ISAI 27:13 - PATHIEN LEKHABU THIENGTHO (BSI)

¹³ Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

ISAI 27:13 ပူးပေါင်းရင်းမြစ်များ

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

THIEMPUDANTE 25:9

Chun, a tha sagihna, a ni sawm ni chun gamsung pumpi achun pengkun ngeih tak chuh mût viel sak in na tin; kichamna ni chun na gamsung cheng u ah pengkun na mût viel sak dinguh ahi.

HEBRAI 12:22

Nang haw vang, Zion tâng leh, Pathien hing khawpi, Angel sang tamtak te umna a chuh hung na hi zaw ngâl u a.

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

ZEKARIA 14:16

Chun, hiti hi hung hi’n tin, Jerusalem hun do nam chengcheng laka nutsieh a umte chuh, kum cheng a Bawkcha Kut mang ding leh, Bangkim hihthei Lalpa chuh ho dingin chiehto sek un au.

ISAI 11:16

Tichun, Aigupta gam apat a a chieh toh niu a, Israel te dinga lamlien a na um bang khan, a mite a suokcha sunte ding chun, Asuria gam apat in lamlien hung um ina.

1 KHANGTHUBU 15:24

Thiempute, Shebahia te, Joshaphat te, Nethanel te, Amasai te, Zekaria te; Benai te, Eliezer te chu, Pathien Thugawlh kawihna thingkuong masanga pengkun mût dinga guot ahiu ui. Obed-edom leh Jehiah chuh Thugawlh Bawm kawihna kawtkhak veng ahiu hi.

THUPHUON 10:7

Himahlele, vânsâwlchâk sagihte chun a pengkun uh a hun mût tieng uh leh, a sawntawlawite kawma a phuon tâk sa guolin, Pathien in a thil guon thuguk chuh hihbukim ta’n a,” ti’n, a tiem ta a.

THUPHUON 9:14

Zie aw chun vânsâwlchâk gupna, pengkun chawipa kawm achun, “Euphrates luipi a vânsâwlchâk li, kikante khah phel ta’n,” a ti a.

THUPHUON 8:6

Chun, vânsâwlchâk sagih, pengkun sagih chawite chuh, mût dingin a kiguonggalh tau a.

THUPHUON 8:2

Chun, Pathien ma a vânsâwlchâk sagih ding sekte chuh ka mu a; chun, a kawm u ah pengkun sagih a pieu a.

1 THESSALONIKA 4:16

Lalpa mawng chuh kiko thawm tawh, vânsâwlchâk chungnung pên aw tawh. Pathien pengkun gi tawh, van a kipata hung kum ding ahi ngâl a. Tichun, Krista gingcha a na thisate chuh hinna ah tho masa’n tin uh;

ROME 10:18

“A hih leh, a bil un a za puou a ahi? Za e, a thawm u chuh leisiet chung cheng chenga chun a thang a, A thuu chuh vannuoi kil tin ah a thang suok tai.”

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

HOSEA 11:11

Aigupta apat in vacha bangin kin takin hungtung untin, Asuria apat in vakhu bangin tha zap gi sieu sieu in hung un au. ‘A In lam uh a puikit ding ka hi’ tin Kei, Lalpa hin ka gen ta ngâl a.” ti’n.

HOSEA 9:3

Israel mipite chuh Lalpa gam ah cheng den puou untin, Aigupta lam ah vaikit untin; Asuria gama chun an thienglo ne’n au.

HOSEA 8:13

Gancha’n kithawi u henla, a sa ne mahleu, ziehaw chuh ka kipahpih puoh ngâl a. A manlohnau ka hezing a, gawt ing ka ting, Aigupta lam ah vaikit un au.

JEREMIA 44:28

Chun, chemzâma thi mâwk tawmcha te chuh Aigupta gama pata pawt in Juda gam ah lut un au; chun Juda umsun cheng Aigupta gama cheng dinga chieh te chuh kuo thu hatzaw ding ahim, kei thu ahim amau thu hun hen au.

JEREMIA 43:7

Tichun, Aigupta gam chuh a tung tau a; Lalpa aw chuh a zui puoh ngâl u a, chun, Tahpanhes khuo ngêi chuh a tung tau a.

ISAI 66:18

A thilhih teu leh a thil ngaihtuoh teu chuh ka he vek a. Namtin leh pau tinte sam khawm ding ka hi. Tichun, hungkhawm un tin, ka lopina chuh mu ta’n au.

ISAI 56:8

Lalpa Pathien chun hitihin a tii, “Israel nawhdawk a umte cheng chuh puikhawm kit ing ka ting, puihkhawm sate bân achun midang dang le puikhawm ding ka hi” a ti a.

ISAI 25:6

Zie tâng ahin sepaihte Lalpa chun khawvel a namtin dingin nek ding phapen leh sathau lim pên a guolvakna, theng leh thau leh uain phapen a guolvakna siem intin.

ISAI 19:21

Tichun, Lalpa chuh Aigupta te kawmah kiphuong intin, Aigupta te chun zie ni chun Lalpa chuh he ta’n au. Kithawihna leh thilpiek in chibai bûk un tin Lalpa kawm achun thu tiem untin, a thutiem u chuh hih têi un au.

ISAI 18:3

Khawvela um chengcheng leh, lei chung luohte haw, tâng hawa melchikna a takdawk tieng u leh en un; pengkun a mût tieng u leh ngaithau un.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 2:11

Zie ni chuleh mi kingaisangte chuh sukniem in um untin, mi chapote chuh tawh niemin um in au; Lalpa chauh chuh chawihsân in um ina.

ISAI 2:3

Tichun, mi tamtak te chuh hung un tin, “Hung tiem u, Lalpa tângah, Jakob Pathien In achun chiehto hitiu, tichun, a lampite I zuih theih na dingun amah chun ei sinsak ina; Zion apat in dân hung pawt in tin; Jerusalem apat in Lalpa thu hung pawt ding ahi ngâl a,” ti’n.

SAM LEHKHABU THE PSALMS 89:15

Husa kipâk-um he sek nam chuh a hamphau hi; Aw Lalpa, amau haw chuh na melvak ah a um sek ui.

SAM LEHKHABU THE PSALMS 81:3

Tha thak tieng leh pengkun mût unla, Thalik a ka kut niteu tawh.

SAM LEHKHABU THE PSALMS 47:5

Pathien chuh kiko husa tawh a chieh to a, Lalpa chuh Pêngkun gi tawh a chieh to tai.

2 LENGTE 17:6

Chun, Hosea’n kum kuo vai a hawm kum, Asuria leng in a do, kum thumna achun Samari khuo chu a la ta a, Israel te haw chu Asuria gam ah salin a pui a, khenkhatte chu Halah khawpi ah, Gozan gambung khen sunga Habor lui pang ah a um u a, khenkhat chu Media te khawpi ah a umsak ta a.

ISAI 2:2

Ni nunung haw achun hiti hi hung hi’n tin, Lalpa Ho-In dinna tâng chuh tâng lien chung haw a sukdet hi’n tin, tâng dang cheng sanga sangpen hung hi’n tin, Nam tamtak a sung ah lut un au.

ISAI 19:22

Lalpa chun Aigupta te chuh zêp intin, himahleh, zie hun chuleh sudam ina. Tichun, Lalpa kawmah vaikit untin, amah chun amau haw ngetna chuh za’n tin, amau haw chuh sudam ina.

ISAI 49:7

Lalpa, Israel Tanpa leh Pathien Mi Thiengtho, a mite nasa taka muhsit a um leh, namte muhdah a umte vaihawm sakpa suok chun hiti hin a tii. “Lengte ‘n na pawt muu untin; ding dawk untin; miliente’n le hun hun chibai hun bûk un au,” ti’n.

ISAI 66:23

Chun, hiti hi hi’n tin, tha thak apat tha thak kit tiengin, chun, Sabbath apat Sabbath kit tiengin, mi cheng cheng chuh kei ei ho dingin ka masang ahin hung khawm zung zung un au,” Lalpa’n a tii.

EZEKIEL 20:34

Namte lak apat chun hun puidawk ing ka ting, nawhzak a na umna gam u apat chun khut hât tak leh bân zak leh lungna kawmin hun puikhawm ding ka hi.

EZEKIEL 20:41

Namte lak apat a ka hun puih dawka, thehzak na hihnau gam tin apat a ka hun puih khawm tieng chuleh gimlim guolin hun na pawm ta’ng ka ting, Jentel te mitmuh achun nangmau haw ahin ka thientho zie kilang ta’n a.

EZEKIEL 39:25

“Zieziekchun, Lalpa Pathien chun hiti hin a tii: Tuhin, Jakob suonte chuh tung ding kit ing ka ting, Israel inkuon pumpi chungah lungsietna nei ing ka ting, ka min thiengtho chuh humbit ding ka hi.

DANIEL 11:45

Chun, tuipi leh tâng thiengtho kikal, temple dinna mun achun a leng puon-In lien tak chuh zak in tin, himahleh, a tawpna tung hi’n tin, kuoma’n kithuohpih puo’n au.”

ZEKARIA 8:7

Ngaiun, ka mite chuh suohlam akipat te leh, tumlam akipat haw chun hukdawk ding ka hi, Lalpa chun a tii.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

JEREMIA 31:6

Ephraim tânghaw achun, vengtute kiko ni hungtung ding ahi. Tho unla, Zion ah chieh hitiu, Lalpa I Pathien uh kawm achun,” ti’n.

MIKA 7:14

Lalpa, na mi telte a ding hin belampu leh mawlh hi’n la. Na go luoh gan guolte chuh na mawlh in veng in la; amau mai a gammâng leh huon gam lailung a chêngte chuh, malai nite guol khan Bashan leh Gilead gama hamhing mun haw achun kivâk u hen.