ISAI 24:1 - PATHIEN LEKHABU THIENGTHO (BSI)

¹ Ngaitie, Lalpa chun lei hi suhawm intin, susie ding ahi. Leichung hi thing intin, a luohte chuh sudalh vek ding ahi.

ISAI 24:1 ပူးပေါင်းရင်းမြစ်များ

NAHUM 2:10

Ninevi chuh suksiet leh nutsieh ahi a, a hawmngawn ahi ta ngâl a. Lauhna’n lungthim a tuitha zo ta a; khûpte kithing in, kâwng a tha hatna a bei zo ta a; a mai uh a dângtha zo tai.

ISAI 2:19

Tichun, lei hi nasa taka sulîng dinga a hung kipat tieng chuleh, Lalpa lauh umna lak apat leh, thilhih theihna lopina lak apat chun mite chuh suongpi leh kâwlhâwm haw leh lei hawm haw a chun kisel un au.

ISAI 42:15

Muol leh tângte chuh suchai ing ka ting, thing leh hampa chengcheng te chuh sugaw vek ing ka; Luite chuh gamgaw’n siem ing ka ting, dîl tuite chuh hihkang ing ka.

ISAI 24:20

Lei hi zukham bangin lawn duoi duoi intin, huihpi’n bukcha a sawih bangin kisawi zawk zawk ina. Khawvel hi a gitlohna’n delh chim intin; tichun, tho kit ta puo’n a.

EZEKIEL 35:14

Lalpa Pathien chun hiti hin a tii, “Lei pumpi kipah na dingin hun suhawm ding ka hi.

EZEKIEL 12:20

Chun, mi chênna khawpi haw chuh sukchim in um intin a gam chuh sukgam in um intin, khutichun, Lalpa chuh ka hi tih he’n au,’ ti’n gen in,” a ti a.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

EZEKIEL 6:6

Na chênna mun chengcheng u a khawpi haw chuh suksiet hi’n tin, na milim hona mun sang hawu chuh sukchim in um in au; na maichâm hawu chuh suksiet leh sukchim ahih theihna ding leh na milim hawu chuh khet gawp ahih u a sukbeih ahih theihna dingun leh na gimlim maichâm hawu chuh satthâk ahih u a, na thil siemkawm hawu chengcheng chuh a manthai theihna dingin.

EZEKIEL 5:14

Zielo chun, na kimvela nam haw lak leh na kawm hawh malam cheng chengte mitmuh achun khaw hawm nung leh muhsit-um a hun siem ding ka hi.

EZEKIEL 5:2

Mun thuma khena mun khat chuh huola a um sung nite a bukim tieng leh khawpi laia meia na hâl ding ahi a, mun thuma khena mun khat dang chuh lân na tin, khawpi kimvela chemzâma na sat nêl ding ahi; chun, mun thuma khena mun khat kit chuh huih tawhmang dinga na thehzak ding ahi a, zie nung chuleh ken chemzâm in delh zui ing ka.

JEREMIA 9:16

Amau haw leh a suon teu in a het khâkloh uh nam lak ah thehdalh ing ka ting; ka sukchimit ma chengin chemzâm delhzui sak ing ka.”

ISAI 33:9

Gam chuh a kap in a chul zo ta a; Lebanon gammâng chuh zakcha’n a vuoi ta a, Sharon phaicham chuh gamgaw a suok ta a, Bashan leh Karmel chun a nah hing cheng a thingtha zo tai!

ISAI 29:16

Thil cheng hi na lehbulh vek u a, bêldêngpa chuh bellei tung bang a ngaih in a um dinga ahim? Thilsiem chun a siempa chuh, “Nang nei siem ka hi puoi,” a ti ngei em? “Ahihloh leh bel chun bel dengpa kawmah, Bangmah na he puoi,” a ti dinga ahim?

ISAI 27:10

Khawpi kulh neite chuh a chim tha zo ta a. Gamgaw guola nutsieh leh thawmhau in a um a. Ganchate dinga kuolna mun leh hampa pehna mun chauh ahi tai.

ISAI 5:6

Susie vek ing ka ting, sat-hah in um puo’n tin, laihchuop in le um diek puo’n a; ling leh hamlingneite kek dim zaw’na; a chunga guoh a zuk loh na dingin meipi thu pie’ng ka,” ti’n.

SAM LEHKHABU THE PSALMS 146:9

Lalpa chun malzin haw chuh a enkawl sek a; Pa neilo leh meithaite chuh a panpih sek a; himahleh, mi nunsiete lampi chun sietna a tun sek hi.

NEHEMIA 1:8

Na suok Mosi kawma, ‘Na gitloh u chun namtin laka hun theh zak ding ka hi, ti a na thupiek chuh hezing dingin ka hun ngên hi.

2 LENGTE 21:13

Samari tehna khau leh, Ahab inkuon et zanna chu Jerusalem chungah zam ing ka ting; chun, mi’n kuong a sawp a, a leh vielviel bang in Jerusalem chu gawt ing ka ting, phiet ngim ding ka hi.

DAN NIHNA 32:26

‘Nawhzak vek ing ka ting, Mihing laka amau hetzingna subei kêi ding ka hi,’ ti mai ding hi veng,

DAN NIHNA 28:64

“Chun, Lalpa chun kâwlmawng langkhat apat a kâwlmawng lehlam chanin namtin lak ah hun thehzak intin, zie chun nang u leh na pileputeu in le na hêtkhâk loh uh thing leh suong pathien dang haw na va sem inlau.

DAN NIHNA 4:27

Lalpa chun namtin lak ah hun thehzak intin, Lalpa’n a hun thehzakna nam haw lak achun tawmcha chauh hingdawk inlau.

EZEKIEL 24:11

Khutichun, bel chuh a ngawnin mei-âm chunga chuh suon zing hi hen la, hung san tin, a thik chuh hung âm intin, a thienlohna haw chuh hung tui intin, a tui-êk kikhawl khawm haw chuh hung bei ina.

JEREMIA 40:15

Chun, Karea chapa Johanan chun Mizpah a Gedalia kawm achun a gûk in a hopih a, “Chieh ing ka ting. Nethania chapa Ishmael chuh va that mai ing ka; kuoma’n helo ding ahiu hi; Juda na kienga um khawm haw cheng hi a kithehchek u a. Juda mi umsunte manthaina hih dingin bang zieka na hinna la ding ahim?” ti’n a gena.

JAKOB 1:1

Jakob, Pathien leh Lalpa Isu Krista sawntawlawi apat: Nam sawm leh nam nih, khawvel a vakchekte kawm achun chibai.

NASEPTE 17:6

Chun, a muh loh phet u chun, Jason leh suohpih dang khenkhat chuh khuo a lawiupate kawmah a kailut u a, a kiko u a, “Van nuoi chawkbuoite khah, taka hin le a hung u a,

JEREMIA 50:17

Israel chuh belam guol a thehdalh ahi a, sakeibaknei te’n a delhmang u a, a masa’n Asuria leng in amah chuh a ne zo a, a tawpna ah Babulon leng Nebuknezar in a guh haw chuh a sukbawt sak tai.

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

ISAI 13:5

Amau haw, Lalpa leh a lunghihlohna hiemmatte chuh, gam gamla tak, kâwlmawng tâwp apat a hung ahiu ui. Lalpa’n a lungnatna zieka, gam cheng cheng hihsie dinga hung ahi.

ISAI 13:13

Khutichun, van khu sulîng ing ka ting, Kei, sepaihte Lalpa lungnat ziekin, ka lungnat etsakna ding chun, lei hile a umna mun chawn hiel khawpa suklîng in um ina.

ISAI 24:19

Lei hi suksiet dimdem ahi ta a, lei hi a kithehdalh ta a; lei hi nasa takin a kilîng a.

ISAI 30:32

Lalpa’n amau haw a zêp zui chun, a mite chun thil githei leh khuong khen in zui un au. Pathien ngêi chun Asuria te chuh do ding ahi ngâl a.

ISAI 34:2

Lalpa chun nam tinte chung leh, a sepaihte cheng chung achun lungnatna a nei ngâl a. Amau haw chuh a sumangthai vek a, thah dingin a pie ta a.

ISAI 34:10

A sun a zan in mit ni um ta puo’n tin, a meikhu chuh kumlekhuo’n chieh to vutvut ina, A kum a kum in a gam chuh sie deuh deuh intin, kumlekhuo’n, kuoma’n, a gam chuh hawh ta puo’n au.

JEREMIA 51:34

Babulon leng Nebuknezar in ei ne zo tai, ei thai nêl a, bel âwng bang in ei siem tai; gulpi guol in ei valh ta a, ka limna te chun a gilpi a suvah a, ei paih dawk kit tai,

NAHUM 1:5

A masang achun tâng liente chuh a kithing a, tâng neute chuh a tuitha zo tau hi; a masang achun leisiet hi hawmngawn ahi a, khawvel leh a sunga um chengcheng te le bangmahlo ahi.

ISAI 29:2

Ahih ziekin, Ariel chuh subuoi ding ka hi; Zie tak achun kahna leh mauna um intin, Jerusalem chuh keia dingin Ariel tawbang hung hi’n a.

ISAI 32:12

Lungkham in na âwm uh kichup un, lo pha tak tak leh grep huonte chu suksiet zawh ahi ta ngâl a.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.

EZEKIEL 7:12

Hun chuh a hung tung ta a, ni chuh a nai huoi huoi tai: a chawte le kipâk kiu henla, a zuokte le lungkham kiu hen: lungnatna chuh a bawn u a chungah a tung ngâla.

EZEKIEL 7:14

Pêngkun chuh mût u henla, thil cheng chengah kisazo ta mahleu, kuomah galdo dingin chieh puo’n au; ka lungnatna chuh a bawn u a chungah a um ngâla.