ISAI 30:1 - PATHIEN LEKHABU THIENGTHO (BSI)

¹ Lalpa chun, “Cha, helchîngte chung chuh a gik hi! Ziete chun mi thu a dawng u a, kei chu vang ei dawng puou a; a gitlohna chung u a gitlohna behlapna dingin khuhna’n a khuh u a, ka thagau thu’n vang a khuh puoh ngâl u a.

ISAI 30:1 ပူးပေါင်းရင်းမြစ်များ

ISAI 65:2

Mi genhakte leh helchîng namte ding chun ni tum in ka bân ka zak sek hi; amau chun a ngaihtuoh na bang zel un lam diklo a zui u a.

ISAI 1:2

“Aw vante, ngaithau un la, aw leichung na bil dawh in! Lalpa chun thu a gen hi. Chate chuh ka vaka, ka seilet saka, himahleh ka chungah a kiphin tau ui.

HOSEA 7:13

“A chunguh a gik hi! ka kawm apat in a chiehmang ta ngâl u a; manthaina a chung u ah a tung hi! Ka chungah a hel ta ngâl u a, ken chuh ka hukdam nuom a, amau chun lah zuou ei gen khum u a.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

ISAI 63:10

himahleh, a chungah a kiphin uh a, lungkhamna’n a tunkhum sek uh ahi. Zieziekchun, a chungu ah Lalpa a lungna ta a, amau haw chuh a do ta a.

ISAI 29:15

A lemguotteu Lalpa apat a thuk taka selte chung chuh a gik hi! A thilhih teu chuh a gûkin, kuomah muh loh dinga hih in, kuoma’n ei mu puoi ti’n a ngaihtuoh sek uh a.

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

EZEKIEL 3:9

Na chalpang chuh suong tâk tak, meisuong sanga tâk zaw’n siem ing ka ting, lau ki’n la, a hun etdan ziek un le lungkie diek ki’n, helchîng mi himahleu le” a ti a.

EZEKIEL 2:3

Chun, ka kawmah, “Mihing chapa, kiphin hât Israel chate, ka chunga hel sekte kawm achun ka hun sawl na hi: amau leh a pileputeu in le tuni chan gei hin ka chungah a bawhsie sek u ahi.

JEREMIA 5:23

Mahleh, zie mipi haw chuh lunggil khauh leh kiphin hât a hiua, a kiphin u a, a taimang u a.

ISAI 30:9

Ziehaw chuh mi kiphin chîngte, cha lepchiehte, Lalpa dân ngaitha nuom lote ahi ngâl u a.

SAM LEHKHABU THE PSALMS 61:4

Na puon in a chun kumkhuo’n um ing ka; Na thanuoi kisêlna mun ah bit ing ka;

DAN NIHNA 29:19

Zie tawbang mi chun zie kihâksiel khum thuthun thu haw hi a het tieng leh amah leh amah kihamphat intin, ‘Ka ut dân dân in, lochal takin, um zing leng le bangmah ti puo’ng ka,’ ti’n, ngaihtuoh ina. Zie chun na bawn u a hun susie ding ahi, mi pha le mi phalo le.

DAN NIHNA 9:24

Ka hun het tûng apat in le Lalpa chunga hel hat mi na hi zing u a.

JEREMIA 4:17

Lo hawng te bang mai in a kimvel achun a um u a, ka chung a a hel ziekun, Lalpa’n a tii.

ISAI 32:2

Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

ISAI 8:12

“Zie mite phielgukna hi kizawppih kiu unla, a kihchak u chule kihchalo in, lauh le lau kiu in, a ti a.

ISAI 4:5

Tichun, Lalpa’n, Zion tâng leh a kikhawmte chung achun, sun in meikhu, zan leh meikuong vak sawl sak ina, Pathien lopina chun khawpi sung chengcheng chuh khuh in vengbit ding ahi ngâl a.

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

ISAI 5:18

Lepchiehna khauhuol a manlohna kai a, kangtalai kaihna banga gitlohna luoi sekte!

ISAI 28:20

Zalkhun chuh kithuon na dingin chawm taluo’n tin, puon chule kikhuh dingin chawm taluo’n a.

ISAI 28:15

“Thihna kawmah thu na gawlh tau a, thihna khawvel tawh thu na tiem tau hi! Manthaina tui lien let chuh a luon pai tâk lele, keihaw tiengin hung luong puo’n a; lepchieh thute ka kihumbitna dingun ka mang u a, lepchieh nuoi ah ka kisel ta ngâl u a,” na tih ziekun.

ISAI 8:19

Chun, mi’n thitha phunsân thiem zawl leh, dawithiem chiek numnum te chuh dâwng un ahun tih tieng u leh, “Mite’n a Pathien u chuh a dawt zawk dinguh hilo ahim? Mihingte a ding chun mithi a dawt dinguh ahi dinga ahim?” ti’n au.

DAN NIHNA 9:7

“Gamthip a Lalpa na suklungnat sek dân u kha hezing unla, hengilh kiu in; Aigupta gam apat na pawt niu apat a zie mun hi na hung tun chan u khan Lalpa chungah na hel zing ngâl u a.

KISIMNA 32:14

Israel te chunga Lalpa lungnatna lauh-um tak behlap in, nang haw suon gilo hin na puteu tha na sang tau a.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 8:11

Lalpa chun khut hattak in hiti hin ka kawmah thu a gen ngâl a, zie mite lampi a hi ka chieh lohna dingin ei vau hilh masa ahi.

JEREMIA 17:5

Lalpa chun hiti hin a tii: “Mihing a kinga a, mihingte bân thahatna suong a; Lalpa kiheimangsanna lunggil nei chuh hansie dawl in um hen.

JEREMIA 37:7

“Lalpa Israel Pathien chun hiti hin a tii: Juda leng kei ei dawng dinga hung pa kawm achun hiti hin gen in, Ngaitie, nang hun panpih dinga hung Pharaoh sepaihte khu, amau thu’n a gam uh Aigupta ah vaikit ding ahiu hi.

JEREMIA 42:19

“Aw Juda nutsieh a umte haw, Lalpa chun na chungthuu a gen tai, Aigupta gama chuh lut lo dingin tuni hin thu ka hun piek na hiu hi tih he zieng un.

EZEKIEL 11:2

Chun, amah chun ka kawmah, “Mihing chapa ziete hi zie khawpi sunga gitloh na hun puodawk te chuh ahiu hi;

EZEKIEL 24:3

Chun, helchîng inkuon kawm achun tehkal thu gen inla, a kawm u ah, Lalpa Pathien chun hiti hin a tii: Bel suong inla, suong zing inla, a sung achun tui sung inla,

EZEKIEL 29:16

Israel inkuon in a chungah ginchak zawhna nei ta puo’n tin, amau zui dinga kiheia a gitlohnau hetdawksak in pang zaw ta’n a. Khutichun, Lalpa Pathien chuh ka hi tih he ta’n au, a tii,” ti’n.

ZEKARIA 4:6

Chun, amah chun ka kawmah, zie hi Zerubabel kawma Lalpa thu chuh ahi: “Hatna hilo in, thilhih theihna le hi diek lo in, Ka thagau thilhih theih na zawk in la uo! Bangkim hihthei Lalpa chun a tii.

JOSHUA 9:14

Khutichun, mite chun a nek ding hun kenteu chuh a la tau a, Lalpa kama thuhilhna a ngên puou hi.

2 LENGTE 18:21

Ngaitie, zie luong mawlh gawp tawbang Aigupta te hi hun panpih dinga kinem hi ding na hi a, zie chu Aigupta leng in, mi a chunga kinemte a bawl dân chu a hi him hi.”

2 LENGTE 18:24

Bangti’n a kangtalaite leh sakawl chung chuong mite thu ah Aigupta chunga kimuonpihna nei in, ka pu mite laka neupen lawiupa khat hile na nan zawh mai zên ding?

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

JEREMIA 2:18

Nile luipi tui dâwn dinga Aigupta lampi na hawh hi nang a dinga banga phachuom? Euphrates tui dâwn dinga Asuria lampi na hawh hile nanga ding a banga phachuom?

HOSEA 11:6

A khawpiteu achun kidona um intin, khawpi hawih takte chuh suksiet in um in a. Amau haw ngaih a dika a hetteu chauh chuh a hih ziekun ka mipite chuh sukmangthai in um un au.