ISAI 23:4 - PATHIEN LEKHABU THIENGTHO (BSI)

⁴ Aw Sidon, zakcha’n, tuipi chun thu a gen ta a; tuipi a kulhbangte chun a gen u a “Nauvei in ka na kha puoh a, hin le ka hing kha puoi. Chanu ahim, chapa ahim le ka vak lien kha puoi,” ti’n.

ISAI 23:4 ပူးပေါင်းရင်းမြစ်များ

THUPHUON 18:23

Thaumei vak le na sung ah vak ta puo’n tin; mo leh moneipa husa himhim le, na sung ah zak hi diek ta puo’n a. Na sumkawlveite chuh khawvel a mi thilhih thei pente ahiu a; na dawi thilhih in khawvel a mi chengcheng chuh na thêm sek ngâl a!

THILSIEMBUL 10:19

Chun, Kanaan mite gamgi chuh Sidon khuo apat in Gerar lam zuonin Gaza khuo tiengin; Sodom leh Gomorra lam ah Admah leh Zeboiim lam zuonin, Lasha tieng ahi.

THILSIEMBUL 10:15

Chun, Kanaan chun chapa masapen Sidon a hing a, Heth le a nei hi;

JOSHUA 11:8

Chun, Lalpa’n amau haw chuh Israel te khut ah a pie ta a, a do u a, Sidon leh Misrephoth-maim, suohlam panga Mizpah guom tiengin a delh u a; khatchale sît mawngmawng nei lo in a that suok kêi u a.

VAIHAWMTE 10:6

Chun, Israel chate chun Lalpa mitmuh in thil gilo a hun hih kit tau a, Baal te, Ashtaroth te, Suria pathien te, Zidon pathien te, Moab pathien te, Amon suon pathiente, Philistia pathiente na a sem u a; tichun Lalpa a kiheisan tau a, a na a sem ta puou hi.

JEREMIA 25:22

Tura lengte cheng, Zidon lengte cheng leh, Tuipi gala lengte cheng le,

JEREMIA 27:3

Chun, Edom leng te, Moab leng te, Ammon suonte leng le, Tura leng te, Zidon lengte kawmah chun thu thâk inla, Jerusalem a Juda leng Zedekiah kawma hung, thangkote puoksak ah.

EZEKIEL 28:21

“Mihing chapa, Sidon lam nga’n la, a chungthu genlawk in.

EZEKIEL 28:22

Lalpa Pathien chun hiti hin a tii: Ngaiin, ka hun do ahi, Aw Sidon; Limbawl in hung um ing ka, na sung ah; Lalpa chuh ka hih zie hun he’n au, a chunga gawtna ka tunsak a, a sunga thiengtho a ka kitaklat tieng.