ISAI 24:11 - PATHIEN LEKHABU THIENGTHO (BSI)

¹¹ Uain duhchak ziekin kawtthêl achun kah thawm a um a, kipahna cheng chuh sukthip in a um a, zie gama kipahna chuh a bei tai.

ISAI 24:11 ပူးပေါင်းရင်းမြစ်များ

HOSEA 7:14

Ka kawmah tihtakzet in a paucham puou a, zâlkhun chungah a mawk phun mul mul sek ui. Buh leh uain ngên a a paucham tieng u leh, milim hote hih bangin amau leh amau a ki-âtkeh sek uh a. Ka chungah a hel ngâl u a.

LUKE 16:25

Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

JOEL 1:15

Zie ni chuh a chung agik hi! Lalpa ni chuh a nai ta ngâl a; Bangakai hihtheipa apat sukmangthaina chuh a hungtung ina. Zie ni chuh bang tienga tizat um ahi ta dem!

JEREMIA 48:33

Theigah tam na mun Moab a kipatin thatnawpna leh kipakna chengcheng lâkmang in a um tai, grep thawkna mun te chuh ka chawlh sak in, kuoma’n kipâk takin a hêk ta puou hi.

ISAI 32:13

Ka mite gama chun hamlingnei leh khau a kek dim zaw tau hi. Ahi, kipâk taka na um seknau Inhaw leh, mihing a dim sek khawpi ziek chun kap un!

ISAI 16:10

Kipahna chuh lâksak in a um tai, lo phate chung achun kuomah a kipâk ta puoh a, grep huon haw achun lasak mawng mawng um ta puo’n tin, thawm kipah-um mawng mawng le um diek ta puo’n a, grep thawkna khuk a chun uain chil pût hita puo’n tin, grep lâk laia kipahna thawm chuh a dai ta ngâl a.

ISAI 9:19

Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

THUCHINGTE 31:6

Mangthai ding kuonte chuh zukha pieu inla, chun, mi lungkhamte chuh uain pieu in.

SAM LEHKHABU THE PSALMS 144:14

Ka bâwngguol teu inle no tampi pi nei u henla; Kulh bang vihvanna leh saltanna um kihen la, kawtthêl u a lungkham husa khat chale zâk in um kihen;

JEREMIA 14:2

Juda chun a sun a, a kulh kawtkhakte chule a ngui a. Leituol ah a puon vawm uh khu’n a chuu a, Jerusalem kah thawm chuh a chieh to tai.

JEREMIA 46:12

Namtin in na zahchâkna chuh a hedawk tau a, na kah thawm chuh khawvel pumpi ah a dim ta a, gâlhât leh gâlhât a kido u a, lei ah a puk gel tau hi!

JOEL 1:12

Grep guite chuh a vuoi ta a; theipi kungte chuh a chau tha ta a; vaimimthei kungte, tum thingte leh theikung chengte chuh a gaw zo ta a; Mihing chate laka kipahna chule a muol zo ta ngâla!

ISAI 32:10

Numei ngaihsamte haw! ka aw hi ngaithau in; tuhin lungkim takin na um nau a, tu a pat kum khat nung leh grep lâkkhâwm ding um talo ding ahih ziekin beidawng a kithing ding na hiu ui.