ISAI 28:2 - PATHIEN LEKHABU THIENGTHO (BSI)

² Ngaitie, Lalpa chun mihat, thilhih thei tak a nei a; amah chuh giel nasatak kie zungzung, huihpi thil susie gei gui bang leh, tuilien nasatak, let zuoh zuoh bang mai in, lei ah paih tha’na.

ISAI 28:2 ပူးပေါင်းရင်းမြစ်များ

NAHUM 1:8

Himahleh, tui kinawk nasa tak guolin, a melmate chuh a sumangthai vek a; Amah dodal taphawtte chuh thimna’n a delhzui sek hi.

EZEKIEL 13:11

Thil nuh vamte kawm achun chim pai zieng ding ahi tih hi gen un. Guohpi hung zu’n tin, gielpi lien tak tak hung kie’n tin, chun, guohpi-huihpi kithuoh in mût chim ina.

ISAI 30:30

Khutichun, Lalpa chun a aw lopi tak chuh zak sak ta’n tin, a lungnatna thilhih theihna huoisie tak tawh, Mei kuong leh vangi te, guohpi huihpi leh giel in a khutthak dân chuh sulang in.

ISAI 29:6

Van gite, inling te, thawm nasatak te, chinpei te, huihpi te, leh thil katum sek meikuong te mang in Sepaihte Lalpa’n hun gawt ding ahi.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

THUPHUON 18:8

Zieziekchun, ni khat thu’n natna te, gawtna, thihleman, thûmlemauna te leh kiellechâkte chun hun pha phut ina. Khutichun, mei in kangtum ina, Lalpa Pathien, a chunga vaihawmpa chuh a hât ngâl a.”

ISAI 40:10

“Entie, Lalpa Pathien chuh thilhih theihna a vaihawm dingin a hung a, a bân chun a sik in vaihawm intin, entiem u, a kipahman chuh a kawmah a um hi; a ditna chule a masangah um ina.

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

JOSHUA 10:11

Chun hiti hi ahi a, Amor te chuh Israel te masanga a taihsiet uh a, Beth-horon apat a chieh sukna lampi a a um lai u chun Lalpa’n van apat in giel lientak takin Azekah khuo tiengin a vak seh sak a, tichun, a thiu a; Israel chate’n chemzâm a a satlup sang un giel sehlup chuh a tamzaw hiel tau hi.

JOB LEHKHABU THE BOOK OF JOB 22:16

Amau chuh ahun a tun masang in lâkmang in a um sek ui, a kingaknau chuh tuilien in a tawkmang sek hi.

ISAI 8:6

“Zie mite hin Shiloh a tui awlcha a luong del del te chuh a deihloh ziek u leh, Rezin leh Remalia chapa Pekah chunga a kipah ziek un.

ISAI 30:28

A hat git chuh luicha a kuong dima luong, ngâwng tieng chup a luong tawbang chuh ahi; namtinte chuh khen dawkna gawdal a sep in, mite’n a puihmang na dingun a kaihheina bulh ta’n au.

ISAI 32:19

Himahleh, gammâng chuh bei vek ta’n tin, chun, khawpi chule tawhniem in um ta’n a.

EZEKIEL 38:9

Chun, chiehto in na tin un, huihpi bang mai in hungtung in tin, meipi’n gam a tuom khepkhup tawbang hiel hi hin la, nang leh na kawma sepaih hawn chengcheng leh na kawma mi tamtak te chuh.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.