ISAI 2:8 - PATHIEN LEKHABU THIENGTHO (BSI)

⁸ A gam u chuh milim pathien in a dima, amau haw khutsuok masang achun a bawkkhup sek uh a.

ISAI 2:8 ပူးပေါင်းရင်းမြစ်များ

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.

ISAI 37:19

a pathienteu, pathien tak hilo, mihing khuta, thing leh suong a siemte chuh a hâltum sek hi tih hi thudik ahi a.

NASEPTE 17:16

Chun, Paul in Athen khuo a Silas leh Timothe a na ngak lai in, khuo chuh pathien lima dim in a mu a, a lung a vilh mah mah ta a.

HOSEA 14:3

Asuria te chun ei hukdam thei ta puou a, kidona sakawlte chun le ei hukbit thei diek puoi. Ka khutsuok teu kawm achun, ‘Ka pathien uh na hiu,’ ti kit ngêi ta puo’ng kau. Nauchagahte chun nang ah zahngaihna a mu sek ngâl u a,” ti’n.

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

HOSEA 12:11

Himahleh, Gilead a chun milim ho a hi zing a, a hote chuh thi tei ding ahi ngâl u a. Gilgal achun bâwngchalte a lân u a, himahleh, a maichâmteu chuh gamtalai laka suong sieh vum bang chauh hung hi ding ahi.”

JEREMIA 11:13

Aw Juda, na pathiente chuh na khawpi zah hielin a tam u a, thil zahchâk um tak, Baal kawma gimlim hâlna ding maichâm Jerusalem kawtthêl zah hiel na zahchâkna dinguh na siem tau a.

ISAI 57:5

Gangpi bul tin leh thing hing nuoi tin ah na kipawlthanghuoi u a; phaicham leh suongpi kek kal haw achun na chateu kithawihna dingin na pie sek u a.

ISAI 17:8

Maichâm, amau haw khutsuok lam chuh nga ta puou un tin, amau haw khuta siem Asher te ahim, nisa limte ahim chuh zah diek ta puo’n au.

2 KHANGTHUBU 27:2

A pa Uzziah guolin Lalpa kipah lam in thilpha a hih sek a, himahleh a pa guol in Ho-In a gimlim hâl in thil a hih guo puoi. Mipite vang chun gitloh na a hih zawm zing u a.

DAN NIHNA 4:28

Zie chun muh la mu theilo, het la he theilo, nek la ne theilo, thil gim le he theilo, mihing siemkawm thing leh suong Pathien haw chuh ho inlau.

HOSEA 8:6

Israel mi, khutthiemte chun milimte a siem uh a, himahleh, zie chuh Pathien a hi hiel puoh ngâl a. Samari khawpi a bâwngno limte chuh tuol a khetnel in um un au!

1 LENGTE 16:7

Chun, Hanani chapa thiemgau Jehu khut ale Lalpa thu chu Baasha leh a inkawte kalh in a hung tung kit a, a khut suok a Lalpa suklungnatna dinga Jeroboam inkawte guola Lalpa mitmuh a thil phalo tak a hih ziek leh amah a thah ziekin, Hanani chapa thiemgau Jehu manga a gen Lalpa thu chuh a hungtung tai.

ISAI 26:13

Aw Lalpa, ka Pathien uh, nang tih loh mi dangte’n ka chung u ah vaihawm mahleu, kei un vang nang min mai chuh ka hedawk zing ui.

ISAI 40:19

Milim pathien tawh maw? Mi khutthiem te khutsuok sanati a luon khum u a, sana khi a awhsak hawu bang hi ahi puoi.

ISAI 41:29

Ngaiun, kithepna maimai ahiu a; bangmah hihtheih a nei puou a, a milim pathiente chuh bangmahlo leh hawmngawn ahiu ui,” ti’n.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

2 LENGTE 17:10

Tang sang tin cheng leh, thing hing tin nuoi ah suongphuh te phut in, Asher pathiente a bawl u a;

2 LENGTE 17:16

Chun, Lalpa a Pathien uh thupiek chengcheng chu a lehngatsan u a, bâwngno lim kisung nih a siem u a, Asher pathien lim a kisiem u a, van a aksite khu a ho u a, Baal pathien na a sem sek tau a.

MIKA 5:12

Na khut u apat in na dawithiemnate chuh sumang ka tin, khutlam-en thiemte nei ta puo’n la.