ISAI 24:18 - PATHIEN LEKHABU THIENGTHO (BSI)

¹⁸ Tichun hiti hi hi’n tin, thil tizat-um thawm zieka taite chuh kawkhuk ah kieu untin, kawkhuk a pawtdawkte chuh thâng ah âwk un au. Van apat in guohpi nasa takin hung zu’n tin, lei kingakna hi suklîng in um ina.

ISAI 24:18 ပူးပေါင်းရင်းမြစ်များ

SAM LEHKHABU THE PSALMS 18:7

Zie phet chun lei hi a lîng a, a kithing ta a, A lung a nat ziekin tâng haw chu le, A kingakna nasan in a lîng in a puok zak ta a,

THILSIEMBUL 7:11

Noah chuh kum zagup a hih kum, a tha nihna ni sawm leh sagih ni chun, zie ni ngêi chun tui thuk lientak tak nak haw chengcheng chuh ahung puok zak a, van tukvanhaw le a hung kihawng ta a.

AMOS 5:19

Sakeibaknei lau a taimang a, savawm kituokpih mi bang leh, ina lut a, bang chunga khut nga a, gul in a chuk bang chuh ahi.

SAM LEHKHABU THE PSALMS 18:15

Ziephet chun, aw Lalpa, na hilhgaih zieka, Na nak a hu pawt in a mût phut ziekin, Tui luonna haw chuh a hung kilang a, Lei kingak na haw chuh dawk sak in a um ta a.

JOB LEHKHABU THE BOOK OF JOB 20:24

Thik gâlvan lau in tai un tin, Sumeng thalpi chun amah chuh kaplet in a.

2 LENGTE 7:2

Chun, sepaih lawiupa leng kithuohpih pên pa chun Pathien mi chu a dâwng a, “Ngaitie, Lalpa’n van ah tukvan hawng ding ahi chu uo; zie bang thil chu ahi thei maizen dinga ahim?” a ti a. “Ngaitie, na mit in vang mu ngêi in na tin, a nek chu vang nelo ding na hi,” ti’n, Elisha chun a dâwng a.

THILSIEMBUL 19:24

Tichun, Lalpa’n Sodom leh Gomorra chung achun van a Lalpa kawm apat chun mei leh kât a zuk sak ta a.

THUGENPA 9:12

Chun, kuoma’n a chung a sietna hung tung ding chuh a he masa thei puoh a, len a nga âwk bang leh thâng a vacha âwk bangin mihingte chung ale siet na a hungtung phut sek hi.

ISAI 2:19

Tichun, lei hi nasa taka sulîng dinga a hung kipat tieng chuleh, Lalpa lauh umna lak apat leh, thilhih theihna lopina lak apat chun mite chuh suongpi leh kâwlhâwm haw leh lei hawm haw a chun kisel un au.

ISAI 2:21

Lei hi nasa taka sulîng dinga a kipat tieng leh, Lalpa lauh umna lak apat leh thilhih theihna lopina apat taihmang guo’n, suongpi hawm haw leh kâwl suongpi khi kal haw a chun lut un au.

ISAI 8:14

Chun, amah chuh mun thiengtho hi’n tin, mite ding chun pukna suongpi, Juda leh Israel lalgam leh Jerusalem a mipite ding chun thâng leh piel hi’n a.

ISAI 13:13

Khutichun, van khu sulîng ing ka ting, Kei, sepaihte Lalpa lungnat ziekin, ka lungnat etsakna ding chun, lei hile a umna mun chawn hiel khawpa suklîng in um ina.

ISAI 42:22

Himahlele, a mite chuh suoma um leh, guom sunga kie tha a hi vek uh a, suongkul a sel mang in a um u a; lâksak leh puok mang in a um u a; a panpih ding khat chale a um puou hi.

JEREMIA 48:43

Aw Moab a cheng pa, tizatna kawkhuk leh thâng te na masang ah a dim tai ti’n Lalpa’n a gen hi.

JEREMIA 48:44

Lauhna taihsan guo chuh kawkhuk ah kelut intin, kawkhuk apat a hung kaldawk te chuh thâng ah âwk ding ahi, a gawtna kum chuh Moab chungah ka hun tunsak tai, vaihawmna kum ngêi chuh tih hi Lalpa kamsuok ahi.

SUNNA LA 3:47

Lauh-umna leh thâng in ei dal u a; sietna leh manthaina ah ka um tau hi.

EZEKIEL 11:8

Chemzâm chuh na lau a, na chung u a chemzâm hun tun ding ka hi, Lalpa Pathien chun a tii.

EZEKIEL 12:13

Amah chuh ka lên khuh ing ka ting, ka thâng ah âwk hi’n a; amah chuh Kaldai gam, Babulon achun pui ing ka ting; ahih ziekin ama’n muh chuh mu puo’n a, zie tak a chuh thi ding na hi na a.

EZEKIEL 15:7

Chun, amau haw chuh ngeileh ing ka ting, Mei apat chun suokcha mah leu, mei mah chun, kangtum tho in au. Lalpa chuh ka hi tih he’n au, Amau haw ka ngeileh tieng chu leh.

SAM LEHKHABU THE PSALMS 18:8

A nak apat chun meikhu a zam to a, A kam a pawt mei chun a katum ta a, Amah apat chun mei haw le a kuong puotpuot ta mai a.

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.