ISAI 26:7 - PATHIEN LEKHABU THIENGTHO (BSI)

⁷ Mi diktat lampi chuh dikna ahi a, nang lunggil diktak pu chun; mi diktat lampi chuh na hihzang sek hi.

ISAI 26:7 ပူးပေါင်းရင်းမြစ်များ

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

1 JOHAN 3:7

Naute, kuomah lepbawl in um kiu; diktatna hihpa chuh diktat ahi, amah a diktat bangin.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

1 JOHAN 3:10

Zie ahin Pathien chate leh Diabol chate a kihechien thei hi; kuole. diktatna hih lo chuh Pathien a pawt ei puoi; a suohpih hehpih lo pa chule Pathien a pawt ei diek puoi.

THUCHINGTE 20:7

Mi diktat chun dik takin kalsuon intin, amah suonte chuh mi hampha ahiu hi.

SAM LEHKHABU THE PSALMS 11:7

Lalpa chuh a diktat ngâl a; diktatna thilhih chuh a ngaina sek a: Mi diktat haw chun a mel chuh hun mu’n au.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

SAM LEHKHABU THE PSALMS 1:6

Lalpa chun mi diktatte lampi chuh a he ngâl sek a; Himahleh, mi dukdaklote lampi vang chuh beimang in a.

JOB LEHKHABU THE BOOK OF JOB 31:6

Pathien in bûkna diktakin ei bûk leh, Thiemlohna neilo ka hih hi he’n a.

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

ZEPHANIA 3:5

Himahleh, a sunga Lalpa chuh a diktat a, thil diklo hih puo’n tin, Zingkal chengin a vaihawmna a hih lang a, a supel kha ngei puoh a; Khutisa chun le, a sunga migilote chun zahchâkna himhim a he puou hi.

SAM LEHKHABU THE PSALMS 11:4

Lalpa chuh a Ho-In thiengtho ah a um a, Lalpa chuh, a lalchutphah van ah a um a; Mihiem chate hi a mit in a en a, a thilhih teu a mûi.

SAM LEHKHABU THE PSALMS 25:4

Aw Lalpa, na lampi chuh ei hetsak inla; Na lampi chanchin haw chuh ei sinsak in.

SAM LEHKHABU THE PSALMS 25:5

Na thutak a chun ei pui inla, ei sinsak in; Nang chuh ka hukdampa Pathien na hi ngâl a; Sun ni tum in ka hun ngak zing hi.

SAM LEHKHABU THE PSALMS 27:11

Aw Lalpa, na lampi chuh ei sinsak inla; Ka melmate ziek hin lam phei tak ah ei pui inla.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

ISAI 52:12

Kinawh taka chiehdawk ding na hi puou a; taisie a pawt ding le na hi diek puou hi; Lalpa chun na mau pui ding ahi a, chun, Israel Pathien chuh na nung dal uh a pang ding ahi.

ISAI 57:2

Amah chuh muonna a lut ahi a, a zâlkhun u a chawldam ahi zawu a; mi diktatte chuh lam dik ah a chieh sek ui.

JEREMIA 10:23

Aw Lalpa, mihing te lampi chuh amah thu ahi puoi tih ka he tai. A kalsuon sudik dingin mihing in amah hinna thunun theihna a nei puoi.

HOSEA 14:9

Kuole, miching taphawt chun zie thu haw hi hethiem u hen la, a lungthim ah kawih hen. Lalpa lampite chuh a dik a, mi diktatte chun a zui uh a, a hin lawh sek ui. Himahlele, migilo chun a ngaihsak loh ziek un a kisuipai un au.

SAM LEHKHABU THE PSALMS 5:9

A kam u achun muon umna mawngmawng a um puoh a. A sung lam u chuh dukdak lohna ngawn ahi: A gawl u chuh thân kihawng a hi a; A lei un mi a pakcha lêm sek ui.

THUCHINGTE 3:6

Na lampi cheng chuh amah hetsak inla, chun, A ma’n na lampi ding hun hêi zan sak in a.

THUCHINGTE 11:5

Mi diktat kitûpna chun a lampi ding kâwkmuh intin; himahleh mi dukdaklo chun amah sietna tun in a.

THUCHINGTE 21:8

Migilote lampi chuh a kâwi a, himahleh mi lungthim thiengte lampi chuh a zang hi.

ISAI 30:18

Himahleh, Lalpa’n hun lungsiet in, hun ngak intin, nang haw hun lungsiet dingin a kisazo zing a, thil dik a hih sek ziekin; Lalpa chun diktaka vai a hawm sek ziekin amah ngakte cheng chuh mi hampha ahiu hi.