ISAI 2:4 - PATHIEN LEKHABU THIENGTHO (BSI)

⁴ Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

ISAI 2:4 ပူးပေါင်းရင်းမြစ်များ

MIKA 4:3

Chun, amah chun namtin te kikal a thubuoi chuh khen intin, gamla taka namte leh nai taka te kal thu le. Chun, a chemzâmteu chuh lei lehna mawngzumte’n sek un tin, a tiengchateu chuh theikung vathahna chem dingin sek un au. Nam dangin nam dang kidopih ta puou un tin, kido dân le zil diek ta puo’n au.

HOSEA 2:18

Zie ni chu leh gamsate, chung leng vachate leh leia bawkvak te tawh thugawlh siem ing ka ting; thalpite, Chemzâmte leh kidonate hi lei apat in sumangthai ka ting; tichun bit takin hun kuol sak ing ka.

ZEKARIA 9:10

Chun, “Ephraim apat in kidona kangtalai chuh lamang ing ka ting, Jerusalem apat in kidona sakawlte chuh lamang ing ka; Kidonaa thalpi kimangte chuh suksiet in um ina. Amah chun namte lak ah chamna siem intin; Tuipi apat tuipi chanin, gam cheng achun vaihawm ina. Euphrates luipi apat in, lei mawng tâwp tiengin,” ti’n.

ISAI 32:18

Ka mipite ding chun lungkhamna um ta puo’n tin, a mite chuh bit tak leh muong takin um ta’n au.

SAM LEHKHABU THE PSALMS 46:9

A mah chun kido na haw hi kâwlmawng chan in a suhai sek a; Thalpo chuh ahih bawnga, tiengcha chu sattan seka; Kangtalai haw chu mei in a hâl mang sek a.

ISAI 9:7

A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

JOEL 3:10

Na lei lehnau thikzum chuh chemzâm in sek un la; na theikung thawhhahnau chemchate chuh tiengcha dingin sek un: Mi hatlo in le, Ka hât hi, ti hen.

1 SAMUEL 2:10

Lalpa dote chu phieh dimdem in au, Vana pata vanpi git in do intin: Lalpa chun kâwlmawng tiengin vaihawm in tin; A leng chu hatna pien tin, a thaunuh ki chu dawmsang ina,” a ti a.

SAM LEHKHABU THE PSALMS 82:8

Aw Pathien, tho inla, lei chung ahin vaihawm in; Namtin cheng hi na goluoh ding ahi ngâl a.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

ISAI 9:5

Sepaih galdote gâllâk leh, a puon uh thisan bek cheng chuh, meia hâlmang hita’n a.

SAM LEHKHABU THE PSALMS 110:6

Amah chun namte chungah vaihawm intin, Mun haw chuh mithi luong in dim intin, Gam tamtak luchangte chuh sat phel lem lum in a.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

ISAI 32:17

Tichun, diktatna gah chuh kichamna hi’n tin, chun, diktatna apat chun muonna leh kumlekhuo a taksan umna um zing ta’n a.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

JOEL 3:12

“Namte chuh kichawktho u hen la, Jehoshaphat guom achun hung u hen. Zie tak achun a kimvela nam cheng chengte vaihawm sak dingin chu ding ka hi!

SAM LEHKHABU THE PSALMS 46:10

Thip unla, Pathien ka hi tih hi heu in: Namte cheng lak ah chawih sa’n in um ing ka ting, lei ahin chawihsân in um ing ka.

ISAI 42:3

Luong kihek gawpsa chuh hekbawng pai puo’n tin, phita kuong liek liek chule sumit diek puo’n a; Thudik chuh ginum takin puodawk ina.

HOSEA 2:20

Ka thutiem ah um zing ka ting, keia hin na tin; tichun Lalpa ka hi tih he ta’n la.