ISAI 22:11 - PATHIEN LEKHABU THIENGTHO (BSI)

¹¹ Khawpi sung ah tui kawihna na siem a. Himahlele, ziehaw a na guonggalhpa leh, malai apat a zie thilte hun tun sakpa Pathien lam chuh na ngaihsak puou hi.

ISAI 22:11 ပူးပေါင်းရင်းမြစ်များ

MIKA 7:7

Himahleh, ken vang chuh Lalpa lam en ing ka ting, ka hukdamna Pathien chuh ngak ing ka. Ka Pathien chun ei ngaitha ding ahi ngâl a.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

ISAI 17:7

Zie ni chuleh mi’n panpihtu dingin, a siempau lam nga tau untin, a mit teu chun Israel te Mi thiengtho chuh en ta’n au.

2 LENGTE 25:4

Tichun, khawpi kulh bâng chu a vitvang u a. Babulon te chun khawpi um kimvel suok mahleu, zan lai chun sepaih chengcheng chu a taidawk tau a. Leng huon kawma bâng nih kikal achun a taidawk u a, Jordan luiphai lam achun a taisie tau a.

JEREMIA 39:4

Chun hiti hi a hung hi a, Juda leng Zedekia leh a sepaihte’n amau chuh a muh phet un, a taimang u a, khawpi apat chun zan kâl in a pawtdawk tau hi. Leng huon kawtkhak lama kulh bâng nih kikala kawtkhak achun a taidawk u a, amah chuh phaicham lampi lama Arabah achun a pawtdawk ta a.

ISAI 37:26

“Keimah ngêi hin, malai apat a ziehaw chuh ka guot ahi a, malai pek a pata ziehaw chuh ka guonggalh ahi tih na he puo maw? Kulh nei khuote suchim dinga ka hun tih ahi.

ISAI 8:17

Lalpa chuh a mite lak apat in a kisel a, mahleh, ka ginna chuh amah ah ka nga a, amah achun kinem zing ing ka.

NEHEMIA 3:16

Chun, aban achun Azbuk, Betzur kimkhat a vaihawmpa chapa Nehemia chun David thân zawn leh dîl laihna kieng leh mi hangsante In tiengin a siemphau a.

2 KHANGTHUBU 6:6

Amah vang chuh ka min umna dingin Jerusalem ka na tel ta a, ka mi Israel te vaihawm sak dingin David ka na tel tai,’” ti a; a gen pa, a mah khut ngêi a hun pititpa hi pahchak in um hen.

2 LENGTE 20:20

Chun, leng Hezekia chanchin dangte, a thilhih theih dân te, dîl leh tui lâkna a siem a, khawpi sunga tui a lâklut te chu, Juda lengte vaihawm lai hun zikna bu ah a kizik hilo ahim?

ISAI 22:10

Dil lui apat tui lâksuk kawih khawmna dingin, kulh bângte nih kikal achun tuikuong na kawih a.

ISAI 7:3

Khutichun, Lalpa’n Isai kawmah, “Na chapa Shear-Jashub pui inla, leng Ahaz kimuhpih dingin chieh un. Amah chuh puon sawpte nasepna lamlien, dîl saknung apat a tui luonna dinga a laih uh tâwp achun va mu’n lau.