ISAI 21:9 - PATHIEN LEKHABU THIENGTHO (BSI)

⁹ Ngaitie! thakhat in, mihing hawn, sakawl chung chuong, a kawp kawpa chieh a hung ui,” ti’n. Amah chun, “Babulon khawpi chuh a chim tai! A chim tai; a pathien uh, milim siemkawmte chengcheng chuh lei ah suknel in a um tai,” ti’n a dawng a.

ISAI 21:9 ပူးပေါင်းရင်းမြစ်များ

THUPHUON 18:2

Amah chun aw ngeih tak in, “Babulon khawpi lopi chuh a chim tai! a chim tai! Thithate umna leh, thagau buok leh muhdahum tin chengte umna a hung hi tai!

THUPHUON 14:8

Chun, vânsâwlchâk nihna chun. “Babulon khuo lopi, a mi deihchak nawp zieka. namtin kawma a lungnatna uain dâwnsaknu chuh, a chim tai! a chim tai!” ti’n a kiko a.

JEREMIA 51:8

Babulon chuh thakhat in a puk a, a mangthai ta a; amah chuh hah kah in kah un. Sukdam theih ding a hih chun, thingnai damdawi nuh thawh chi lak sak un.

JEREMIA 51:44

Babulon a Bel chuh gawt ing ka ting, a valh lut sa chuh a kam apat in ladawk ing ka; namte chuh amah kieng ah luong khawm kit ta puo’n au, ahi Babulon kulhpi chuh chim ina.

ISAI 13:19

Chun, Babulon chuh khawpi laka hawihpen leh, a mipite kisuonpih ahi a, himahleh, Kei, Lalpa hin, Sodom leh Gomorra ka sukmangthai bang khan, sumangthai ding ka hi.

THUPHUON 18:21

Chun, vânsâwlchâk hât tak khat hin, suong sumhei tawbang lientak khat hi a la a, tuisuohgiet ah a paih lut a, “Babulon khawpi lopi chuh hitibang taka nasa hin paih in um intin, kuoma’n mu kit ta hiel puo’n au.

JEREMIA 51:64

Babulon chuh hitibang hin tum mang intin, a chunga sietna ka tun sak ding ziekin, thokit ta puo’n a; chau mah mah in au, ti a na gen ding ahi,” a ti a. Ziehaw cheng hi Jeremia thugen chuh ahi.

JEREMIA 51:52

Zieziekchun, ngaitiem u, A milim siem kawm teu chung a ka vaihawmna ding leh, a gamsung pumpi a liem na thuok haw tau na ding ni chuh hung tung ding ahi tih hi Lalpa kamsuok ahi.

JEREMIA 51:47

Zieziekchun, ngaitiem u, nite chuh a hung tung hi; Babulon milim siemkawmte chungah vai ka hawma, a gamsung pumpi zahchâkna ding ni chuh: chun, a sunga a mithahte chuh puk un au.

JEREMIA 51:27

Zie gam achun kidona puonlap khâi unla; namte laka chun pengkun mût un, amah do ding nam chuh guonggalh unla, Ararat leh Minni te, Ashkenaz gam tawh amah do dingin kisam khawm un: amah do dingin sepaih guot unla, lung vak sausau guol in sakawl kaikhawm un.

JEREMIA 50:42

Thalpi leh tiengcha a chawi u a, nunsie tak, zahngaihna himhim neilo ahiu. A thawm u chuh luipi gi hum hum bang ahi a; sakawl chung haw achun a chuong u a, mitin chuh gâlhât hangsan bangin a kivan u a, Aw Babulon chanu hun buluh ding ahiu hi.

JEREMIA 50:38

A tui haw chuh kang in a gaw zo ta a, milim haw gam ahi ngâla, milim haw chuh a ngawl lawh u a.

JEREMIA 50:29

“Babulon do dinga thal kap thiem, thalpi mang thiem chengcheng chuh samkhawm un: a kimvel ah bûk sau unla, kuomah pawtdawk kiu hen. A thilhih bang zel in din thuk un; a thilhihsa haw cheng chuh a chungah hih un; Lalpa, Israel mi thieng tho chuh a cho ngam ngâla.

JEREMIA 50:9

Ngaitiem u, Babulon hun do ding mâllam apat nam lopi tak um khawm haw chuh hun chawktho ing ka ting, amah do dingin kiguong un tin; zie apat chun lâk in um ta’n a Gâldo thiem tak, thalpi kapa a dawihna khiel ngeilo tawbang hi’nau.

ISAI 14:4

Zie ênghona thu hi Babulon leng kiko khum in hun gen un tin, “Bangti dana leng gilo chuh a puk ta a! Bangti dân ahi, sana khawpi chuh a dai kei ta na e!

ISAI 2:18

Chun, milim pathiente chuh kichien takin mangthai ta’n au.

ISAI 21:7

Sepaih hawnte, sakawl chung chuong, a kawp kawpa chiehte, sabiltung hawnte, sangawngsau hawnte, a muh chun guntaka et phat ding ahi,” ti’n.

ISAI 47:5

Lalpa’n Babulon kawm achun, “Thipkei in thim lak ah chu’n la; namtin lengnu hun ti talo ding a hi ngâl u a!

ISAI 47:9

Zie thil nih, chate channa leh, meithai na chun ni khat thu’n, mitphetlohkal in hun tunkhum ding ahi! Dawi thilhih theihna leh aisânna mang tam mahleh chin, na pasal leh na chate cha haw chanin hun chan tho inla.

ISAI 48:14

Na bawn un hung khawm unla, ngaithau un! Ka mi teldawkpa chun Babulon do intin; hih ding ka tihte chuh hih ina tih pathien dang khatcha’n le a genlawk thei puou ui.