ISAI 22:16 - PATHIEN LEKHABU THIENGTHO (BSI)

¹⁶ Chun, a kawmah hiti hin gen ah, “Zie hin bang thuneihna na nei a, inkuon bang tawbang na nei a, zie tâng panga hi na thân ding na kilaih a, suongpi a chênna ding na kivihkuok ahi?

ISAI 22:16 ပူးပေါင်းရင်းမြစ်များ

MATTHAI 27:60

amah thân dinga suong a vih hawm zawh tûng cha achun a siel ta a. Chun, thân kawta chun suong lien tak khat a kawih a, a chieh mang ta a.

2 KHANGTHUBU 16:14

David khawpi a amah thân dinga a kisiem suong a geikuok achun a vui tau a, Gimlimte, thau gimlim chi chuom chuom te chu a taksa vuih dinga guonggalhna achun a mang u a, a thihna sun na ding. chun meipi nasa takin a tik u a.

2 SAMUEL 18:18

Absalom chun a dam lai in leng-phaizawl achun suongphuh a na phut a; “Ka min manloh na dingin chapa la ka nei puoh ngâl in,” a ti a. Zie suongphuh min ding chun amah min a putsak a; tuni tieng hin Absalom hetzingna tih ahi tai.

JOB LEHKHABU THE BOOK OF JOB 3:14

Lei lengte leh lemguotpihte, A siesa amau a dinga siemphate chu tawh kuol ding ka hi.

MIKA 2:10

Tho un la, chieh mang un! zie tak ahin bitna a um diek puoi. Na gitlohna ziekun, zie mun hi sietna lauh-um tak tunna mun in na siem tau hi!

ISAI 52:5

Zieziekchun,Lalpa chun zie thu ahin bang ka gen ta die, ka mite chuh aziek beia puihmang ahiu a; a vaihawm teu chula a khuoisa-akhuoisa zieng u a; sun ni tum in ka min chuh a musit u a.

ISAI 14:18

Nam tin leng chengcheng chuh amau haw thân chietah lopi takin a kuol chiet u a.

THILSIEMBUL 50:5

Ka pa’n, thi ding ka hita a Kanaan gama ka thân dinga ka guonggalh sa a um a, zie tak ngêi achun ei hun vui un ti’n ei kihâksiel saka. Zieziekchun, lungsiet takin, ka pa vui dingin ei chieh sak inla, hungkit pai zieng ing ka, a tii, ti’n va gen un,” a ti a.

ISAI 14:19

Nang vang chuh thân neilo in, kihdak-um tak leh, gâl thah, chemzâma sutlet pai, kawkhuka vuiha silhlechen muot bangin gamla taka paih dawkin na um zaw ta a; thiluong tawhden bang mai in.

ISAI 22:17

Ngaitie, Lalpa chun thakhat a hun la dawkin hun paih ding ahi; ahi, hun tuchak kêi ding ahi.