ISAI 22:5 - PATHIEN LEKHABU THIENGTHO (BSI)

⁵ Kilâkna guom achun, Lalpa sepaihte Lalpa apat chun, buoina leh tawhden a umna ni leh, lungkhamna ni ahi ngâl a, kulhpi bang hihsietna leh, tâng te kawma panpih ngetna ni tunsak ding ahi.

ISAI 22:5 ပူးပေါင်းရင်းမြစ်များ

LUKE 23:30

Zie tieng chu leh mi’n tâng kawmah, ‘Ei delh khum ah!’ tiu intin, muol kawma le, ‘Ei selin!’ hun ti’n au.

MIKA 7:4

Tichun, a lak u a mi phapen chuh hampa tawbang ahi a, mi dik pên chuh hamlingnei tawbang ahiu. Pathien in thiemgaute manga a genlawk masak guol khan, a mite a gawtna ding ni chuh a hungtung tai! Tuhin, a buoi na niu chuh a hungtung tai.

SUNNA LA 1:5

A melmateu chun a huol kimvel tau a, vai a hawm khum tau hi. A gitlohnau haw ziekin Lalpa’n a thuok sak ta a; A chateu chu mata um in melmate chun a puimang tau hi.

ISAI 37:3

Chun, Hezekia chun hiti hin a thuthak a, “Tuni hi, gimtheih thawkna ni ahi a, gawt leh sukzahchak in ka um u a. Numei nau neih phat hita a, himahleh, nau nei dinga hatna neilo tawbang ka hiu.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

HOSEA 10:8

Israel ten milim a honau, Aven tângsipa umte chuh sukmangthai hiu untin; a maichâm chungteu achun ling leh khauguite kek dim in a. Zie tieng chu leh mihaw chun tâng kawmah, “Ei sel in” tiu untin, muol kawmah, “Ei delh khum in” ti’n au.

SUNNA LA 2:2

Lalpa’n lungsietna neilo hielin, Jakob chênna cheng chu a sumang ta a; A lungnatna chun Juda chanu kulh dettak te chu a suchim a. A vaihawmte leh a lenggam u chu a hihniem ta a.

JEREMIA 30:7

Ehe! ni tizat-um tak chuh a hungtung ta a hi! Ni dang, a tehpih theih ding himhim a um puoi. Jakob buoina ni ahi ngâla! Himahlele, amah chuh zie apat chun hukdawk in um ding ahi.”

ISAI 22:1

Ziehi kilâkna guoma tunung thil kigen chuh ahi: Bang thil a hungtung a ahi ta’m? Bang zieka khawpi a mi chengcheng In chung a kalto na hiu hi?

MATTHAI 24:16

“Juda gama umte chu tânghaw achun tai mang u hen!

ISAI 25:10

Zie tâng ahin Lalpa khut chuh kinga’n tin, himahlele, Moab chuh kawkhuk a buhpawl chilgawp bangin tawh den in, chil gawp in a.

ISAI 5:5

“Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

ESTHER 3:15

Chun, leng thupiek in, thupiek chuh Susan a leng In achun a phuong u a, Susan khawpi lungzîng a a um lai chun, Leng leh Haman chun zu a dâwn heuh heuh mai u a.

2 LENGTE 25:10

Chun, mi veng pawl lawiupa kawma um Kaldai sepaihte chengcheng chun Jerusalem kimvel a kulh chu a suchim vek u a.

2 LENGTE 19:3

Chun, amau chun a kawmah, “Hezekia’n hiti hin a tii: ‘Tuni hi thuokgimna ni a hi a, gawt in ka um tau a, muhsit in ka um tau ahi! Numei nau nei dinga kisa a, himahleh, nau hinna dinga hatna neilo tawbang ka hi tau ui!

ISAI 63:3

“Namte chuh grep bang mai in ka chil a, himahleh, kuomah ei panpih ding a hung puou ui. Ahi, amau haw chuh ka lungnat in ka tawh gawp a, tichun, a thisan hawu chuh ka silhlechen chung ahin a bêk a, ka puon cheng hi a subuok ta ahi.

ISAI 63:6

Tichun, mipite chuh ka chilgawp a, ka thangtawmna chun amau chuh ka gawt nêl a; a hinnau thisan chuh leituol ah ka sung tha vek ta a,” ti’n.

EZEKIEL 7:7

Aw, gam luohpa, na sietna ding na chungah a hung tung ie; ni chuh anai tai, buoina ni, kipaka tâng chunga kikona ni hilo.

ZEPHANIA 1:15

Zie ni chuh lungnatna ni hi’n tin, lungkhamna leh gimtheihna ni, sietna leh hawm na ni, thimna leh khawnîm ni, mei leh thim sah tak ni hi’n a.

SUNNA LA 2:8

Lalpa’n Zion chanu kulhbang puksietna ding chu a guotsa ahi a; A tehna khau chu a zan a, susie lo dingin a khut a nung zuk puoh a, Zieziekchun tuhin a gâlven In te leh, a bângte chu a puk khawm tau a.