ISAI 26:3 - PATHIEN LEKHABU THIENGTHO (BSI)

³ Lalpa, na chunga lungthim ngate chuh, nangmah a hun ginchak ziekin, lungmuong taka um dingin veng in la.

ISAI 26:3 ပူးပေါင်းရင်းမြစ်များ

PHILIPPI 4:7

Tichun, Pathien, lungmuonna lungthim himhim a het sen loh khan, na lunggil u leh ngaihtuohna hawu chuh Krista Isu achun hun ven sak na’n a.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

SAM LEHKHABU THE PSALMS 9:10

Khutichun na min hete chun a ginnau chuh nang ah a ngau a, Nang vangin chuh, Lalpa, nangmah hawlte chuh na taihsan puoh ngâl a.

ROME 5:1

Zieziekchun, taksanna zieka thiemchang I hih tâk ziekun, I Lalpau Isu Krista vangin Pathien tawh kicham I hitau hi.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

MIKA 5:5

Chun, ziehi I kichamna dinguh hi’n a; Asuria ten I gam uh a hun do u a, I lal In hawu a hung tawh tieng leh amah do dingin belampu sagih leh mi lopi tak tak giet kiteldawk hitiu.

2 KHANGTHUBU 16:8

Chun, Ethiopia te leh Libia te chu sepaih hawn lientak, kangtalai leh sakawl chung chuong mite tamtak hilo ahiu hi? himahlele Lalpa na muon ziek khan na khut a ahun piek ahi kha.

2 KHANGTHUBU 13:18

Israel te chu Juda suonte chun Lalpa a pileputeu Pathien a a kingak ziekun a zo tau hi.

1 KHANGTHUBU 5:20

Pathien achun a ginnau a ngau a, a kawma chun panpihna a ngên u a, tichun, Pathien in a ngetnau chu a dâwng a, Hagri te leh a kithuohpihteu chunga chun zawhna a pie ta a.

ISAI 48:2

Khawpi Thiengtho a mi, a min Bangakai hihthei Israel Pathien chunga ginna ngate ti’n na kisuong mah mah uh a.

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

SAM LEHKHABU THE PSALMS 119:165

Na dân ngaina haw chun thamuonna nasa tak a mu sek ui; Pukna himhim a nei puou hi.

ISAI 12:2

Ngaitie, Pathien chuh ka hukdamna ahi a, Amah taksang ing ka ting, lau puo’ng ka. Jehovah chuh ka hatna leh ka thilhih theihna ahi a, amah chuh ka hukdamna ahung hi tai, ti’n ahi.

ISAI 26:12

Aw Lalpa, nangin chamna ei guotsak in na tin, ka nasep dawk chengcheng le, nangmah ziek ahi ngâl a.

ISAI 27:5

Khutichu ahih loh chun, ei tuzing u henla, ka humbitna a deih u chun, ka angsung ah hung puklut u henla; ahi, ei kichampih u hen.”

ISAI 32:18

Ka mipite ding chun lungkhamna um ta puo’n tin, a mite chuh bit tak leh muong takin um ta’n au.

ISAI 42:6

Tichun, kei Lalpa chuh ka hi a, diktatna’n ka hun sama, thilhih theihna ka hun pie a; na khut in hun tu’ng ka ting, hun vengbit ing ka ting; Mite thuthun ding leh Jentel te salhvak dinga ka hun guot ahi.

ISAI 42:19

Ka suokte sanga mitdûk zaw leh, a misawlte sanga bengngawng zaw a um u? Ka mi tel chuom guola mitdûk leh Lalpa suokte sanga mitdûk zaw a um u?

ISAI 49:8

Lalpa chun hiti hin a tii, “Hun kipah-um ah ka hun hungaih a, Hukdam na ni ah ka hun panpih hi, a tii. Ka hun vengbit a, chun, mipite tawh thugawlh banga ka hun piek na hi; gam chuh tundin kit ahih a, gam âwng haw chuh hawpzak ahih theih na dingin.

ISAI 66:12

Lalpa chun hiti hin a ti ngâla, “Ngaitie, chamna chuh luipi bangin luon sak ing ka ting, Jentel te hauhsakna chuh luicha a kuong dim zuoh zuoh bangin luong lut ta’n tin, tichun, zie chuh sen un na tin uh, a nungzang ah naupuok in hun puo’n tin, a pheichung achun kichawm kichawm inla.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

DANIEL 3:28

Chun, leng Nebuknezar chun thu a gen a, “Shadrak, Meshak leh Abednego te Pathien chuh pahchak in um hen: Amah chun a vânsâwlchâk a hun sawl a, a suokte, amah taksang leh nasemte chu a hukdawk a; zie mite hin a Pathien uh tihloh chuh pathien dang mawngmawng na a sep loh u a, chibai a bûk lohna dingun leng thupiek nasan le khawksa lo in amau hinna a pie ngam uh ahi.

DANIEL 6:23

Ziephet chun leng chuh a kipâk ta mah mah a, Daniel chuh sakeikul apat a lâkdawk ding thu a pie ta a. Tichun Daniel chuh sakeikul apat chun a ladawk u a; Pathien a taksan ziekin suknat in a um puoi tih a mu tau a.

SAM LEHKHABU THE PSALMS 125:1

Lalpa a ginna ngate chuh Zion tâng, hih lîn guol loh kumlekhuo a um zing ding chu tawbang ahi.

ISAI 32:17

Tichun, diktatna gah chuh kichamna hi’n tin, chun, diktatna apat chun muonna leh kumlekhuo a taksan umna um zing ta’n a.

ISAI 50:10

Na lak uh a kuo a Lalpa kihcha a, a suok thugen zawp a, thim laka chieh a, khutisa a chule Lalpa min gingcha a, a Pathien chunga kinga chuh?

JEREMIA 39:18

Hun hukdawk tei ding ka hi ngâla, chemzâm in thi puo’n na tin, na hinna chuh gâl laka suokcha bangin hukdawk inla, Kei nei taksan ziekin. tih hi Lalpa kamsuok ahi, ti’n va gen ah,” a ti a.