ISAI 26:11 - PATHIEN LEKHABU THIENGTHO (BSI)

¹¹ Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 26:11 ပူးပေါင်းရင်းမြစ်များ

HEBRAI 10:27

Vaihawm sakna lauh-um huoisie tak leh, Pathien dodalte kanggam ding lungnatna mei chuh hung um zaw ta ding ahi.

MIKA 5:9

Na khut chuh nangmah hun dote chunga thak in um hen la, na melmate cheng cheng chuh sukmangthai in um u hen.

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

2 THESSALONIKA 1:8

Pathien nawlh a, Lalpa Isu Chanchin Pha zawp nuom lote gawt dinga, mei kuong tawh a hung tieng leh hih ina.

NASEPTE 28:27

Aziek chuh, zie mite ngaihtuohna hi ana chavai ta a; A bilhawu le ana dawh puou a, A mit hawu le a sin ziekun. Khutilochun, a mit un muu un tin uh, A bil un za khau untin; A lunggil un hethiem khau untin uh, Tichun, kei lam ah hung kihei kit untin, Chun, ken a na hihdam kha’ng ka,’ a tii,” ti a a gen guol khan.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

JEREMIA 44:28

Chun, chemzâma thi mâwk tawmcha te chuh Aigupta gama pata pawt in Juda gam ah lut un au; chun Juda umsun cheng Aigupta gama cheng dinga chieh te chuh kuo thu hatzaw ding ahim, kei thu ahim amau thu hun hen au.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

ISAI 60:14

Chun, nanguh hun sugimthei sekte suonlepak haw chuh hung un intin; na masang u ah khupbawk un au. Tichun, a hun musitte chengcheng khan chibai hun bûk in na kêngpêk nuoi ah khun un au. Zie tieng chuleh nang chuh, “Lalpa khawpi Israel Pathien Thiengtho khawpi, Zion” hun ti’n au.

ISAI 44:18

Zie tawbang mi chuh mingawl, a thilhih uh bang ahih helote ahiu ui. Thutak lam achun a mit u leh a lungthim teu a sudûk sek ui.

ISAI 44:9

Milim pathien siemkawm te chuh bangmahlo ahiu a; a thil deihlam teu chuh phatchuomna um diek puo’n a. Zie tawbang pathien hote chuh mitdûk leh bangmah helo ahiu a, hung muolpho tei ding ahiu hi.

ISAI 18:3

Khawvela um chengcheng leh, lei chung luohte haw, tâng hawa melchikna a takdawk tieng u leh en un; pengkun a mût tieng u leh ngaithau un.

ISAI 11:13

Tichun, Ephraim te itthîkna chuh bei ta’n tin, Judate subuoi haw chuh sukmangthai in um ta’n au, Ephraim in Judate itthik ta puou un tin, Judate’n le Ephraim subuoi diek ta puo’n au.

SAM LEHKHABU THE PSALMS 86:17

Phatna tiemtehna ei etsak inla; Ei mudah hawn zie chuh a muh u a, a muolpho theih na dingun, Lalpa, nangin nei panpih a nei thamuon ziekin.

SAM LEHKHABU THE PSALMS 21:8

Na khut in nangmah hun do haw cheng chuh hawldawk vek in na tin: Na khut changlam in nangmah hun hawte chule hawldawk suok ina.

SAM LEHKHABU THE PSALMS 10:12

Aw Lalpa, tho inla; aw Pathien na khut hun lam tie Mi gimthei haw chuh hengilh ki’n la.

JOB LEHKHABU THE BOOK OF JOB 34:27

Amah apat a a petmang ziekun leh, A dante a khawksak loh ziek un.

1 SAMUEL 6:9

Khutichun, amah gam lam zawtna lampi hawh in Bethsemesh-ah a chieh em en un, a chieh chun, I chung uh a thil phalo tak hi amah hih hi’n tin, a chieh loh chun ei uh ei gawt hih amah khut ahi puoi tih hêi tingun, I chung uh a hung tung mawngmawng hi’n a,” a tiu a.

PAWTDAWKNA 9:14

Tuchung hin vang nang leh na suokte chung leh, na mite chung ahin hi chitin lênsak ding ka hi; tichun, leichung pumpi ahin Kei tawbang kuomah a um puoi tih hun he’n la.

LUKE 16:23

Chun, mithi khuo achun na thuok himhim in a um ta a; tichun, a vak dâk a, gamla taka Abraham ângsung a Lazarus um chuh a vak mu ta a.

SAM LEHKHABU THE PSALMS 78:63

A tangval teu chuh mei in a katum a; A nungak teu chun kichênna la mawng mawng a nei ta puou hi.

ISAI 1:31

Chun, mihat tak chule buhpawl bang hita’n tin, a nasep chuh meisi tawbang hi’n a; tichun kâng khawm un tin, a phelh mit ding kuomah um puo’n au.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

ISAI 9:18

Nunsietna chuh hambawk leh lingte katum sek mei guolin, a ka luoh luoh a; gamnuoi thing lak achun a ka chuoh chuoh a, a khu to vutvut sek hi.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 10:17

Meikuong chuh Israel te thienthona Pathien ngêi chuh ahi; zie chun ni khat thu’n hamlingnei leh khau leh thil chengcheng chuh katum ina.

ISAI 37:32

A suokcha umsunte chuh Jerusalem apat chun chiehdawk untin, chun, Zion tâng achun a suokcha te chuh cheng un au; Bangkim hihthei Lalpa phatchuom ngaihna chun zie chuh hih ding ahi ngâla.

ISAI 42:13

Lalpa chuh sepaih hattak guolin, galdo dingin a pawt a; kido dinga kisazo leh ngaklah takin, kidona aw leh, gâl thawmte suohdawk in, a melmate chunga chun a thilhih theihna a latsak ta a.

ISAI 59:17

Chun, diktatna chuh awmphaw guolin âk in tin, zawhna chuh hukdamna lukhuk guolin hun khu ding a hi. Thil diklo hihte chunga phuba lâkna chuh silhlechen guola nei in, hachangthakna’n a kithuom a.

ISAI 63:15

Van apat khan hun en suk inla, na thienthona leh na lopina umna mun apat khan hun en tie! Kei uh nei ngaihtuohna nasatak leh na hatnate kha khawitaka um ahi ta’m? Na lungthima nei ngaihsakna leh na lainatna chuh kei u apat a lâkmang ahi tai!

ISAI 66:15

Ngaitie, a lungnatna chuh thangtawm taka sungtha ding leh a hilhgaihna meikuong a sungtha dingin Lalpa chuh mei a hung ding ahi ngâla, a kangtalai haw chuh chinpei bang mai hi’n au.

ISAI 66:24

“Tichun, chiehdawk sek un tin, ka chunga kiphinte luong chuh mu sek un tin, a than u chuh thi ngei puo’n tin, a mei chule mit ngei puo’n tin; mi chengcheng mitmuh achun thil kihdak-um tak hi ta’n au,” ti’n.

MIKA 7:16

Namte chun zie chuh muu un tin, a hâtnau chuh zahchâkpih un tin, a khut un a mûk uh him un tin, a beng uh ngawng ina.

SAM LEHKHABU THE PSALMS 28:5

Lalpa nasep te leh, A khuta a thilhih chuh a ngaihsakloh ziekun, A mah chun amau haw chuh siempha lo in hih sie’n a.

ISAI 10:16

Zieziekchun, Sepaihte Lalpa chun a mi thaute laka chun natna sawl intin, a taksau chung achun meikuong zing bang hin, mei tihin um ina. Mei chuh Israel vak Pathien chuh ahi a;

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.