ISAI 24:7 - PATHIEN LEKHABU THIENGTHO (BSI)

⁷ Grep gui chuh a chau a, uain thak chuh a put ta puoh a; lungthima kipâk chengte chuh mauna’n a dim tai.

ISAI 24:7 ပူးပေါင်းရင်းမြစ်များ

ISAI 16:10

Kipahna chuh lâksak in a um tai, lo phate chung achun kuomah a kipâk ta puoh a, grep huon haw achun lasak mawng mawng um ta puo’n tin, thawm kipah-um mawng mawng le um diek ta puo’n a, grep thawkna khuk a chun uain chil pût hita puo’n tin, grep lâk laia kipahna thawm chuh a dai ta ngâl a.

ISAI 16:8

Heshbon lo haw chuh a hung chul zo ta ngâl a. Sibmah grep guihaw chule a chul zo tai; namtin lengte’n a dâwn kham sekteu ngêi chuh. Jazer khuo tiengin a guite chuh a zam u a, gamthip ah a zam lut u a, a bâkteu chuh a kika dawk sieusuou a; Tuipi Thi chuh a zam kai ta a.

JEREMIA 7:34

Tichun, Juda khawpi haw leh Jerusalem kawtthêl haw achun kipahna husate, lawpna thawmte, moneipa aw te, mo aw te chuh sudai ing ka ting, a gam chuh a hawma um ding ahi ngâla.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.