ISAI 22:12 - PATHIEN LEKHABU THIENGTHO (BSI)

¹² Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

ISAI 22:12 ပူးပေါင်းရင်းမြစ်များ

JOEL 2:17

Ho-In hulliep leh maichâm kikala nasem thiempute chuh, kap kawmin paucham u hen la, “Aw Lalpa, ka chungu ah zahngai in! Nam dangte chuh, ‘Na Pathien uh khawia um a hi ta?’ ti a, musit tak leh ei nuihsan dingin umsak ki’n,” ti’n gen u hen.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

MIKA 1:16

Zieziekchun, Juda mipite haw, na cha deihtakteu ziekin lungkham in na sam uh met kawlh unla! Na chateu chuh nang haw apat a sala puih manga um ding a hih ziekun, mulukawlh luchang guolin na sam uh met kawlh un!

JAKOB 5:1

Tuhin, nanguh mineizote haw, ei na ngaithau in! Na chunguh a lunggimna a hungtun ding ziek hin, kap unla, pêng tuk tuk un!

AMOS 8:10

Na guolvaknateu chuh lungkhamna suoh sak ing ka ting, na la teu chuh kahna suok hen; kawlladip puon hun chen sak chiet ka ting, luchang met kawlh in, chapa neihsun sun a lungkham bang leh, a tawpna chuh khatna ni bangin siem ing ka,” ti’n.

JONA 3:6

Zie thu chuh Ninevi khuo lengpa chun a hun zak phetin, a lalchutphah apat chun a dingdawk a, a lal puonte a lip tha a, kawlladip puon silh in, vut lak ah a chu tha a.

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

THUGENPA 3:11

Bangkim hi a hun tawh kituok dingin a siem a. Mihing lunggil achun kumsawt a kawiha, het nawpna a um a, himahleh Pathien in a tunga pata a tâwp tienga dinga a thilhih chuh a mudawk diek puou.

THUGENPA 3:4

Kah hun a um a, nuih hun a um, lusûn hun a um a, lam hun a um hi,

JOB LEHKHABU THE BOOK OF JOB 1:20

Tichun, Job chuh a dingdawk a, a puon a bawtthêk a, a luchang a hietkawlh a, tuol ah a bawkkhup a, Pathien a ho a;

NEHEMIA 9:9

“Aigupta gama ka pileputeu gimtheih zie chuh na mu zing a, Tuipi San panga a kiko thawm chuh na za a.

EZRA 9:3

Zie thu chuh ka het phetin ka silhlechen ka bawtthêk a, ka luchang a ka sam leh ka khabemul ka bawttha a, lungkham in ka chu tha a.

2 KHANGTHUBU 35:25

Thiemgau Jeremia chun leng Josia sûnna la a phuok a, zie la chu Israel gama pasal, numei lasa te’n a mah a sûn cheng u leh a sa zing sek ui. Zie chuh kahla achun a kizik hi.

ISAI 3:24

Tichun, gimlim a mat sekteu sang chun thil uih um intin, kâwnggak thasang chun khauhuol um ta’n tin, chun, sam bawk phatak thasang chun thik âm a deh sietna um ta’n a.

ISAI 26:10

Minunsie chuh deihsak in um mahleh, thil dik sin diek puo’n a: dikna gam achun diklo takin hih intin, Lalpa lopina chuh mu diek puo’n a.

ISAI 29:1

Ehe, Ariel, Ariel! David chênna khawpi! Na chung a gik hi! Kum khat hung beiin, kum dang hungtung zelin, Kut nite mang zel mahleh chin,

ISAI 32:11

Hindan nuom takin na hing u a, lungkhamna neilo hielin, himahleh tuhin, lau in kithing un! Kisuohthau unla, sangawn in um unla, na kâwng u ah kawlladip puon chengun!

ISAI 58:3

“Bang zieka na muh loh dinga an ka ngawlh sek uh ahi? Na hetloh dinga bang zieka kingainiem ka hiu hi? Ngaitiem u! na anngawlh niu chun nangmau haw lunglutna lam chauh na buoipih u a, na nasemteu cheng chuh na sugimthei sek u a.

JEREMIA 4:8

Zieziekchun kawlladip silh unla, kap unla, khuoisa vungvung un. Lalpa lungnat na huoisie tak mai chuh I lak u apat in akithiel puoh ngâla.

JEREMIA 7:29

“Na sam tan inla paihmang in, Aw Jerusalem, munsang haw achun kahla sa’n la, kap in; Lalpa’n a lungnat na chawktho suon te chuh a paih tha a, a nungngat san ta ngâla.

JEREMIA 16:6

Zie gam ahin mi thupi leh mineute le thi ding ahiu hi; vuih hi puou un tin, kuoma’n sun puo’n au, amau leh amau ki-ât puou untin, a luchang u le hietkawlh diek puo’n au.

JEREMIA 16:8

“Chun, amau haw tawh ne leh dâwn dingin guolvakna in ah na lut dinguh ahi puoi.

EZEKIEL 27:31

Nang zieka kimet kawlh in, kawlladip puon cheng un au, Thasie kuong kuong a kap in, nasatak in hun sûn in au.

DANIEL 5:1

Zan khat chuh, leng Belshazar chun a mi lopite sangkhat chuh guolvakna nasa taka dingin a chiel a, ziete chu tawh uain a dâwn khawm tau a.

HOSEA 9:1

Aw Israel, Pathien helote guola na kipahna siem chuh haihsan in. Na Pathien apat in na kiheimang a, amah a dinga ginum ta lo na hi. Gam sung pumpi a chun nawhchizuok guolin Baal pathien kawmah nangmah na kizuok viel a, buhte chuh lawh dinga a hun piek hi a na ngaih ziekin na deih mah mah a!

JOEL 1:8

Nungak in a vanglai pasal ding kawlladip puon cheng a, a su’na, a kah bangin kap luoi luoi un!

ISAI 37:1

Chun, hiti hi ahi a, leng Hezekia chun a thugenteu chuh a zak phetin, a puonte a bawtthêk a, saidippuon a kikhuh a, Lalpa Ho-In sunga chun a lut a.

ISAI 37:2

A insung a lawiupa Eliakim leh lehkhazikpa Shebnah leh, thiempute upahaw chuh kawlladip puon kikhuh in, Amoz chapa thiemgau Isai kawmah a sawl ta a.

JOEL 2:12

Lalpa chun, “Khutichun, tuhin na lunggil chengcheng u a lungkham in, anngawl in, kap unla kei lam hung ngau in.