ISAI 27:9 - PATHIEN LEKHABU THIENGTHO (BSI)

⁹ Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

ISAI 27:9 ပူးပေါင်းရင်းမြစ်များ

ROME 11:27

Zie chuh a kawm u a ka thugawlh ding chuh ahi, A gitlohna hawu ka lâkmang tieng leh,” ti a Pathien Lehkha thu’n a gen guol khan.

ISAI 48:10

Entie, ka hun thit thieng na hi ta a, himahleh, dangkathîk sukthien tawbang hilo in. Gimtheihna meikuong a laka ka hun patep na hi.

DANIEL 11:35

Ziete haw laka lawiupa ching khenkhatte chuh thah in um untin, ziehaw ziek chun mipite chuh sukthientho in um un au. Khutibang thil chuh Pathien in ahun tiem a tun masang cheng chuh hih zawm zel un au.

ISAI 17:8

Maichâm, amau haw khutsuok lam chuh nga ta puou un tin, amau haw khuta siem Asher te ahim, nisa limte ahim chuh zah diek ta puo’n au.

HEBRAI 12:6

Lalpa chun a hehpihte chuh a thunun sek a, Cha a a ngaih cheng chuh a zêp sek a puo!” tih hi.

1 KORINTH 11:32

Himahlele, vaihawm saka I um un le; khawvel mite tawh mawhchang a I um khawm lohna dingun, Lalpa thunun in I um sek ui.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

HOSEA 14:8

Aw Ephraim, milim pathien tawh kimatna banga ka neih? Kei hi na pauchamna dâwng pa chuh ka hi a, a hun tung ding pa le ka hi: Kei chuh châk thing hing dep dup tawbang ka hi a, A vangsaknau chengcheng nak chuh ka hi ngâl a,” ti’n.

EZEKIEL 20:38

Chun, na lak u apat a helte leh ka chunga bawhsiete chuh thit thieng ing ka ting, a umna gam u apat in puidawk ing ka ting, ahihziekin Israel gam achun lut hiel puo’n au: khutichun, Lalpa chuh ka hi tih hun he ta’n lau.”

EZEKIEL 11:18

Chun, zie taka chuh a hung tieng u leh, zie taka thil buok leh thil tenum chengcheng chuh amau chun paihmang in au.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

ISAI 1:29

Na kipahpih mah mah uh gangpi thing ziek chun muolpho ta’n lau, chun, na huon deihchuom teu ziek chun zakcha taka um ding na hiu hi.

THUCHINGTE 20:30

Hilhgaih a zêpna chun thil phalo a suthieng a, zêpna chun sunggil thuk lam tak a khawih sek hi.

SAM LEHKHABU THE PSALMS 119:71

Na thuguot te chuh ka zil theihna ding in; Hih gimtheih a ka na um kha kei dingin a pha ahi.

SAM LEHKHABU THE PSALMS 119:67

Hih gimtheih a ka um makhan ka vakmang sek a; Tuhin vang chuh na thu ka zui tai.

2 KHANGTHUBU 36:19

Ho-In leh khawpi chu a hâl a, leng in leh a hauhsak na chengcheng te tawh, chun, khawpi kulh bâng chule a suchim a.

2 KHANGTHUBU 34:4

A mah puihna nuoi achun, a mite chun Baal hona maichâm te chu a khen gawp u a, a kawma gimlim hâlna te chu a susieu a. Asher limte leh milim dang cheng te chu le, a khên nêl u a, a nêl chu, a kawma kithawihna siem sekte thân chungah a theh u a.

2 KHANGTHUBU 14:5

Juda te khuo chengcheng a milim pathien hona um leh milim te le a sukmang ziekin, amah nuoi a gam chu gâlmuong in a um ta a.

2 LENGTE 25:9

Ho-In leh leng In te leh, Jerusalem a miliente chênna In chengcheng chu a hâl tum vek ta a;

PAWTDAWKNA 34:13

A maichâmteu chuh na sukchip vek ding uh ahi a, a milimteu chuh sukgawp sak vek un, a Asher pathien teu chuh na phuk sak vek ding uh ahi zawi.

THIEMPUDANTE 26:30

Chun, na munsang teu suchim ing ka ting, na nisa limteu, na gimlim hâl nau maichâmte chuh hihchim ing ka, chuleh, na luongteu chuh na milim pathien uh gawpsate chung achun paih ing ka. Ka lungnatna a tâwp khawk a tun tâk ziekin.

DAN NIHNA 12:3

a maichâm hawu chuh phieu inla, suong khuom zek a phuh hawu chuh khên gawp unla, a pathiennuu Aserah lim khuom haw chuh mei in hâl unla; a pathienteu lim siemkawm haw chuh sat chim unla, zie mun hawa a min u chuh na nawihmang dinguh ahi.

2 LENGTE 10:26

Khutichun, Baal In a milim pathien haw chu a ladawk u a, a hâltum u a.

EZEKIEL 6:4

Na maichâm hawu chuh sukchim in um intin, na gimlim hâlnau haw chuh khet gawp in um in au: chun, na mi thah hawu luong chuh na milim pathien haw ma achun paih tha’ng ka.

2 LENGTE 23:14

Leng Josia chun suongphuh te chu a sugawp suok kêi a, milim, Asher pathien kawma latte chu a sat pai a, a dinna mun achun mihiem guhte a kawih a.

ISAI 30:22

Zie tieng chuleh, dangka tui luon khuma na milim siem uh leh, sana tui luon khuma na milim sun uh chuh paihmang un na tin, a kawma chun, “Ka mit muh phâk loh uh ah chieh mang un,” ti’n lau.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

MIKA 5:11

Na gam khawpite chuh sumangthai ka ting, na kulhte cheng chuh hihchim ing ka: