ISAI 24:5 - PATHIEN LEKHABU THIENGTHO (BSI)

⁵ Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

ISAI 24:5 ပူးပေါင်းရင်းမြစ်များ

HEBRAI 13:20

Chun, Chamna Pathien, I Lalpau Isu Krista mithi lak apat kaithopa, kumsawt thugawlhna thisan zâla belam Chingpa Lien chun,

HEBRAI 9:1

Chun, thugawlh masa khan le, Pathien ho dân leh, Pathien hona dinga leia mun thiengtho chuh a um ngêi a.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

LUKE 1:6

A nih uh chun Pathien mitmuh in diktat takin a um sek uh a, bukim takin Lalpa thupiek leh a dante chuh a zawp sek ui.

MIKA 2:10

Tho un la, chieh mang un! zie tak ahin bitna a um diek puoi. Na gitlohna ziekun, zie mun hi sietna lauh-um tak tunna mun in na siem tau hi!

DANIEL 9:10

Na suok thiemgaute manga na dân dung zuia hing dinga nei na hilh na chuh aw Lalpa Pathien, ka ngaitha diek puou ui.

EZEKIEL 20:24

Ka thutanna haw a zuih loh u a, ka dân siem haw a muhsit u a, ka sabbath haw a bawhsiet u a, a pileputeu milim haw a mitkat zawk ziek un.

EZEKIEL 20:13

Himahleh, Israel insung mite chuh thalek a khan ka chungah a hel u a, ka dân siem haw chuh a zui puou a, ka thutanna haw, min a zuih a a hinlawh ding hawu chuh a musit u a, Sabbath haw le nasa takin a bawhsieu a; khutichun, thalek achun amau hih mangthai dingin ka lungnatna chuh a chung u ah ka sungtha mai die aw, ka ti a.

JEREMIA 50:5

Zion lam zuona a chiehna dinguh dawng un tin, “Hung tiem u, kumlekhuo a bawhsiet tâk loh dingin Lalpa kawmah thugawlh siem hitiu,” ti’n au.

ISAI 50:1

Lalpa chun, “Mi’n a zi a mâk a a sawlmang guolin ka mite ka sawlmang a ahim? Khuti ahih chun ka mâkna lehkha chuh khawitaka um ahim? Mi’n a chate suok a a zuok bangun, salin ka hun sawl a ahim? Hilo e, na gitloh ziek u a sala puih in na um u a; Na thilhih gitloh ziek u a sawlmang a um na hi zawu hi.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

SAM LEHKHABU THE PSALMS 105:10

Zie mah chuh thuguot bangin Jakob kawmah a hihdet a, Israel kawmah kumlekhuo thugawlh ding in:

SAM LEHKHABU THE PSALMS 55:5

Lauhna leh kilinna’n ei bawh a, Lauhna chun ei khuh zo ta a.

2 KHANGTHUBU 33:9

Khutichun, Manasseh chun Juda te leh Jerusalem mite chuh thil a sukkhelh sak a; tichun Lalpa’n Israel te ma a a sukmangthai namte sang bawn in thil a hih gilo zawu a.

2 SAMUEL 23:5

“Ka inkuon u chu Pathien kawma kipat hilo ahim? Kumlekhuo thugawlh ka kawmah a gawlh a, Bangkim kitûp leh hihdet kêi in; ka hukdamna kim leh duhthusam kim, seldawk sak lo ding ahi a ahim?

JOSHUA 24:25

Khutichun, Joshua’n zie ni chun mipite kawmah thu a gawlh a, Shekem achun dân leh vaihawmna a guot sak a.

DAN NIHNA 32:20

‘Kiselmangsan ing ka, Bang a hung suok um, en ka,’ a tii. Khang ngaihnabei, ginumlo chate ahiu.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

THIEMPUDANTE 20:22

“Khutichun, ka thupiek chengcheng leh ka vaihawmna cheng chengte na pawm u a, na zuih dinguh ahi; ka hun puih lutna ding gama mite chun a hun nawlh lohna dingun.

DANIEL 9:5

“Na thupiek leh vaihawmte apat chieh pet in ka na gilo tau a, diklo tak leh nunsie takin thil ka na hih u a; ka na hel tau a,

EZEKIEL 37:26

Zielo chun le, a kawm u ah chamna thuthun siem ing ka ting. Amau dingin kumkhuo thuthun hi’n tin, a kawm u ah pie’ng ka ting. amau chuh supung ing ka ting, amau lak achun kumkhuo’n ka ho-bûk dinsak ing ka.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

ISAI 30:9

Ziehaw chuh mi kiphin chîngte, cha lepchiehte, Lalpa dân ngaitha nuom lote ahi ngâl u a.

ISAI 33:8

Lam tuongpite chuh a thip zên zûn a, khuolzin te chun a hawh ta puou hi. Kichamna thugawlhte chuh suksiet leh mat loh in a um a; thutiem haw chuh bangmah lo a ngaih ahi tai,

EZEKIEL 16:59

Khutichun Lalpa Pathien chun hiti hin a tii: “Thuthun bawhsie a thutiem na khawksakloh guola na chunga hih ding ka hi.

THIEMPUDANTE 26:35

A hawma a um sung cheng chun châwl intin; na um lai u a chawlhni a châwl sek lo haw kha,

JOSHUA 23:16

Chun,Lalpa na Pathien uh thugawlh, zawp dinga a hun piek uh hi na bawhsiet uh a, Pathien dangte na nasep u a, khûn a chibai na bûk u chun, Lalpa lungnatna chuh na chung u ah um intin, gam phatak a hun piek uh apat hin mangthai pai zieng ding na hiu hi,” a ti a.

2 LENGTE 21:12

Kei, Lalpa Israel te Pathien hin a za taphawt bil langnih a thawng khawp hiel ding, thil phalo hun tunsak ding ka hi.

2 LENGTE 21:15

Khutichun, a pileputeu Aigupta gama a hung pawt uh apat, tuni chana, ka lungnatna chawktho leh, ka deihloh lam, gitlohna a hih zing ziekun, zie thilte hi, ka mite chunga hih ding ka hi,” ti’n.

JEREMIA 11:10

A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.

HOSEA 6:7

“Himahleh, Adam guolin amau haw tawh ka thugawlh chuh a bawhsieu a, zie taka chun gukhah takin ka chungah ahih u a.