ISAI 20:4 - PATHIEN LEKHABU THIENGTHO (BSI)

⁴ Asuria leng chun Aigupta mite chuh sal in a mana, a lien a neu in, sangawn leh kengtawbek butlo leh; tawdawk in Aigupta mite zahchâkna dingin pui mang ina.

ISAI 20:4 ပူးပေါင်းရင်းမြစ်များ

ISAI 19:4

Aigupta mite chuh lawiupa gilo tak khut ah pie’ng ka ting, tichun, leng lauh-um takin a chungu ah vaihawm ta’n a. Sepaihte Lalpa’n a tii.

JEREMIA 13:26

Tichun, Keimah ngêi in na puonchen chuh na mai khuh hiel in hun hâwk sak ing ka ting, na zahmawh kilang in a.

JEREMIA 13:22

Bang ziekin e zie thil haw hi ka chunga a hung tun? Na lungthim a na tih chun, na gitloh ziek vek hilo ahim? Na puonchen hâwk sak na hi a, na sangawn chuh a kilang ahi tai.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

MIKA 1:11

Nang haw, Shaphir khuo a mite haw, ngawnchang leh zakcha takin salin chieh un! Zaanan a chêngte chuh a khawpiu apat chun a hung pawtdawk ngam ta puou a. Beth-ezel te lusûnna thawm na zak tieng chuleh, zie tak achun kihumbitna a um puoi tih hun he ta’n la.

EZEKIEL 30:18

Tehaphnehes achun khuo thim ina, zie a chuh Aigupta namkawl ka sukbawt a, a kisuonpih a hatna chuh ka suktawp tieng leh; amah chuh meipi’n tuom intin, a khawpi hawa mite chuh sala puih in um in au.

JEREMIA 46:26

Ken amau haw chuh a hinnau hawl te khut leh Babulon leng Nebuknezar leh a suok te khut ah pie ding ka hi. Zie tieng chuleh mite’n hun luoh kit ding ahiu hi, masang lai guol mah khan, Lalpa’n a tii.

ISAI 47:3

Tichun, mite’n na sangawn na chuh hun muu untin uh; niem tak leh zakcha takin hun mu’nau! Phuba lang ka ting, kuoma’n ei nang thei puo’n au.”

ISAI 3:17

Lalpa’n Zion chanute lusip achun meimasie um sak in tin, a zahmawh teu le hâwkdawk sak ina, a ti a.

2 SAMUEL 10:4

Ziephet chun Hanun chun David mi sawlte chu a man a, a khabemul uh langkhat a met sak chiet a, a silhlechen hawu chu a lai tak ah a tawbak uh supha phetin a tan sak a, a sawlmang ta a.

ISAI 47:2

Buhgawihna suong hêk in, changbuong gawi nêl in na pang ta a! Na puon khuk chuh hâwk inla, na puon silh lai hawih tak chuh latha’n; Lui gâl kai dingin na puon chuh hâwk sangin!

JEREMIA 46:19

Aw, nanguh Aigupta gama chêngte, sal tânga dingin kisa’n. Noph khuo chuh a hawm in um intin, tichun, luoh ding umlo a khuo hawmsa guol a um ding ahi.

AMOS 9:7

Lalpa chun, “Aw Israel chate haw, ka chungah Ethiopia chate bangin na um puou a ahim? Aigupta gama pat in Israel chuh ka puidawk a, Kaphtor gam apat in mite leh Kir gam apat in Suria te ka puidawk puoh a ahim?” a tii.

NAHUM 3:10

Khutisa chun le puihmang ina um u a, sala puih in a um tau a; a chasen hawu chuh khawpi lailung achun chilgawp in a um zo tau a; A lawiupa teu chuh phunsân khum in a um u a, a milienteu chengcheng chuh thikkawl buhsak in a um tau hi.

ZEPHANIA 2:12

Nanguh Ethiopia mite le ka chemzâm a thah a um ding na hiu hi.

1 KHANGTHUBU 19:4

Khutichun, Hanun chun David mite chu a man a, a khabemul uh a met muih sak a, a silhlechenteu chu a tawbak kimkhat uh khuh pha hâm in a tan sak a, a sawl kit ta a, tichun, a kipandawk tau a.

ISAI 31:2

Amah chuh a pil a, sietna a tun sak sek a; a thugen chuh a zukkik ngei puoh a, mahleh, thil phalo hihte chuh hun do ngêi ngêi intin; thil phalo lama mi ana panpihte chuh gawt ngêi ngêi ding ahi.

ISAI 31:3

Aigupta mite chuh Pathien ahi puou a, mihing mai ahiu hi; a sakawlteu chuh thagau ahi puoh a, phehlevo mai ahi ngâl a; tichun Lalpa’n a khut a thâk tieng leh, namte chuh puksieu un tin, a panpihte chule puk untin; a bawn u chun beimang khawm un au!