28:68

Mu kit ta puo’n lau, ti a ka hun na tiemsa Aigupta lampi achun Lalpa’n lawng in hun puikit intin, chun, zie chun na melma teu kawmah suokpa leh suoknu dingin va kizuok in na tin un, ahih ziekin, kuomah ahun chaw ding um ta puo’n a,” ti’n thu a pie tau a.

2 LENGTE 18:21

Ngaitie, zie luong mawlh gawp tawbang Aigupta te hi hun panpih dinga kinem hi ding na hi a, zie chu Aigupta leng in, mi a chunga kinemte a bawl dân chu a hi him hi.”

ISAI 8:19

Chun, mi’n thitha phunsân thiem zawl leh, dawithiem chiek numnum te chuh dâwng un ahun tih tieng u leh, “Mite’n a Pathien u chuh a dawt zawk dinguh hilo ahim? Mihingte a ding chun mithi a dawt dinguh ahi dinga ahim?” ti’n au.

JEREMIA 2:18

Nile luipi tui dâwn dinga Aigupta lampi na hawh hi nang a dinga banga phachuom? Euphrates tui dâwn dinga Asuria lampi na hawh hile nanga ding a banga phachuom?

JEREMIA 42:14

‘Ei puoi, Aigupta lam ah chieh zawi ting uh, zie chun kido himhim tuok kha puoi tiu, pengkun gi le za puoi ting un, an tâksap le um diek puo’n a, zie chun cheng zawi tiu,’ na tih u chun.

HOSEA 7:13

“A chunguh a gik hi! ka kawm apat in a chiehmang ta ngâl u a; manthaina a chung u ah a tung hi! Ka chungah a hel ta ngâl u a, ken chuh ka hukdam nuom a, amau chun lah zuou ei gen khum u a.

HOSEA 8:9

Gam sabiltung genhak tak guolin Asuria gam ah a chieh to ngâl u a; Ephraim chun a deihchakte a guoi hi.

HOSEA 8:10

Ahi, namte laka sepaihte thalak mahleu le, chawmlo kâl in amau chuh puikhawm ding ka hi a; hun chawmkhat sung chuh thau nuh ding leng leh lawiupa neilo a um ding ahiu hi!