ISAI 24:16 - PATHIEN LEKHABU THIENGTHO (BSI)

¹⁶ Kâwlmawng tâwp apat chun, DIKTATNA PATHIEN pahchakna la chuh zak in a um a. Himahlele, kei dingin kinepna a um diek puoi! Ka gawng deuh deuh a! Mi themte chun ei thêm zing u a, a chalaknau chuh a nasa deuh deuh ngâl a.

ISAI 24:16 ပူးပေါင်းရင်းမြစ်များ

ISAI 21:2

Kilâkna lungkham um tak ka kawma het sak ahi tai; lepchieh taka hihpa chun, lepchieh takin a hih a, hihsie sekte chun a hihsieu hi. Elam sepaihte chun a do u a! Media sepaihte chun khawpi chuh a sim tau a! Babulon te’n gimtheihna a bawlteu chengcheng chuh ka suhai vek tai.

JEREMIA 5:11

Israel inkuonte leh Juda inkuonte chuh ka chungah gukhah takin thil ahih ta ngâl u a, Lalpa’n a tii.

ISAI 33:1

Ehe! nang suom tuokkhalo pi a, mi suoma pang, chitgil taka bawl tuokkhalo pi a, chitgil taka thilhih, na chung a gik hi! Mi suom na haih tieng leh suomna hun tuok in na tin, chitgil taka hih na haih tieng leh chitgil taka bawl in hung um inla.

JEREMIA 3:20

Zi ginumlo in a pasal a zawlsaih san bangin, Aw Israel inkuon te haw, ginum lo takin nei um san tau hi ti’n Lalpa’n a gen hi.

THUPHUON 15:3

Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!

NASEPTE 13:47

Zie tawbanga hi Lalpa’n thu ei piek ka hiu hi: ‘Jentel te vak sak dinga ka guot na hiu hi, Khutia chuh khawvel pumpi hukdama a um theihna dingin,’ tih zik guol khan,” a tiu a.

MARK 13:27

Chun, vânsâwlchâkte chuh sawldawk intin, a telchuomte chuh kâwlmawng li apat, lei tâwp apat a van tâwp chanin lawlkhawm ina.

HABAKKUK 1:3

Bang zieka zie tawbang nunsietna hi nei muh sak ahi ta’m? Bangti’n a, zie banga thil diklo hihte hi na et zing theih ding? Sietna leh thagum a kibawlna chuh ka kimvel ah a um a, kisuolna leh kinakna chuh mun chengah a um ta a!

MIKA 5:4

Amah a hung tieng chuleh, Lalpa apat a hatna leh, Lalpa Pathien lopina ngêi chun, a mite vaihawm sak ina. Lei chung pumpi a mi chengcheng in a lopina chuh a het tâk ziekun, amau chuh bit takin um zing un tin; amah chu lei tâwp chanin lopi ding ahi ngâla.

HOSEA 6:7

“Himahleh, Adam guolin amau haw tawh ka thugawlh chuh a bawhsieu a, zie taka chun gukhah takin ka chungah ahih u a.

HOSEA 5:7

Lalpa a dingin a ginum ta puou a, a chateu chule amah a ahi ta puoi. Zieziekchun, amau haw leh a gam u chuh sukmangthai in um un au.

SUNNA LA 1:2

Zan khawvak in a kap a; a mitthi teu chu a bieng u ah luong tha a. A guolphate cheng lak achun, amah thamuon ding himhim a um ta puou. A guolte chengin a thep bawl tau a, tichun, a melma a suok zo tau hi.

JEREMIA 12:6

Na suohpih, na pa inkawte ngêi chun, amau ngêi chun a hun thêm ta ngâl u a; amau chun a hun delhzui u a, ngeih tak in a hun sam u a. Thupha tak tak na kawmah gen mahleu le gingcha hiel kiu in.

ISAI 60:21

Na mipite le a bawn un mi diktat hiu intin; kumlekhuo’n gam hi luoh un au. Mitin kawma ka lopina sulang dingin Amau haw chuh ka phut a, ka siem ahi ngâl uh a.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 48:8

Mi genhakte ti a heta um zing na hih ziekun, gingcha puo’n lau tih ka he him hi. Ziehaw chuh na bil u a a lut khâk loh ziekin, ziehaw hi na helo him uh ahi.

ISAI 28:5

Zie ni chun, a mipi ana umsunte ding chun Sepaihte Lalpa chuh, lopina lallukhuk bang leh hawihna lukhuk tawbang hi’n a.

ISAI 26:15

Himahleh, Aw Lalpa, namte chuh na supung a, ka namteu chuh na supung ta a, nang chuh lopina piek in na um ta a, gamgite cheng chuh na keklien ta a.

ISAI 17:4

Zie ni chuleh hiti hi hi’n tin, “Jakob lopina tâwp ni chuh hungtung intin, a hauhsakna chuh chatgahna’n hun vukdim ta’n a.

ISAI 10:16

Zieziekchun, Sepaihte Lalpa chun a mi thaute laka chun natna sawl intin, a taksau chung achun meikuong zing bang hin, mei tihin um ina. Mei chuh Israel vak Pathien chuh ahi a;

SAM LEHKHABU THE PSALMS 106:15

A thil nget u chu a pie a; Himahleh a lak u achun natna hi a lênsak ta a.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

SAM LEHKHABU THE PSALMS 67:7

Pathien in ei vangsak zel intin; Kâwlmawng a mi cheng cheng inle amah kihcha’n au.

SAM LEHKHABU THE PSALMS 58:10

Phuba lâkna chuh a muh tieng leh mi diktat chuh kipâk intin: Minunsie te thisan chun a keng chu sil ina.

SAM LEHKHABU THE PSALMS 2:8

Ei ngên in, khutichun na go luoh dingin namtin hun pie’ng ka ting, Kâwlmawng tâwp chan in na go dingin hun pie’ng ka.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

JEREMIA 12:1

Aw Lalpa, na kawma ka phunchiek lai inle nang chuh na dik zing hi; mahleh, ka lung-awih lohna thu gen tho ing ka. Bangati a mi nunsiete lampi chuh lamzang sek ahi? Bangati a gukhah taka hih haw chuh nuomsa taka um sek ahiu hi?

THIEMPUDANTE 26:39

Chun, na lak u a mi nutsieh haw chuh na suonteu gitlohna ziek leh nang haw gitlohna ziek chun muih tum hiei hiei un au; a pileputeu in a manlohnau a muih tum lawh bangun amau inle a gitlohna ziekun mangthai un au.

SAM LEHKHABU THE PSALMS 65:8

Kâwlmawng tawpa umte chun le na hetsakna chu a lau sek u a; Zing leh nitâk chieh dawk nate chu lâwpin na kiko sak sek hi.

SAM LEHKHABU THE PSALMS 119:158

Gukhah taka hih haw chu lung-awi lo takin ka en a, Na thu a zawp loh ziek un.

ISAI 11:12

Chun, nam tina dingin melchikna tâk dawk intin, Israel nawhdawka um haw chuh puikhawm intin; Juda tai zakte chule kâwlmawng li apat chun puikhawm ina.

ISAI 42:10

Tuisuohgiet a va chieh te leh, a sung a um cheng chengte leh, tuikuol gam leh a sunga um chengcheng te haw Lalpa chawiân in la thak sau in la, kâwlmawng apat inle amah chawih-atna la sau in.

HABAKKUK 1:13

Na mit chuh thil gilo etna dingin a thiengtho taluo a, mi gilote thilhih chuh na en thei puoh ngâl a! Zie migilo thephatte chuh bangti’n a na thuok theih ding? Zieziekchun, amau haw sanga phazawte a sukmangthai lai u a chuh bang zieka thip hiet hiet na him?

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.