ISAI 26:4 - PATHIEN LEKHABU THIENGTHO (BSI)

⁴ Lalpa chuh kumlekhuo’n muong un: Lalpa, Jehovah ahi a; kumsawt suongpi ahi.

ISAI 26:4 ပူးပေါင်းရင်းမြစ်များ

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

SAM LEHKHABU THE PSALMS 62:8

Nang haw mipite haw, bangtik inle amah chu gingchau inla, Na lungthim u chuh a âng a chun sungthau in; Pathien chuh ei a dingin kihumbitna ahi. Selah

SAM LEHKHABU THE PSALMS 55:22

Na puokgik chuh Lalpa chungah nga’n la, tichun, ama’n hun hih hât ina. Mi diktat chuh bangtik lai inle hih lîng phal puo’n a.

PHILIPPI 4:13

Ei suhatpenpa achun thil bang cheng ka hih thei ahi.

SAM LEHKHABU THE PSALMS 18:2

Ka Pathien, ka suongpi dettak ahi a, amah chuh ka kisêlna ahi. Ka phaw leh, ka hukdamna kileh ka insang ahii.

SAM LEHKHABU THE PSALMS 62:11

Pathien in khatvei a gen a; E! zie hi nihvei ka he tai; Thilhih theihna hi Pathien a ahi tih hi:

SAM LEHKHABU THE PSALMS 46:1

Pathien chuh I kihumbitnau leh I hât nau, Lungdawn laia panpih pai zieng nai zing ahi.

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

ISAI 45:24

“Lalpa chauh ah dikna leh Hatna a um hi,” ti’n gen un tin, himahlele, kei ei do taphawt chuh vang muolpho un au.

ISAI 32:2

Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

SAM LEHKHABU THE PSALMS 125:1

Lalpa a ginna ngate chuh Zion tâng, hih lîn guol loh kumlekhuo a um zing ding chu tawbang ahi.

2 KHANGTHUBU 20:20

A zingkal kit matak chun, mipite chu Tekeo gammâng achun a chieh u a. A kipatdawk lai u chun, Jehoshaphat chun zie thu hin a na hopih a; “Juda leh Jerusalem a mite haw, Lalpa na Pathien uh chung a chun na ginnau ngau inla, dettak in dingun. A thiemgau in a hun hilh chu gingchau inla, lawhting ding na hiu ui,” tin.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

ISAI 63:1

“Edom gam, Bozrah khawpi apat hung khu kuo a? A puon san silh a, lopitak leh hatna thilhih theihna tawh hung khu kuo a?” “Lalpa hukdam dinga thilhih thei tak, a zawhna thu phuong dinga hung pa kha ahi”

ISAI 17:10

Israel Pathien, nang hun hukdawkpa leh, suongpi dettak guola nang hun vengbitpa chuh na hengilh ta a. A thasang in, gamdang pathien hona dingin huon thiengtho poh na kisiem zaw ta a.

JOB LEHKHABU THE BOOK OF JOB 9:19

Hatna thu achun, entie, chuleh, vaihawmna thu achun amah chuh mihat ahi, Dikna lam thu achun kuo ahim hun ei guot sak ding?

2 KHANGTHUBU 32:8

Amah lama pang chu mihingte sepaih ahiu a, ei uh ei panpih ding leh ei do sak dinga ei u lam a pang chu vang Lalpa I Pathien uh ahi ngâl a,” ti’n lungmuon na thu a gen a. Mipite chu a lengpau thu gen chun a tha muon ta a.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

SAM LEHKHABU THE PSALMS 93:1

Lalpa chuh lal in a chu a, a lopina’n a kivan a; Lalpa chuh a kithuom a, hatna’n a tai ah a kigak ta a. Ahi, khawvel hile a kilin theih lohna dingin a hih det a.

SAM LEHKHABU THE PSALMS 66:7

A thilhih theihna chun kumlekhuo’n vai a hawm a; A mit chun namtin a mu suok a, Kiphin hatte chu kilimbawl kiu hen. Selah

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

ISAI 30:29

Himahlele, nang haw, Pathien mite chuh, zan a kut thiengtho Kut guolin kipâk takin la sa’n lau. Israel humbitpa, Lalpa Ho-In a thil githeite leh châmngaite tawh chieh guolin kipâk un lau.

ISAI 44:8

Ka mite haw, lau kiu in! Malai apat in tuni gei hin thil hungtung dingte ka genlawk puoh a ahim? Nang haw hi ei hetpihte na hiu hi tih na he ngâl uh a. Pathien dang a um himhim em? Ahi, Pathien dang himhim a um puoh a, khat chale a um lam ka he puoi,” ti’n.

ISAI 51:5

Ka hukdawkna chuh kin takin hung nai intin; ka hukdamna chuh ka sawldawk ta a, amau haw chuh hukdam ing ka. Ka guolzawhna ni chuh a nai ta ngâl a. Keimah ngêi hin namte chungah vaihawm ing ka ting; Tuisuohgiet panga chêngte chun ka hung ding ngak in, ka vaihawmna chuh kinem takin a ngak ngâl u a.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

DAN NIHNA 33:27

Kumsawt Pathien chuh na kisêlna ahi a, Nuoi lam ah kumsawt bân haw chuh a um, Melmate chuh a hun nawhmang saka, ‘Sumangthai in,’ a tii.

SAM LEHKHABU THE PSALMS 62:9

Mi nam neute chuh bangmah lo phet ahiu a, mi nam lien te le zuou mai ahiu hi: Bûkna a chun kikang untin; Abawn un le bangmah lo maimai sang in a zâng zawu hi.