ISAI 27:8 - PATHIEN LEKHABU THIENGTHO (BSI)

⁸ Lalpa’n mipite a gawtna chuh sala a sawl a a nawhdawk chuh ahi a. Saklam huih chun amau chuh a puimang ta a.

ISAI 27:8 ပူးပေါင်းရင်းမြစ်များ

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

EZEKIEL 19:12

Mahleh thangtawm in a thiek bawng ui, Tuol ah a sep thau a, suohlam huih in a mût gaw a, a gah haw chuh a thawngthau a, a kung khauh tak chuh a vuoi a, mei in a katum hi.

JEREMIA 10:24

Aw Lalpa, ei thunun inla, a hun phetin. Lungna lo in ei thunun in, khutilochun ei sumangthai khan la.

JEREMIA 4:11

Zie tieng chuleh zie mite leh Jerusalem kawm ahin, Thalek gamgaw apat in huih lum tak, ka chanu ka mite suthieng ding hilo, ka mite mût vawt ding le hi diek lo hung nung ina.

1 PETER 1:6

Zie thu ahin, tuhin hun chawmcha sung chuh, patepna tin cheng leh, thuokna tin cheng ziek hin, lungkham taka na um uh kiphamawh mahleh, nasa takin lawp un;

HOSEA 13:15

A suohpihte laka lamzang pên himahleh, thalek apat in suohlam huihlum sawl ing ka ting, a tuinak teu chuh kang intin, a tuikul teu chuh gaw zo vek in a. Um-le-bel pha chengcheng, a go chuh hih sie vek ina.

JEREMIA 46:28

Aw Jakob, ka suokpa, lau ki’n ka hun um pih zing hi, Lalpa’n a tii. Ka hun delhzak na gam haw cheng chuh sutawp ing ka ting, nang vang hun sutawp puo’ng ka; ahi’n gawtna diktak in hun gawt ing ka ting, gawt loh in vang hun suohchak sak puo’ng ka.”

JEREMIA 30:11

Hun hukdam dingin na kawmah ka um zing ngâl a, ka hun delh zakna nam chengcheng chuh subei mahleng, nang vang chuh hun sumangthai puo’ng ka ting; a hun pheta hun gawt ding ka hi, gawt loh in vang suokcha diek lo ding na hi,” tih hi Lalpa kamsuok ahi.

JEREMIA 4:27

Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

1 KORINTH 10:13

Mihiem thuok theih bang ngâllo chuh, thepna himhim na chungu ah a tung kha ngâl puoh a. Pathien in a thutiem chuh a vawp zing a, na thuok theih val u chuh, na chung u a thepna a tun phal puo’n a; thepna na tuok phat u leh, zie do zawhna ding chun hatna hun pie’n tin, tichun, taih dawkna ding hun siem sak zaw’na.

ISAI 57:16

Ka mite chuh mawhchansak in a chungu ah lungna zingzing ta puo’ng ka; thagau leh hinna ka siem sak chuh ka masang ahin sawlsam kha’n a. Hinna hi keia ahi a, mihingte hinna hu hile kei siem ahi.

ISAI 54:7

“Mitphetkal sung cha ka hun taihsan a; himahleh, lungsietna lien tak pum in hun puikit ing ka.

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

ISAI 10:12

Zieziekchun hiti hi hung hi’n tin, “Lalpa chun Zion tâng leh Jerusalem chunga ka nasep ding chengcheng ka sep zawh tieng, Asuria leng lunggil uong tak leh kiletsak tak chuh hun gawt ing ka,” a ti a.

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

SAM LEHKHABU THE PSALMS 103:14

I taksa kisiem dân uh a he a, Leivui mai I hiu hi tih a hetzing ziek in.

SAM LEHKHABU THE PSALMS 78:38

Himahlele amah chuh lainatna a dim ziekin, a gitloh nau chuh a ngaidam a, amau haw chuh a sumang puoi; Ahi, a lungnat na chuh tampi vei a zûkkik a, A lungnat na chengcheng chu a chawktho nuom sek puoi

SAM LEHKHABU THE PSALMS 76:10

Thawnlo in mihiem lungnatna hin hun na pakcha tei ina; Lungnat na chuong in kigak in na tin.

SAM LEHKHABU THE PSALMS 38:1

Aw Lalpa, lungna’n ei hilhgaih ki’n la: Thangtawm in ei thunun diek ki’n.

SAM LEHKHABU THE PSALMS 6:1

Aw Lalpa, lungna’n ei hilhgaih ki’n la thangtawm takin ei sawi ki’n la.

JOB LEHKHABU THE BOOK OF JOB 23:6

A thilhih theihna nasatak chun ei kalh dinga ahim? Ei kalh lo e, ei bengkhawn zaw’n a.

SAM LEHKHABU THE PSALMS 103:9

Amah chun gai zing puo’n tin; A lungnatna le kumlekhuo’n vawp zing puo’n a.

ISAI 64:5

Nang chun lawp taka um a, diktaka hih te, na lampi haw a nangmah hun hezing sek te chuh na lawp sek a; ngaitie, nang na lungna a, kei un thil ka hih gilo u a, ziehaw achun sawttak ka na um tau a; tichun hukdam in ka um thei ding um?

SUNNA LA 3:31

Lalpa chun kumlekhuo a ei paih tha ding ahi puoh ngâl a.

SUNNA LA 3:32

Ei sulungkham mah leh, a lungsietna hauh dungzui in ei lungsiet nalai ding ahi.