ISAI 3:11 - PATHIEN LEKHABU THIENGTHO (BSI)

¹¹ Mi nunsie chung chuh a gik hi! Bang tienga vangsie ahi tau em! A khut thilhihte chun ditthukna chuh mu ding ahih ziekun.

ISAI 3:11 ပူးပေါင်းရင်းမြစ်များ

THUGENPA 8:13

Mi gilote dingin vang thilpha a um puoi A hinnau chuh lim bei pai ding tawbang ahi a, Pathien a lauhna a nei puoh ngâl u a.

JAKOB 2:13

Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

SAM LEHKHABU THE PSALMS 62:12

Aw Lalpa, zahngaihna hile nanga mah ahi: Mitin a thilhih dungzui chiet in na din sek ngâl a.

SAM LEHKHABU THE PSALMS 28:4

A thilhih guol mah un, a thil hihteu a gitloh bang phet un din inla: A khut uh a a nasep bang phet un din inla; A gitloh man uh muh sak in.

ISAI 65:20

A sung achun nautil a thi um puo’n tin, teksie chuh kumting takin dam untin; Kum zakhat a thi chuh lamzilh a thi a ngaih hi’n tin, migilo kum zakhat chauh dam chuh hansie dawl a ngaih hi’n a.

ISAI 48:22

“Mi gilote ding in bitna himhim a um puoi,” Lalpa’n a tii.

THUCHINGTE 1:31

Zieziekchun, na tuh gahteu ngêi chuh neu in na tin uh, na thilhih guot hawu ngêi chun suknat in um inlau.

2 KORINTH 5:10

Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

2 KHANGTHUBU 6:23

nangin van a pat in na ngaitha’n la, migilo chu a gitloh zieka thiemloh chansakin, mi dik chu a dikna zieka thiemchan sak in na suokte vaihawm sak in.

JOB LEHKHABU THE BOOK OF JOB 10:15

Mi nunsie a na hi leng ka chung gik in a, Mi kitûp hi leng, ka lu dawmsang diek puo’ng ka; Zahhuoi sie kêi ka hi a, ka thuokna haw hi na mu ngâla.

THUCHINGTE 12:14

Min a kamsuok gah mah chuh ât intin, amah khut thilhih gah mah chuh a kawma piek hi’n a.

ISAI 13:11

Tichun, khawvel hi a gitlohnau ziekin gawt ing ka ting minunsiete chuh a manlohnau ziekin gawt ing ka; mi chapote pau uong chuh suhai ing ka ting, mi lauh-um uonna chule hihniem ing ka.

ISAI 65:6

Ngaitie, ka masangah zik ahi; “Thip hiet hiet puo’ng ka ting, mahleh dinthuk ing ka, ahi, a angsung ngêi u ah dinthuk ing ka.

ISAI 65:7

A gitlohnau leh a pulepateu gitlohna chuh dinthuk ding ka hi. Milim pathien hona munte achun gimlimte a hâl u a, ka min a gensie sek ngâl uh a. Zieziekchun, a thilhih khelhnau bang zelin gawt ding ka hi!” Lalpa’n a tii.

JEREMIA 21:14

Na nasep gah dungzui zel u a hun gawt ding ka hi, Lalpa’n a tii. A gammâng u haw achun mei tik ing ka ting, a gammâng achun mei pawtsak ing ka ting; a kimvel chengcheng chuh katum vek ina.

JEREMIA 31:30

Himahleh, mitin chuh amah gitloh ziekin thiu in tin uh, grep thuk ne taphawtte ha chuh zau ding ahi!”

EZEKIEL 2:10

Zie chuh ka ma ah a hun zak a, a sunglam leh a pawlama kizik ahi a; kahnate, lusûnnate leh chunggikna thute a kizik a.

EZEKIEL 18:20

Gitlohna hih taphawt chuh thi ding ahiu: chapa chun a pa gitlohna chuh thuok puo’n tin, pa chun le a chapa gitlohna chuh thuok puo’n a: mipha chun a phat man muntin, migilo chun a gitloh ziekin thuok ina.

EZEKIEL 24:14

‘Kei, Lalpa hin ka gen ta a, hung tung ngêi ina, ken hih ding ka hi ngâla, kinungzuk puo’ng ka ting, hun diem puo’ng ka ting, kisik puo’ng ka ting; na umdan haw leh na thilhih haw dungzui zelin na chunga thu tan hi’n a, Lalpa Pathien chun a tii,’ ti’n,” a ti a.

EZEKIEL 33:8

Migilo kawma, ‘Aw migilo, thi tei ding na hi,’ ka tih a, migilo chuh a umdan nusieh dinga na hilh loh chun zie migilo chuh a gitlohna ah thi’n tin; ahihziekin a thisan mawh chuh nang ka hun ngek ding ahi.

MIKA 3:4

Zie tieng chuleh Lalpa sam un tin, himahleh, amau dâwng puo’n tin: ahi, zie tieng chuleh a thilhih u a a hih phatloh zieu bang zelin amau apat in a mai sel ina.

MIKA 7:13

Himahlele, lei chuh, a chunga mi nunsiete ziek chun a hawm a nutsieh a um ding ahi.

KISIMNA 32:23

Amahvang chuh, khutibanga chu na hihloh u chun Lalpa chunga gilo hin na tin un, na gitloh nau in hun mudawk ding ahi tih na hêtchet dinguh ahi.

VAIHAWMTE 9:57

Chun, Sekem khuo a nunsietna chengcheng khale Pathien in a hun dinthuk ta a; tichun Gideon chapa Jotham hansie khah a chungah a hung chu tai.

2 SAMUEL 3:39

Lenga thau nuh himahleng, tuni hin thahatna ka neilo ahi; zie mi haw, Zeruiah chapate hi kei dingin thuok a haksa taluou hi: Lalpa’n thil phalo hihte chu a gitloh dân bang zel un dinthuk hen,” a ti a.

1 LENGTE 21:21

Ngaitie, na chunga hin thil phalo hun tunsak ing ka ting, hun sumangthai ing ka ting, Ahab apat pasal taphawt chuh Israel gama suok leh suok lo le sumangthai vek ing ka ting.

THUCHINGTE 11:31

Ngaitie, mi diktatte chuh leisiet a hi kipahman piek a hih chun; minunsiete leh thil hihkhielte chuh gawt in a umna lâwm lâwm dingu e!

THUCHINGTE 26:27

Kieklutna dinga kawkhuk lai taphawt chuh, zie chun amah kielut intin, kuole, suong lik taphawt chuh amah chungah kilehkit in a.

EZEKIEL 16:59

Khutichun Lalpa Pathien chun hiti hin a tii: “Thuthun bawhsie a thutiem na khawksakloh guola na chunga hih ding ka hi.