ISAI 26:20 - PATHIEN LEKHABU THIENGTHO (BSI)

²⁰ Aw ka mite haw, hung unla, na indan sung u ah lut un, na kawtteu chuh kikhakkhum un; lungnatna hi a beih ma chengin hun chawmchah mai va kisel un.

ISAI 26:20 ပူးပေါင်းရင်းမြစ်များ

SAM LEHKHABU THE PSALMS 30:5

A lungnat chuh mitphetkal mai ahi seka, A deihsakna chuh hinkhuo a ding ahi; Kahna hi giek dingin nitâk lam leh a hunglut thei a, Mahleh zinglam in kipahna a hung tung sek hi.

SAM LEHKHABU THE PSALMS 27:5

Lungkham ni leh a bukcha a ei kawih gu ding a hih ziek in, A humbitna puon-In a chun ei sel gu’n tin, Suongpi chung sang tak ah ei dawm kai ina.

MATTHAI 6:6

Himahlele, nang haw chuh na paucham tieng u leh, na indan sunggil u ah lut un la, na kawtkhak inla, na pau a gûka um pa kawm achun paucham un, tichun, na pau a gûka hun mu sek pa chun hun din ina.

SAM LEHKHABU THE PSALMS 91:4

A tha’n hun khuh intin, A thanuoi achun bitna mu’n na tin; A thutak chuh phaw neu leh phaw lien ahi.

THUCHINGTE 18:10

Lalpa min chuh kulhpi dettak a hi a, mi diktat chuh a tailut a a bit sek hi.

SAM LEHKHABU THE PSALMS 17:8

Mi dukdaklo ei bawlsiepa, Ei do zinga ei kimvelte lak achun

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

ISAI 10:25

Chawmlo kalin ka hun gawtna chuh lipthâk in um ta’ntin, amau haw chuh sumangthai ing ka.

SAM LEHKHABU THE PSALMS 32:7

Nang chuh ka kisêlna mun na hi a, nang chun lungkham na lak ah nei humbit a; suohchakna la hawn nei ûmkimvel sak a.

ISAI 51:4

Aw ka mite haw, ei ngaithau inla, ka thu hi ngai un! Namte kawma ka thu sinsak chuh hun pie’ng ka ting, kei apat in dân pawtdawk intin, dikna chun mitin salhvak dingin ka vaihawmna chuh chawlhsak ing ka, tuikuol haw achun ei ngak untin, ka bân hi muong un au.

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

SAM LEHKHABU THE PSALMS 31:20

A mau chuh mihiem sawisak na lak a chun na humbitna mitmuh in selgu’n na tin. Lei nielhat na lak achun Bukcha ah sel gu’n la.

EZEKIEL 11:16

“Zieziekchun Lalpa Pathien chun hiti hin a tii: Gamla taka Jentel te lak ah chawnmang in; gam haw achun ana thehdalh mahleng, chawmkhat sung a va umna gam u a chun amau dingin ‘Mun Thiengtho’ hi’ng ka, a ti a.

ISAI 51:16

Chun, vante khu ka kaimalh a, leisiet kingakna ka phum a, Zion kawm achun, ‘ka mite na hiu! ka thu sinsakte ka hun pie a, ka khut in ka hun liehkhuh na hiu hi,’” ka ti a.

SAM LEHKHABU THE PSALMS 143:9

Aw Lalpa, ei dote apat hin ei humbit inla; Nei sel dingin na kieng ah ka hung tai hi.

SAM LEHKHABU THE PSALMS 57:1

Aw Pathien, ei lungsiet in, ei lungsiet in; Ka hinna hi nangmah a chun a hung puklut ngâl a, Ahi, na thanuoi chuh hun chuh ing ka. Vangsietna hi a kithiel masang sieh in.

THILSIEMBUL 7:1

Chun, Lalpa’n Noah kawm achun, “Nang leh na inkuonpihte chengcheng chuh lawng achun lut un; nang chuh tulai khanga mite lak ahin ka mitmuh in mi diktat na hi tih ka hun hêi”

JEREMIA 31:14

Thiempute hinna chuh sathau in sutai ing ka ting, ka phatna’n ka mite le lung-awi un au tih hi,” tih hi Lalpa kamsuok ahi.

THILSIEMBUL 7:16

Chun, Pathien in a kawm u a thu a piek guolin Phehlevo nei chengcheng laka anu leh achal zelin a lut u a; chun Lalpa’n amah chuh a khakkhum ta a.

MATTHAI 23:37

“Aw Jerusalem, Jerusalem, thiemgau haw that, na kawma Pathien in thupuo a hun sawlte that a, suong a sep lum! Akpi’n a note a tha nuoia a awp khawm guolin, na chate bang zat vei a awp khawm ka guot khah! Himahlele, na ut ngâl puou a.

JEREMIA 7:23

Ka aw ngaithau inla, na Pathien uh hing ka ting, nang u le ka mite hin lau. Na Pathien a dingun na umdan dinguh ka hun hilh cheng hi zawp un, khutileh, nanguh a dinga pha ding ahi, ti a thu ka piek zawk ahi.

JOB LEHKHABU THE BOOK OF JOB 14:13

Aw Sheol a chun ei na selgu hi ta leh chin, Na lungnat haih macheng chun ei selgu mai in, Hunbi ei guot sak in, ei hezing ding na hi a.

THUCHINGTE 22:3

Mipil chun thil lauh-um a muh chun a pumpelh sek a, himahleh mi mawlte vang chuh a lak ah a lut u a, a thuok lawh sek ui.

ISAI 10:5

Nang Asuria lengpa, ka lungnatna khetbuk, ka lunghihlohna mawlh chawipa.

ISAI 13:5

Amau haw, Lalpa leh a lunghihlohna hiemmatte chuh, gam gamla tak, kâwlmawng tâwp apat a hung ahiu ui. Lalpa’n a lungnatna zieka, gam cheng cheng hihsie dinga hung ahi.

ISAI 34:2

Lalpa chun nam tinte chung leh, a sepaihte cheng chung achun lungnatna a nei ngâl a. Amau haw chuh a sumangthai vek a, thah dingin a pie ta a.

ISAI 66:14

Tichun, zie chuh mu’n na tin na lungthim kipâk intin; na guhhaw chule ham hing guolin hing dup dup intin; Lalpa khut chuh a suokte chungah a uma, a lung-awih lohna chuh a melmate chungah a um hi tih het hita’na.”

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

ZEPHANIA 2:3

Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

SAM LEHKHABU THE PSALMS 57:2

Pathien chungnung pên chuh uou ing ka; Pathien bangkim ei hih sak pên chuh.

SAM LEHKHABU THE PSALMS 94:13

Minunsie dinga kawkhuk laih a a um ma cheng, Lungkham nite apan a na chawlhsak theih na dingin,